تشاجرت مع زوجتي قبل ولادتها ولا أعلم شيئاً عنها

قضايا اسرية
animate

السلام عليكم ورحمة الله وبركاته صار لي ثمان شهور متزوج و من يوم سافرت بعد زواجي صارت المشاكل مع زوجتي و كتير خناق و تعصب فيني ولا تسمع شئ الا تقوله لامها في اي حديث يدور بيننا و لا تسمع لي كلام مع اني و الله طيب في حقها اي نعم انا كتير عصبي بس دايما لو انا زعلتها ما اتركها و ارجع اصالحها و من حوالي شهر صارت مشكله و من وقتها لا اكلمها ولا تكلمني تبي هي اللي تكون متحكمه في حياتي ولا ارسل اي شيء لاهلي و في الاخر صارت مشكله على مصاريفها و مصاريف الولاده و تبي ما تعرفني ولا تعرف احد من اهلي شاء الله ان تلد قبل موعدها ولا اعلم ولا احد من اهلها سال فيني ولا في اهلي على الرغم من ان منزلنا و منزل اهلها قريبين جدا من بعض و قامت اختها بوضع منشور بالفيس لتعلمني ان زوجتي قد ولدت اتصلت بأخيها الاكبر و اعاتبه يقول اني غلطان ولا احد منهم يقدرني ولكن استحمل مشان خاطر زوجتي و ابني و هي صار لها ايام بعد الولاده و انا لا اتصلت فيها ولا هي اتصلت فيني ولا احد من اهلها سال فيني فماذا افعل افيدوني جزاكم الله خيراً و اسف على الاطاله

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي لقد تغير الوضع الان وأنجبت لك طفلك ، المفروض أن تنسى كل شيء حصل بينكما في الماضي وتعاهدها على بدايه صفحه جديده على الأقل لتعطيا هذا المولود الجديد حقه في وجوده بين أمه وأبيه . لم تعد أنت وهي بعد الان لقد أصبحتما أسره ، وأنت رب الأسره هذه ، عليك أن تمسك زمام الأمور بيدك وأول شيء تفعله هو زياره زوجتك والإطمئنان على سلامتها وحضن طفلك بين ذراعيك . كان المفروض أن تتصلا ببعضكما قبل يوم الولاده لتكونا معا من أجل إبنكما ، المهم الان عد إليها ولا تعاتبها ولا تتكلم في الماضي . اترك العتاب، احتفل بإبنك وبها وليبارك لها أهلك فهذا حفيدهم ، وبعد عودتها لبيتها تصارح معها بهدوء وحدد ما يزعجك ولتحدد هي ما يضايقها لتعيشا تجربه جديده . اطلب منها ألا تتدخل والدتها في حياتكما الخاصه وأن تحافظ على أسرار بيتها وأكد لها أن علاقتك بأهلك وما تعطيهم من مال لا شأن لها به فهذا واجبك نحوهم ولا يحق لها منعك عن ذلك . لقد كانت زوجتك متوتره وعصبيه قبل الولاده وهذا طبيعي بسبب التغيير الذي يطرأ على الهرمونات أثناء الحمل وهي حتى الان ، بعد الولاده ، حساسه جدا ومرهقه ويأخذ إهتمامها بإبنها معظم وقتها ، ساعدها حتى تعتاد على حياتها الجديده بين زوج وطفل فهذه الأمور تتطلب بعض الوقت وتأكد أن كل شيء سيتحسن بعد ذلك .
  • صورة علم United Arab Emirates
    صورة علم United Arab Emirates
    من مجهول
    اخي بتحكي تزوجتها وسافرت يعني لا عرفتك ولا عرفتها . وتركتها ببيت لوحدها ووجدت نفسها حامل ببيت لوحدها شو تعمل تفضل قاعدة ببيتها او تروح عند اهلها ترتاح ويساعدوها . وان كانت عند اهلك فليعلم كل رجل ان اهله مع زوجته قدامه شيئ وفي غيابه شيئ تاني اي لن يتركوها تنام وترتاح ان احست بتعب بسبب حمل او لاي سبب .. واغلبهم بيعتبر ابنهم جاب شغالة لالهم وخاصة انت مش موجود وبالنسبة لهم لازم تكون فاضية لهم اربعة وعشرين ساعة لانه لا وراها زوج ولا اولاد .. المهم زوجتك وطبيعي انت بتحكي معها حتى لو كل يوم انت مضغوط من غربة ومن اهل ما مشيت الكنة على مزاجهم راح تفرغ غضبك عليها من سيحتضنها غير والدتها . وانت اعترفت انك كنت تخانقها على طول . وفي اخر ايام حملها تخانقت معها وانتظرت انها تتصل وتصالحك وهي لم تتصل ووضعت عليها الحق ومن زعلها وقهرها جاءتها ولادة مبكرة .. سؤال وامانة تفكر فيه بعقل وبعيد عن افكار اهلك وممكن تسال والدتك لو اختك مكان زوجتك وهي عند اهلها وعلى وجه ولادة واهل زوجها ما سالوا عنها شو بتعمل امك ؟؟ والله لتبهدلهم عند القاصي والداني ولو كانوا بعاد فما بالك وانت بتقول اهلك قراب على اهلها وما راحوا يسالوا عن كنتهم وعن حفيدهم ... اتقوا الله في نسائكم زوجتك ولدت ومع الام ولادة وتعب ومولود وانت متخانق معها و بتقول المفروض اتصلت .. اتقي الله
  • animate

