صورة علم Saudi Arabia
من مجهول
منذ سنة 5 إجابات
2 0 0 2

تنازلت كثيراً حتى أضعت ذاتي

السلام عليكم انا بنت تعبت في حياتي كثير انا أكبر اخواني وتحملت مسؤليات ونحرمت كثير وخصوصا أن ظروفنا الماديه صعبه والداي اميان وغير متوافقين دائما في خلاف حتى على أتفه الأمور ابوي بلا مسؤليه وشالت الحمل امي لحالها ابوي محترف في الانتقاد والتحقير والتذمر الدائم وعيشنا طول عمرنا في خوف دائم من المستقبل فعمري ماسمعت منه كلمه تطمن والمشاكل يحاول قدر الإمكان انه يسحب نفسه منها لأنه لايريد أن يبحث عن حلول امي أصبحت مع الوقت مثله متذمره متشائمه رغم انها كانت ممتلئه بالامل ولكن يبدوا أنها من كثر الخيبات استسلمت حملت الحمل مع امي وتقمصت دور الأخت الكبيره وتنازلت كثيرا عن ذاتي حتى اضعتها في إحدى المنعطفات المهم استمرت حياتي هكذا وكنت موظفه والأيام تمر بين عمل وظروف ونظره سوداويه عن الرجال وقبل سنه ونصف كان عمري 35 تقدم لخطبتي رجل وهوابن خال زميلتي في الدوام وقد اخبرتها بعمري وبكل شيء عني وقلت لها اخبريه كل شيء وفهمت منها أنه قريب من عمري فقلت أن كان أصغر مني فماينفع قالت مافي فرق كبري عقلك قلت المهم هو لازم يعرف كل شي انا مابي مواقف مالها داعيصارت النظرة الشرعيه وكان الوضع طبيعي وتمت الملكه وأخذ رقمي لتواصل معي وتفاجأت انه يرسل صورة تاريخ ميلادي في عقد الزواج ويقول هذا عمرك وهو متعجب وكأنه اول مره يعرف واكتشفت انه أصغر مني بسنتين فقلت نعم هذا عمري ولم يعلق انا ماحبيت الموقف بس تجاوزته وبالرغم من اني حساسه تجاوزته وسكت وكان عندنا فترة خطوه 6 شهور اعترف اني ماحسيت فيها زين لاني كنت موظفه وهمومي ومسؤلياتي فوق راسي حتى أني اضطريت أخذ قرض عشان اتمم زواجي لأن المهر مايكفي في ظل ظروف العائله وكانت الهموم أكبر من الفرحة عشت في تلك الأيام مااستطعت أن أعيش من لحظات جميله ولاحظت انه متسرع لدرجة أنه يقول لي من ثالث لقاء انتي بخيله بمشاعرك ومن أين آتي بمشاعر نحوك من ثالث لقاء لاحظت انه بسيط وعفوي وفيه تصرفات مثل الأطفال فأحببت براءته وبساطته المهم مرت أيام الخطوبه كان عنده مشكله وهي انتقاده بأسلوب المزح فقد كان ينتقد أمورا في شكلي بأسلوب المزح وانا كنت ازعل بس ماابين ماكنت ابي أكون نكديه أو أبين له أن ماعندي ثقه بنفسي بعد الزواج سافرنا شهرالعسل اكتشفت أن عيونه طويله تغاضيت ومن يوم وصلنا الفندق يقول أنتي نامي على السرير وانا بنام بالصاله انا السرير يتعبني صدمني وسكت وكان أهم شي عنده يأخذ حاجته ويروح ويأكد على أن الميزانية محدوده عشان مااطلب شي...... يمزح شوي واكثر وقته على الألعاب في الابتوب ويجيني يتفحص جسمي أي جروح أو أي شي ويقولي وش ذا وش الطفولة اللي كنتي عايشتها رغم أن وضعي طبيعي مافيه إلا اثار كم جرح قديم ماتذكر وصار يحاول انه يبين لي اني ماافهم شي واذا ناقشته زعل ويحاول يقيم تصرفاتي كأني طفله وكان يبيني احمل من أول شهر يقول شايفه كم اعمارنا ويتكلم عن التعدد وأنه يبي يتزوج انا كل ذاالكلام كان يصدمني وكنت ابكي بيني وبين نفسي لأن أغلب وقته يحاول ينتقص مني أو ينتقدني أو جالس يلعب مع نفسه انا مااخفيك تعبت نفسيتي لاني مو متعوده أحد يعاملني بقلة