صورة علم Saudi Arabia
من مجهول
منذ شهر 25 إجابات
0 0 0 0

أخجل من النظر في عيون زوجتي والسبب...

أنا شاب عمري 25 سنة تزوجت من شهرين و ياليتني ما تزوجت ..

زواجي كان تقليدي و الحمد لله زوجتي أكثر من رائعة...فوق الخيال جمال و أنوثة و رقة و تربية عالية من يوم ملكتنا و أنا منبهر فيها , الوالد الله يحفظه يملك عمارة و أصر اني أسكن فوق بيتنا بشقة لي و حدد يوم العرس و أنا كنت متابع مع العمال كل يوم  و كان الوقت قليل و جا  موعد العرس و البيت تحت الانشاء , تزوجنا و طلعنا اسبوع سفر خارج المملكة و رجعنا و البيت ما جهز , وديتها بيت أهلها مؤقت لحين يخلص البيت وأنا جالس ببيت أهلي و أشوف البيت قدامي كل يوم بناء و دهان و مافي شيئ منجز,  الصراحة انا طالع من عرس و قدمت قرض له  و الي معاي ابشتري فيه أثاث البيت و ما أقدر أستأجر بيت أجلس فيه أنا و زوجتي و هي مسكينة منحرجة من بيت أهلها , و كل ما أبغاها أخذها  نطلع البر و أنا مستحي منها و من أهلها هم فاهمين و مقدرين ظرفي و ما أحد انتقد اللي قايم يصير معانا , المشكلة عندي انا حاسس بالذنب معاها  و هي لسا عروس جديدة و زوجتي اللي كنت أحلم فيها  و ماني قادر أمنع نفسي عنها