فارق العمر بيننا قلب حياتنا نكد!!

انا شاب عمري ٣٢ سنه تزوجت قبل سنتين بعد ماعشت حياة طويله عريضه سفر وشغل واقدراقول اني مرتاح ماديا وظيفتي زينه ،، بعد ازعاج اهلي قررت اتزوج خلاص وصار خطبوا لي وحده اصغر مني عمرها ١٧ سنه وجميله ووافقت وتزوجنا  سافرنا لشهر العسل ورجعنا وحياتنا كانت عاديه لكن مع الايام بديت الاحظ حركات واكتشف اسلوب زوجتي مايعجبني، دايم عينها على الي مب عندها وتبي تقلد الناس وكأننا نعيش للناس،، تقارننا بخواتها واي ناس ماتهتم فيني ولا في بيتها اهم شيء عندها اهله والناس واسوي واحط مع اني مااقصر عليها واعطيها مصروف كويس غير هذا كله البنت تغار بشكل مب طبيعي!! حتى التلفزيون اذا شغلته تسكره علي وتمنعني من التلفزيون او اي شيء فيه بنات!! واذا جيت اطلع تحاول تخليني اطلع بشكل غير مرتب بحجه انها ماتبي احد يشوفني من البنات ماتحب اهلي وماتختلط فيهم مع اننا ساكنين فوق اهلي بشقه منعزله صارت حياتنا نكد كل اسبوع مشاكل، اسبوع بالبيت و٣ اسابيع في بيت اهله زعلانه على اسخف الاشياء،، حملت زوجتي وجابت بنت وكثرت المشاكل والمشكله الاكبرالي عندنا الحين انها تبيني اترك وظيفتي!! انا اشتغل طياروبحكم عملي اسافر كثير وجدولي مب ثابت وهي حطت نقرها من نقر هالوظيفه وتبيني اتركهها وتخيرني بينها وبين وظيفتي والي قاهرني اكثر ان اهلها واقفين معها ويسمعون كلامها  والحين محتار وش اسوي!! انا معاد ابيها ومب مرتاح معها لكن الي كاسر قلبي بنتي الصغيره وماابيها تربى بين اهل متشتتين ومدري وش اسوي!!