علاج ضعف النظر المفاجئ عند الاطفال بعد أن فقدنا الأمل

قصص النجاح
علاج ضعف النظر المفاجئ عند الاطفال بعد أن فقدنا الأمل

علاج ضعف النظر المفاجئ عند الاطفال بعد أن فقدنا الأمل شهور مرّوا بس مش متل أيا 8 شهور كانوا أصعب شهور بمرّوا علي بحياتي كلها قبل 8 شهور بالزبط صارت أكبر صدمة بحياتي كلها بنتي فقدت بصرها فقدت بصرها بلحظة وبدون سابق إنذار وبدون أي سبب صارت تشوف تقريبآ بنسبة ٢٠٪؜ وبس ومن أول يوم بلشت رحلة العذاب مع الدكاترة وما حدا عارف شي ويوم عن يوم بطلت تشوف ولااا شي وال٢٠٪؜ اللي كانت تشوفنا فيهم راحوا خلص أول مرة بحياتي بدخل بمرحلة كآبة من هاد النوع مش بإيدي ولا اعتراض على حكم ربنا لا والله بس كان نفسي أفهم شو اللي بصير والمشكله مش هون  المشكلة الأكبر كانت باختصار وعشان ما أطول كتير من أول يوم مرضت فيه وبرغم كل حزني وألمي وهمي وصدمتي إلا إنو كان عندي أمل كبير وأكبر من همي إنو رح ترجع تشوف كان عندي أمل إنو رح ترجع تشوفني وتشوف أبوها وأختها وتشوف حالها بالمراية وكل الناس حواليها بس بدها شوية وقت كنت أضل أقول أتى أمر الله فلا تستعجلوه وأسأل حالي فما ظنكم برب العالمين ؟ خيرآ والله خيرآ من أول دكتور أخدناها عليه عملنا كل شي طلبه منا فحوصات دم كامله وصور للشبكية والقرنية والعصب البصري وطبقيه للدماغ ماعندها ولا شي وكل شي سليم الحمدلله  طب شو اللي بصير الجواب هيك ربنا رايد وبس ما يئسنا ولسه عنا أمل  أخدناها خلال ٣ شهور على أشطر دكاترة عنا بالأردن تقريبا ٥_٦ دكاتره وكل واحد كنا نطلع من عنده وهو حاكيلنا كلمة وحدة "للأسف ما في أمل" ما ضل شي بنقدر نعمله لها وما عملناه لحد ما رحنا على آخر دكتور رحت يومها وكان عندي أمل يفائلني ولو بكلمة بس بعد الفحوصات قلي رح أعطيكي من الاخر بنتك فقدت بصرها وكان نفسي أقلك إنو في أمل لو ١٪؜ بس للأسف وما تحاولوا لأنو روحتكوا على أي دكتور ما رح يغير من الواقع شي ، واللي من الله حلو  يااا الله ما أصعب هالكلام على سمعي وما أتقله على قلبي بينزل متل الصخر على صدري حسيت حالي بدي أنهار مش بإيدي والله مش بإيدي هاي بنتي وأنا بعطيها عيوني بس ترجع تشوف طلعنا من عند الدكتور ووقفت عالدرجة ورفعت راسي للسما وقلت وأنا بصرخ من جوا ياااارب بعالم الطب عجزوا عن تشخيص حالة بنتي وعلاجها بس اللي خلق هالعالم قادر يردلي النور لعيونها  يااااارب ووقتها طلع الصوت على شكل دموع كانت معبية وجهي وركبنا السيارة أنا وجوزي وحاسين الدنيا اديقت فينا بس والله غير الحمدلله ما كنا نحكي وأنا بالسيارة أجاني مسج من أختي بتحكيلي إنو في دكتورة ببيت لحم بتعالج بالإبر الصينية وبيقولوا إنها كتير شاطرة تعالي وجربي ما رح نخسر شي.