لا أقاوم حاجتي لوجود رجل حقيقي في حياتي

اناسيده عمرى 45 سنه ..يشهد لى الجميع بالعقل والرزانه .. متزوجه من 21 سنه ..مرت بصعوبه شديده..اكتشفت من ليله الدخله ان زوجى ضعيف جنسيا بشكل كبير ..مش عاجز كليا لكن ضعف شديد ..قررت اعطيلى واعطى لنفسى فرصه يمكن تكون حاله عارضه وهتمر وتنتهى ..لكن استمرت وشاء الله ان احمل بعد شهر واحد من الزواج ..نتيجه مره واحده جماع ..واتخذت قرارى بالاستمرار من اجل ولدى ..كانت تمر على ايام كتير وشهور ابكى بمراره لاحتياجى لزوجى وهو نائم بجانبى مستسلم لعجزه لا يتخذ اى خطوه ولا يعترف انه عنده مشكله اصلا ..ومع الوقت ..اكتشفت ان الضعف كمان ضعف فى العقل والتفكير فلا يستطيع حل مشكله ولا التفكير فى مصلحه البيت والاولاد ..وبعدها ظهرت سلبيه شخصيته وهروبه من كل المسؤليات او من اى شيء ممكن يخرجه من كسله ونومه ..خسر كتير فى عمله وفشل فى توفير ماديات عاديه للمعيشه ..اصبح العبء المادى عليا بشكل اكبر ..حل مشاكل البيت والاولاد ..التعامل مع اهله والناس والدنيا كلها ..كل شيء اقوم به بداله وهو مستسلم تماما ..دلوقت خلاااااص ..زهقت ..الاستمرار معاه بقى دمار لاعصابى ..هو راجل طيب ومحترم ويعاملنى باحترام ..بس كده ..لا شيء غير الحنيه والاحترام ..مش قادره اكمل معاه ومش قادره على مقاومه احتياجى لوجود رجل فى حياتى ..قدامى اختيارين امر من بعض..اما اطلب الطلاق واصر عليه ..واسرتى تفقد شكلها قدام الناس ..لكن مش هيتاثر اى شيء بالطلاق لانه اصلا ملوش وجود فى البيت ولا فى حياه الاولاد..لكن هو هيتبهدل لانه معتمد عليا اعتماد كامل ..ومحدش هيتحمله ..او استمر بالحال ده للنهايه..العمر بيجرى ..ومش متصوره انى هفضل كده ..لا متزوجه ولا مطلقه ..امراه على الهامش ..انام وحدى من سنين ..وهو مش معترض ولا فارقه معاه.. بجد تعبانه ومش عارفه الحل