زوجي بعيد عني بسبب صديقه

السلام عليكم مشكلتي ان انا متجوزه من شهر 12 اللي فات يعني تقريبا بقالي 7شهور وجوزي من بلد عربيه وانا الزوجه التانيه بالنسبه ليه بصراحه هوه من النحيه الماديه مش مقصر ابدا لما اتجوزنا فضل معايا 15يوم وبعدين سافر ودلوقتي لسا جاي من اسبوع ولما جيه خلال سفره صديق ليه جيه معاه كان عايز يقعد معانا في الشقه لما انا رفضت فضل يومين وبعدين اجر شقه جنبنا وقعد فيها دلوقتي المشكله ان انا مش عارفه تقعد معا جوزي ابدا يعني صديقه اه اخد شقه بس يعتبر انه بينام فيها بس الصبح يجي يفطر معانا ويفضل قاعد لحد الغداء وبعدين يمشي نيجي بليل نخرج انا وجوزي تلاقيه قدامنا جاي يخرج معانا الاقي كده أفضل في الشقه ومرضاش انزل وأسيبهم هما يخرجوا وكل يوم علي ده الحال بقالنا اسبوع ولا عارفه ااخذ راحتي معا جوزي ولا حتي اخرج ولما كلمته قالي هوه صديقي ومن نفس بلدي مينفعش اقوله علي حاجه لا يروح بلدنا يقول اني بعته ارجوكوا انا عايزه حل كل يوم نفسيتي بتنهار جوزي ومش عارفه اقعد معاه ولا اخرج يرضي مين ده ولما اعيط واقوله انا مش عايزه اخرج معاك وهوه يكون معانا عايزه نخرج انا وانتا بس يقولي استحمل لحد مايمشي طب انتا مش بشوفك غير كل كام شهر مره وهوه في بلدك وقصادك انا ذنبي ايه ولما قولته خلاص اخرج معاه وانا هنزل اتمشا شويه لوحدي قالي لا تنزلي معانا قولته انا مش طيقاه مش هعرف قالي يبقا متنزليش لوحدك وقفل عليا الشقه ونزل معاه ارجوكوا قالولي اعمل ايه