زوجي ضربني من أجل أمه فماذا أفعل معه؟

السلام عليكم، زوجي ضربني من أجل أمه فماذا أفعل معه؟ كنت عايزة أتكلم عن موقف حصل بيني وبين زوجي، وهل أنا غلطانة ولا لا، إحنا لسه متزوجين من كام شهر المهم نكون مثلًا أنا وهو بنهزر وبنضحك وكده، أكيد فاهمني، فـأمه ترن، يروح سايبني ويرد: "أمي أمي"، طيب وأنا يا ابن الحلال؟ ليه تكسر بخاطري؟

فعلاً تعبت ونفسيتي تعبت، والموضوع تكرر، أمس كنت مستنياه بلبس وميكب وهو راجع من الشغل، وسلمنا على بعض وحضنا بعض، فجأة التليفون رن، بص قال: "ياه، أمي"، وراح سابني، رحت قلت له: هجهز الأكل

بس أكلنا وأسلوبى اتغير، مكنتش فرفوشة زي الأول، المهم فضلت كده لحد ما قلت له إني اتأثرت من إنك تنفر مني كده راح قال لي: "دي أمي، إزاي تقولي كده؟" وضرب وإهانة مش متوقعة،
بقول له: كل ده ليه؟ بيقول لي: "إنتي تهيني أمي كده؟"

ده تفسيره إيه؟ ضربني بشدة، وهو أساسًا الغلط، يعني مامتك أصلًا مش عارفة إحنا في وضع إيه طيب خاطرِي، قول لي: هكلمها عشان كذا أو كذا، لكن عيب يحصل كده في بنات الناس