طلبت من زوجي الطلاق ولكني ندمت ماذا أفعل

انا كنت متزوجه لمدة 5 سنوات و عندي ولد من فتره 3 شهور حصلت مشكله بيني و بين زوجي بسب انه مايهتم فيني وفي ولده من الناحيه الماديه ومن ناحية انه م يهتم فينا وفي طلباتنا و لوكانت بسيطه وانا كلمت امي بالموضوع وبعدها طلبت الطلاق وزوجي ما قصر و على طول وافق و طلقني .. المشكله ان اهلي كان موقفهم قبل الطلاق غير عن موقفهم بعد الطلاق حسسوني انهم راح يوقفو معي و يساندوني . من فتره طلب اخوي مني اني ادور على شغل عشان اربي ولدي ولحد الان ماحصلت شغل واهلي تغير تعاملهم معاي وانا ما كنت متوقعه كذاوفي بالبيت يعاملوني معامله سيئه وحتى نظراتهم لي مختلفه انا ندمت على قرار الطلاق بصراحه و لكن طليقي رافض فكرت اننى نرجع ساعدوني

أضف إجابتك

تحديات الحياة الزوجية قضايا اسرية الطلاق والانفصال الشعور بالندم تكاليف معيشيه مشاكل المطلقات قضايا سعودية

من مدربة حياة ميساء حموري

منذ 3 سنوات

0 0 0

لا تندمي على الطلاق لانه الظاهر عاجلا ام اجلا سيطلقك ، وطلاقك الان أفضل من طلاقك مع اكثر من طفل،الان قد حدث ما حدث ، عليك البدء بأعاله نفسك وولدك ولا تتوقعي من اهلك ان يقومو بهذه المهمة ابحثي باستمرار عن عمل وطوري نفسك ولا تستسلمي،حتى تستطيعين ان تربي ابنك.

من الخبيرة النفسية سراء الأنصاري

زوجك كما يبدو ارادها ولايريد ردك واهلك ربما ظنوا انه مجرد كلام ولذلك لا يجب الاستعجال في طلب الطلاق والتفكير عشر مرات. المهم الان امامك عملين ارضاء اهلك وخدمتهم حتى لا يجدوك ثقيلة عليهم ومحاولة تعلم مهارة معينة لتستفيدي منها اذا كانت مؤهلاتك لا توفر فرصة عمل

احكي مع رجل اصلاح او مختار عائلة او شيخ او شخص حكيم مؤثر ومثقف، ويروح لزوجك ويقنعه ويسرب له انه انتي حابة ترجعي له، وارسلي اكثر من شخص، ترى الكلام مفعوله اقوى من السحر، انا في عائلتي عضو لجنة ونعمل كذا ونقنع اصحاب العقول المتحجرة دايما

الزوج مو كل شي ولو رجعتي ما بيتغير لكن انتي حاولي تدخلي احد الوسطاء يتواسطلك انتي وياه عشان ترجعين ويمكن تزبط بس ما تتوقعي يتغير شي

اشتغلي واعتمدي على نفسك وعيشي عمرك كله ولا تهتمين لا لزوج ولا ل اهل ما احد ينفعك غير نفسك ولا شي ينفعك والزوج لو كان طيب ويبيك ما طان طلقك من اول محاوله ورافض يرجعلك للحين

هو حتى ولا حاول انه يصالحك ولا حتى يحل الموضوع ولا يتفاهم دغري طلقك يعني هو كان يبي هذا من الاول يبي يطلقك من الاول ولازم تعرفين ان الاهل وهي بنتهم مو متزوجه وتنتظر زواج ينظرون لها نظرة انها عانس وانها هم وحمل ثقيل عشان كذا انا اقلك انسينه