ثقتي به تغيرت بسبب ما رأيت في هاتفه

مكن مشكلتي تلاقوها بسيطة بس بلنسبة الي غيرت اشي كان اساسي عندي ... الحمدالله رب العالمين متزوجة شب محترم و عندي اولاد انا ست بيت درجة اولى و مهتمه في اولادي و ملتزمة دينيا و اخلاقيا زوجي عائلته منفتحة كتير هوه بيفرق عنهم بس الا في اشياء تأثر المهم الكل كان يضرب المثل فينا و يحسدو زوجي بكل شي خصوصا انه ربنا رازقني جمال مميز و ادب و دين و حياء و ثقافة و كمان شغلة انه عندي ثقة في نفسي قبل ما يكون عندي ثقة فيه ف كنت تاركته على راحته بحب يطلع مع صحابة و ينبسط حتى انا كنت اقترح عليه مشاوير حلوة للشباب و ما بعمري بحياتي مسكت موبايلو فتشت فيه من مبداء الي بدو يغلط رح يغلط لو شو ما عملت ف ليش اتعب نفسيتي و كانت نظرتي لزوجي انه مختلف عن الشباب و ما بيكذب بلدرجة الاولى بلصدفة شفت في موبايل زوجي فيديوهات اباحية باعتينله ياها قرايبه تدايقت اول شي بعدين مرقت الموضوع لانه ما لقيته معلق ولا باعت هوه و حلفلي ١٠٠ يمين انه ما بيبعت و انه بيوصله و بيمسح حتى حسسني ذنب اني ظالمته ..ما بعرف ليش ما صدقته ف بعد ما نام فتشت في موبايله التاني لقيته بيبعت الفيديوهات و بعلق انقهرت حسيت قلبي ولع و ثقتي راحت تماما .. ما بعرف ليش هيك اذا هوه بيحكيلي مو مقصرة معي نهائيا و انا كتير مهتمه في حالي و حرفيا البيت جنة اكتر ما بيتمنى اي شب او بتخيل في حياته...( يمكن هوه بعيد عن ربنا) ف بعد طوشة مرتبة اتفقت معه انه بدو يلتزم بلصلاة ووعدني انه الحكي هاد ما ينعاد بس مش عارفة ليش مش قادرة اصدقه ولا حاسة رح ارجع زي اول حتى ثقتي في حالي انهزت... سؤالي للشباب بلذات عادي عندكم هاد الحكي ؟؟؟بيحكيلي كل الموضوع تخويت و كل الشباب هيك بيبعتو لبعض ؟الموضوع هيك مو حرام ؟؟ انا قلتله اذا تكرر الموضوع رح اتطلق بدون غمضة عين . رح احاول قدر الامكان اجذبه لربنا و ابعده عن هاد الطريق لكن هل تصرفي صح ؟ممكن ترجع الثقة ؟... قلبي انكسر رفقا بالقوارير