كيف أهرب من عائلتي!

امى انسانة سلبية جدا لما بتيجى تنصحنا بتكلمنا بطريقة تخلينا نعمل الغلط بس عشان نعاندها وكمان لما بتحصل مشكلة بينى وبين اى واحدة من اخواتى مبتعملش حاجة بتقولى بس ابعدى عنهم لما بنيجى نتخانق واجى ابكى قدامها مش بيهمها خالص لدرجة انى بطلع كل حاجة مضايقانى عليها بشتمها وبقولها انتى ام زبالة وعيالك كلهم هيحرقولك قلبك لان اختى الكبيرة مش بتحب ماما خالص ومقطعاها خالص عشان كدة انا دايما بعايرها ان اختى الكبيرة بتكرهها بس كمان دى امى احيانا بعد اى مشكلة بحس انها لو ماتت مش هزعل عليها وخصوصا لو انا وهى اتخاصمنا حتى لو فترة كبيرة برضه بحس انى مش طايقاها وقولتلها انها اوحش حاجة فيها انها سلبية بس هى بتقولى انتو وحشين هعمل معاكو ايه يعنى ... النهاردة من شوية اختى استفزتنى وضايقتنى وكانت بتلقح كلام عليا واختى الكبيرة بتضحك ع الكلام مع العلم انى اصغر واحدة فى اخواتى نزلت اشتكى لماما قولتلها هاتى بنتك وربيها وطبعا ماما كلى اللى عملته انها نادت عليها وقالتلها بكل برود مالك باختك اختى طبعا نازلة بتضحك لانها غاظتنى وامى قدامى بتتكلم ببرود مقدرتش امسك نفسى وضربت اختى وهى ضربتنى ماما قالت بكل برود برده انا هسيبلكو البيت ف الاخر جات ماما مسكت السكينة وقالت لاختى اجرى على فوق واختى طلعت على فوق وضحكت فى وشى انا مقدرتش امسك نفسى وبكيت وقولتلها انتى متخلفة وام زبالة لانى لجأتلك الاول وانتى معملتيش حاجة انتى السبب فى الخناقة وقولتلها كل ما بنتك تضايقنى وتحرقلى قلبى هاجى اطلعه عليكى طول ما انتى مش عارفة تربيها وهى بترد بكل برود تقولى اه انا مش عارفة اربى بس ف الاخر قالتلى لو عندك كرامة متكلمنيش تانى وقتها حسيت انها اتجرحت من كلامى بس كمان هى سلبية جدا هى اللى وصلتنى لكدة ... انا دلوقتى فى تانية ثانوى ومش فادرة اعيش ف البيت اخواتى زبالة وامى سلبية وبابا لما يعرف ان فى خناقة تقريبا بيقاطعنا ومش بيحل اى حاجة وهو سلبى كمان اكتر من ماما وانا كمان عصبية انا بكتب كل كلمة دلوقتى وانا بعيط مش قادرة استحمل عايزة اروح من البيت مش قادرة استحمل العيشة دى.....