زوجي يكرهني لأني لا أعمل وأدخل المال إلى البيت

أرجوكم ساعدوني مش قادره أعيش مع زوجي انا ٤٣ سنه ام لاربع اولاد منهم توأم زوجي مصلي محب جدا لله لكنه لا يتقي الله في كرهت دخوله البيت من عصبيته وإحساسي انه بيكرهني كل همه دلوقتي ليه مش بشتغل وادخل فلوس كل همه مني دلوقتي من بدايه زواجي وانا مش مبسوطه ولكن اسرتي زواج يعني موت في بيتك مليش مكان غير بيته واولادي مقدرش اخليهم بعد العمر ده كله نفسيتهم تتحطم بقيت اكره وجوده وأكره صوته وأكره وجوده مع اني كنت بدات اقرب منه وربنا شاهد اني عملت كل اللي اقدر عليه حتي اني سترت عليه غلط مستحيل كنت اتقبله دلوقتي عامل باسورد لفونه ومنزل برنامج يصور اللي يفتحه بالساعه ويتخيل انه رجع يكلم ستات تاني وانا مليت وتعبت مبقاش عندي ثقه فيه ولا له كبير ارجع له وبقيت انا وهو في بيت واحد بس اغراب مجبرين يعيشو سوا وبينهم بس الكره والبغض أرجوكم من غير تجريح لاني مش ناقصه اللي يقدر يقولي أتصرف معاه ازاي ملحوظة انا مدرسه اقتصاد منزلي في مصر لكني الان مغتربة معاه في السعوديه من ١٧ سنه وربنا شاهد كلهم قرف وهم وغم ونكد خلاص تعبت بس بردو كبرت