أكيد ما رح أخسر شي صليت استخارة وصلاة الحاجة وبعد يومين نزلت عالضفة ورحنا عالدكتورة وصلناها متأخرين شوي وكان لازم تسكر وصارت تعتذر إنها ما رح تقدر تعمل جلسة لها وأنا أصلا ما كنت فاهمة شو طبيعة العلاج قلتلها ما بدي تعملي شي بس بدي أسألك سؤال وجاوبني قالتلي إسأليقلتلها من الاخر في أمل؟ جاوبتني بعيونها قبل ما تحكي أي كلمة وقالتلي جملة وحدة ما بنساها  أشرت بإيدها على باب العيادة وقالتلي إذا بتدخلي من هاد الباب وإنت متوكلة على الله إنو الشفا بإيدو هو مش بإيدي أنا بنتك من شهرين لتلت شهور بإذن الله بتكون رجعت تشوف ياا الله شو اللي بتحكي هاي الدكتورة؟!! في حد أمله بربنا كبير متلي وبفكر متل ما بفكر وهون كانت بداية الخير  بعرف إنو الله الشافي بس الله أمرنا ناخد بالأسباب وأنا اتوكلت على اللهوبلشت علاج عند الدكتوره وكلللي أمل إنو الفرج والفرح قريب كتير بنتي خلال التلت الشهور اللي فقدت بصرها فيهم للأسف البؤبؤ عندها طلع لفوق وبطلت تعرف تتحكم بعيونها بعد شهر من العلاج أول شي صار إنو البؤبؤ بعيونها رجع لوضعه الطبيعي تقريبا بس بدون ما تشوف بس هاي بحد ذاتها بالنسبه إلي كانت نعمة كبيرة الحمدلله بعد شهرين صرنا نلاحظ إنها بلشت تشوف خيالات أحيانا وبعد فتره صارت تشوف حركة ايدينا وشوي شوي صارت تزيد الشغلات اللي بتشوفها  كنا كتير مبسوطين بالنتيجة اللي وصلناها وأكيد أول الغيث قطرة ووقتها صار لازم أرجع على بيتي بس قالتلي الدكتوره بنتي ما رح توقف هون بالعكس هلأ كل يوم عن يوم رح تحسي التحسن بزيد لحد ما ترجع متل ما كانت إذا الله سهل روحت على بيتي وصارت بنتي فعلآ كل يوم عن يوم أحس إنو في تحسن ولو بسيط كتير لحد ما إجتني بيوم وبتطلع فيي وبتدقق عيونها بعيوني قلتلها في شي؟ قالتلي ويا محلا اللي قالتهقالتلي(إيه.. هي إنت ماما.. أنا شايفتك والله شايفتك) ياااا الله مااا أكرمك.. يااا الله بنتي رجعلها النور لعيونه ولو إنو نظرها لساتو مش 100٪ وبدها شوية وقت بالعلاج بس النتيجة اللي وصلناها مبسوطين فيها قد الدنيا الحمدلله  الضربه اللي ما بتكسرنا بتقوينا وما بنسى الجملة اللي بتحكيها الدكتوره دايما ما في شي إسمه مستحيل ودايمآ في أمل وهاي هي قصة علاج ضعف النظر المفاجئ عند الاطفال لبنتي. 

