لا اخرج من البيت بسبب زوجة زوجي السابقة التي شوهت سمعتي بين الحميع

السلام عليكم انا عمري 26 تزوجت رجل مطلق عنده ابنه عمرها 12 وتعيش مع زوجته الأولى وولده عمره 16 رافض انه يعيش مع أمه وعايش معنا تصرفاتي مع ولده طبيعيه اخاف عليه وانتظره إذا تأخر احاسبه اركز على واجباته اليومية والحمد لله حريصه بس أمه تضايقني بالكلام تقولي انتي سارقه زوجي وولدي مني بس مارد عليها قبل أيام كلمتني وقالت تبي ولدها يزورها ويرجع نهاية الأسبوع قلت لها تمام عطيته فلوس وقلت له روح شوف امك مشتاقه لك وهاذا واجب عليك وقال لي انه بيروح بعد ماطلع انا نمت بعد ساعات صحيت على رسائل أمه تقول وينه ليه ماوصل للحين انتي اكيد لعبتي برأسه ورفضتي جيته عندي رحت اشوفه طلع نايم ماراح يشوف أمه قلت لها ولدك نايم هو قالي انه راح يجيك ولا جاك نام وش اسوي له وحطت اللوم كله علي واليوم الثاني كلمتني امي وقالت انتي ماتخافين من الله ليه ماتتركيه يروح عند أمه وقالت لأمي كلام كثير كله كذب وافتراء. ماسويت شيء انتظرت أربع أيام وقلت لولدها وصلني عند امك وصلنا قلت له انزل شوف امك دخل عندها أقل من نص ساعه طلع قلت له وشفيك قالي انه خلاص شاف أمه ويبي يرجع لأنه تعب قلت شفت امك واختك متأكد قالي ايه رجعت البيت كلمت ابوه اني حليت كل شيء ثم اتصلت أمه تتحسب علي تقول انتي لاعبه برأس ولدي .ولدي يكرهني بسببك وقالي انه مايبي يشوفني أكيد انتي حفظتيه الكلام والله لاشتكيك يامجرمه. ولحين لي شهر ماطلع من البيت فاظحتني عند كل معارفي وكلهم صافين معها واني ظالمتها حتى امي ضدي... والله كل يوم ادعي ان الله يفكني منها ويعيني على ما أنا فيه بسببها ايش الحل ويش اسوي