ذوق وانا متعوده اعامل الناس بذوق وأحاول اتحاشى المشاكل لأن مافيني حيل واذا تهاوشت مع احد اصير ارجف لكن ضغطت على نفسي عشان مااخرب شهر عسلنا في آخر يومين من شهر العسل صار يقولي الحمدلله متى نرجع بفتك منك بوديك عند أهلك اسبوع انا هنا زعلت وصار يراضيني ويقول انا أمزح وشفيك وفعلا اول مانزلنا من الطيارة وداني أهلي وخلاني أسبوع وبعدين استمرت الحياه هو في دوامة صبح ومسا وانا محبوسه في البيت واذا قلت نخرج يقول نروح لاهلك عشان يبي يجلس مع اخواني أقوله لا نخرج مع بعض يقول أنا مااحب اخرج ولا مكان وماعندنا فلوس ومن هالكلام خلاص أصبري وانا اسفرك كل سنه وسكت لأن ظروفه الماديه بذي الفترة صعبه وتنازلت عن أشياء كثيرة وهو مستمرنايم في الصالة وانا في الغرفه وبعدين صرت انام عنده بالصاله ولازلنا كذلك غرفة نومنا مهجوره وهو ماعنده مشكله عاجبه الوضع وطول الوقت انتقادات ولما عزموني أهله يسألني من رقص من بنات خالاته وزعلت وصار يقول اني غيوره حتى عند امه يقول هالكلام وصار يجامعني ويقول انا مابي إلا ولد واحد بسميه سالم هذا خاله اللي كان يحب بنته ويبي يتزوجها وماصار نصيب واناعارفه انه يحبها لأنه مسجل ايميله بحروفها انا ماني مسؤله عن ماضيه لكن المشكله اخاف ان هالماضي حاجز بيني وبينه وانا بصراحة انسانه حساسه وعاطفيه ومااتحمل أسلوبه الانتقاد ي وطول الوقت يتكلم عن التعدد ويقول انه من امنياته انه يعدد والكلام الحلو يقول مايعرف يقول لأنه خجول بس الإنتقاد يعرف يقولي غبيه يقولي ياقرعا عشان عندي تساقط بشعري يقولي انتي أكبر مني احسه يبي يحطمني مااحس بالأمان معه اذا زعلت يوقف عند حده ويحاول يعتذر بطريقه غير مباشره بس يرجع يكرر حركاته اللي يعرف أنها تغثني طول الوقت تلفزيون جوال نوم دوام واذا وداني عند أهلي ماعنده مشكله لو اجلس شهر وهذي حياتي معه لنا سنه كذا في العيد وداني عند أهلي 8 أيام ومافي أي محاولات لتواصل ولو اغيب عنه سنه عادي وأي لحظه حلوه أحاول اعيشها يخربها ببروده أو تصرفاته الغبيه والحين هو تعين في مدينه أخرى وخلاني عند أهلي ومايبي ياخذني حاليا لأن الوضع ملخبط يقول بعد سنه أجيبك عندي سنه ونشوف بعدها وش نسوي حتى السفر يعزم ناس معنا مايبي يسافر معي لحالنا ولما زعلت يقول خلاص انتي تجهزين السفره الجايه انا مالي دخل خلينا نسافر ونفتك انا لا أشعر بأمان ولاحب ونفسيتي مدمره واحسه نسخه من ابوي تذمر انتقاد تحطيم لامبالاه وش اسويبس عشان مااظلمه اذا معه فلوس وطلبته مايردني بس انا أحس انه يبي حدود العلاقه واجبات فقط انا تركت وظيفتي بعد الزواج وهو مابيني اتوظف ولا يبيني أحقق أحلامي وافتح مشروعي وانا علي ديون طبعا ماقلتله اني مديونه مابي أهلي يطيحون من عينه على فكره حتى أهلي ماسلموا من انتقاداته يقول عن اخوي مجنون انا مدري ليه سكت عنه انا تعبانه كنت أحيانا انفجر يقول عني أبو الشباب أو عربجيه المشكله اني مو كذا ياليتني أبو الشباب كنت اخذت حقي وزياده انا اعاني معه إهمال ولا مبالاة مايكلمني إلا مره واحده بالأسبوع أحاول اتواصل معه برسايل رومانسيه صباحيه يرد رد مختصر وأحيانا مايرد والحين لنا شهر مانكلم بعض لاني سحبت نفسي وهو الحين يقولي اني مجافيته تعبت والله