فقدت الأمل في زوجي المدمن ماذا أفعل

انا عندي مشكله وصراع داخلي كبير مش قادره اتقدم بحياتي باي شي غير بس احل هادي المشكله انا عمري ٣٠ سنه تزوجت بعمر ١٨ كنت افقد كثير اشياء بوقتها لهيك خطيت خطوة الزواج بعمر صغير وكانت مع الاسف اكبر غلطة بحياتي الشخص الي تزوجتو ما كان كفؤ ليكون شريك حياتي ما كان الشخص الي انا بقدر اكمل حياتي معه وصلت لهادي القناعة بعد سنتين من الزواج وكنت حامل بحملي الثاني حكيت لاهلي ما اخدو كلامي بجديه وقتها اضطريت اكمل واجي على حالي عشان ما لقيت حدا يسندني بوقتها

مع الايام صارت حياتي ما الها طعم نهائي زوجي يعاني من وسواس قهري تحت تشخيص دكتور بشكل رسمي ومع الاسف بياخد حبوب مخدرات هاد اكتشفتو بعد فترة واجهتو انكر الحقيقة حاولت انصحه ما اخد بالنصيحة هددته عده مرات بانه راح انفصل عنه وابدا بدون اي جدوى ضليت احاول طول الفترة الي فاتت اسنده وادعمه انه يتعالج ويبعد عن المخدرات بس قضيت سنين عمري احاول معاه بلا نتيجة

وصلت لمرحلة صحيت ع حالي لقيت عمري قاعد بضيع مع الشخص الغلط وفي حياه مش شبهي ومع شخص مش مسؤول ابدا ما يهتم ولا فيني ولا بالاولاد وبسبب عدم وعيه وانه مش صاحي على حاله ومخدر غلط غلطة كبيرة وصار كل ماله ديون مع التجار انا قولت مش رح اخطي خطوة انفصال الا بس يوقف ع رجليه عشان ما يقول انو تركته بوقته الصعب وصبرت معاه من سنه ٢٠١٧ ل٢٠٢٣ وبعدها اجت الحرب ووقفت الحياة وانا بموت كل يوم بدل المره عشرة وصار وضعه اسوء بكثير واسوء من قبل بالرغم من هيك اقنعته نروح ع دكتور ونبلش رحلة علاج من الوسواس القهري وانو يبطل المخدرات رحنا والدكتور شرحلنا كل شي عاساس انو يتعالج تفاجات انو لساتو بياخد مخدرات وحالته صارت اسوأ

صراحة انا تعبت من هذا كله فوق طاقتي تعبت لسه المشكله الاعظم انو اولادي حاسه بعجز اتجاهم مش قادره اعمل اي شيء الهم ولا قادره اقدم لهم اي شيء انا حاليا من جواتي رفضت هذا الشيء بشكل كبير طلع من جوا قلبي وانا مانعته يقرب مني بعرف يمكن شيء بغضب ربنا بس انا مش قادره اكون معاه بهيك شي من ناحية علاقة حميمة للعلم عندي اربع اطفال وصلت لمرحلة تعبت اضل اجي على حالي لاجلهم وانا نفسي الها حق علي ما حكيت تفاصيل عن حياتي بلي راح بس انا كنت عايشة بالحياه وهو ما كان شريكي فيها كنت لحالي