كيف أعرف إذا كان زوجي مريض نفسي

السلام عليكم ورحمه الله وبركاته كيف أعرف إذا كان زوجي مريض نفسي انا متزوجة بقالي سنتين بحس اني زوجي تعبان نفسيا أو فيه صدمه مش عارفه زوجي أوقات بحسه غلبان اوي وطيب واوقات تانيه صعب التفاهم معه نهائيا وبيشك في دائما معندوش ثقه فأي حد حواليه حتي أمه بيشك فيها دائما شايف أن الناس كلها غلط وانه هو اللي صح دائما يعمل خناقه علي أقل سبب وموضوع ميكنش مستاهل زعل نهائي بينسي كتير ممكن يحط الحاجه وينسي مكانها

كمان اهم حاجه أنه بيكذب كتير اوي وحاجات ملهاش لازمه الكذب فيها وبكون شايفه أن الحاجه دي ليه يكذب فيها دي حاجه عاديه خالص وفيه طبع تاني برضه ممكن يروح عند اهلي لو شاف اي حاجه عجبته ياخدها دون إذن حد وحاجه ميكنش ليها لازمه اصلا ومش هيستعملها بس هو خادها وخباها وخلاص

دائما لما يحصل بينا مشكله يكون عاوز يسيب البيت ويلم هدومه وعاوز يمشي دائما بيعمل كدا والمشكلة بتكون تافه جدا انا متزوجه بقالي سنتين وتعبانه جدا مع أسلوبه ومش عارفه اتعامل معه وخاصة لما بيشك وبيغير ويفتكر اني بسرقه انا تعبانه انا عاوزه اعرف هل هو مريض ولا ده سوء تربيه ولا هو شخصيته عشان أنا معايا ولد صغير وخايفه جامد ابني يطلع زيه اتمني حد يفيدني بجد وشكرا طولت كتير ️