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • صورة علم Saudi Arabia
    صورة علم Saudi Arabia
    من مجهول

    هل القصة حقيقية أم من نسج الخيال يا اختي نعم نثق في قدرة الله العظيمة إلا أن الأطباء تقريبا أجمعوا على فقدان ابنتك ليصرها فكيف للابر الصينيه أن تعبد النظر إلى ابنتك وما اسم المعالجة با الابر الصينيه ليستفيد الآخرين 

  • صورة علم Saudi Arabia
    صورة علم Saudi Arabia
    من مجهول

    حصني بنتك كل يوم بالمعوذات و اية الكرسي . العين حق

  • animate

  • صورة علم Saudi Arabia
    صورة علم Saudi Arabia
    من مجهول

    قصتك بكتني . الحمدلله والشكر . قد ما شكرناه على نعمه ما بنوفيه حقه .

  • صورة علم Iraq
    صورة علم Iraq
    من مجهول

    والله طول مااقرا رسالتك وإنا ابكي ..فعلا ما خاب من توكل على الله حق التوكل ..الحمدلله ..ان شاء الله تفرحي بيها دايما وما تشوفي اي شر .

  • صورة علم United States
    صورة علم United States
    من مجهول

    الله يسعدك اختي والله فرحت لك قصة كلها امل ان مع العسر دائما يسرا

  • صورة علم Iraq
    صورة علم Iraq
    من مجهول

    يارب رحمتك والله ابكتنى كلماتك صقينى واقشعر بدنى والله ونعمه بالله على كل شى بس اطلب من رب العالمين مثل مرجع بصر بنتك يرجع قلب حفيدتى تيا يشافيها ويعافيها ويرجع قلبها سليم ومتحتاج عمليات يارب دخيلك انت الشافى المعافى

  • صورة علم Saudi Arabia
    صورة علم Saudi Arabia
    من مجهول

    اولاالحمدلله على سلامتها والله الشافي المعافي ومامن داء وخلق له دواء الحمدلله دائما وابدا

  • صورة علم Egypt
    صورة علم Egypt
    من مجهول

    من فضلك قولي لنا اسم الطبيبة وعنوانها

  • صورة علم Egypt
    صورة علم Egypt
    من مجهول

    الجملة التى قالتها دكتورة الضفة هى الخلاصة فالله هو الشافى ولا شافى الا هو

  • صورة علم Lebanon
    صورة علم Lebanon
    من مجهول

    الحمدلله عسلامتها بنتك سؤال الدكتورة اختصاصها بس عيون او في غير شي اذا في مجال تبعتيلي اسمها ورقمها مشكورة

  • صورة علم Iraq
    صورة علم Iraq
    من مجهول

    رحمة الله واسعه

  • صورة علم Kuwait
    صورة علم Kuwait
    من مجهول

    أبكتني رسالتك ان دلت على اشياء وعبر عظيمة فمنها رحمة الله الواسعة التي وسعت كل شيء واجابة دعاء المخلصين الراضين وفضله العظيم الذي لا ينقطع.

  • صورة علم Jordan
    صورة علم Jordan
    من مجهول

    الحمد لله.... لكن عندي سؤال ليش كل الاطباء قالو مافي امل مع انه العلط تطور مثل الطبيبه الي كنتو عندها .... يعني اطباء ضعفاء وماعندهم علم وكان ممكن بنتك تخسر نظرها....طبعا كله بعد توفيق وارادة ربنا

  • صورة علم Egypt
    صورة علم Egypt
    من مجهول

    ربنا يباركلك فيها ويتم شفاها على خير تصدقي شكر لله على نعمه وبنية شفاها

  • صورة علم Egypt
    صورة علم Egypt
    من مجهول

    ربنا يشفيها ويشفى كل مريض

  • صورة علم United Arab Emirates
    صورة علم United Arab Emirates
    من مجهول

    اخخخ رسالتك وكلامك اثرو فيي ابني بعد ست شهور من ولادته صابه مرض وما في علاج نقص انزيم بجسمه سنتين واحنا من دكتور لدكتور وبالاخر توفى

  • صورة علم United Arab Emirates
    صورة علم United Arab Emirates
    من مجهول

    ياريت تتواصلي معي وضروري بدي اعرف اكتر عن هده الطبيبه عندي حالة بنتي وحمد لله على سلامة بنتك والله كبير

  • صورة علم Saudi Arabia
    صورة علم Saudi Arabia
    من مجهول

    رسالتك هي رسالة يقين بالله إيمان بالله توكل على الله.. نعم الله أكبر من الطب ومن الأمراض ومن كل كبير مستعصي. فالحمدلله حتى يبلغ الحمد منتهاه

  • صورة علم
    صورة علم
    من مجهول

    يا ابنتي الغالية ان كل الأعمال توزن إلا الدمعة التي تخرج من عين العبد ليس لها وزن ولا قدر عند الله فالحمد لله الذي كنا عند حسن ظننا به ألف الحمد لله ع سلامتها ولله الفضل والمنه على نعمه

  • صورة علم
    صورة علم
    من مجهول

    الحمد لله. رسالتك هي ليست فقط للحديث عن شفاء ابنتك بل هي رسالة لكل مكروب او له حاجة عند الله بأن يتمسك بالامل في قدرة الله سبحانه و انه وحده القادر على جبر ما انكسر في انفسنا.

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