  • صورة علم Jordan
    صورة علم Jordan
    من مجهول
    انا مو شايف غلط ع البنت اصلا مش فاهم شو سبب الخلاف الرءيسي بس بعرف انو لازم تطمن عليها وعلى ابنك وتحافظ عليها لاني مو شايف مشكلة عظيمه بينكم اذا طلقتها الحياه ما يتوقف عند حدا هي بتشوف حياتها وانت زيها وابنكم بضل بلا أب وأم وبتهمل وبضيع مستقبله اعطو فرصه يعيش بينكم بعدين اذا انت بتحبها ليش تتركها عند اهلها واذا الولد معها معناتو هي واهلها ولاد اصل ناس غيرهم برمولك ابنك ابوها بزتلك اياه وبجوز بنتو ولا بدك يقعد يربي ابن الناس
  • صورة علم Jordan
    صورة علم Jordan
    من مجهول
    الغلط انك تترك مرتك بهيك ظرف لازم توقف جنبها وتساندها والمشاكل بتصير في كل بيت وانت عم بتكبر المشكلة بعدم اتصلك لازم ماتسامحك ابعتلها اعتذار وشوف شو بترد عليك لأنك غلطان مافي انسان بترك مرتو وهي يلي تحملت وجع الولاده مشانه انت هيك ظلمتها وكسرت فرحتها وصعب تجبرها حاول لانك مأثوم على فعلك مرتك وابنك امانه برقبتك ولازم تحافظ عليهم مش تتركهم باصعب أوقاتهم شو بدك تحكي لابنك بس يكبر انت عارف شو معنى انو يعيش بدون اب شو بدك بعمرك اذا عشته بعيد عن مرتك وابنك تبني حياة جديده ع حطام حياتك القديمة بتكون فتحت ع حالك باب لمشاكل اجدد والهروب لزواج جديد وترك زوجتك مو حل لازم تواجه مشاكلك وتحطلها حد لانو زي ما حكو الزواج بكون علاج لمشكله بمشكله اكبر ويمكن يكون زواجك لجديد اسخم ومارح تحس بالندم غير بعدين بتعرف انو انا كنت مع مرتي ساعة الولاده وكانت ايدي في ايدها وما تركتها شفتها وهي بتتوجع وبتصرخ من قلبها شفت دموعها وفرحتها اول ما حملت ابنا بين اديها وازاد حبي الها بعد ماشفت شوهي تحملت مشاني يمكن لو دخلت معها ع غرفة الولادة وشفت صراخها ووجعها كنت عذراتها لو شو ما عملت لانو اكيد الموقف أو السبب يلي خلاك تتركها مارح يكون بوجع الولاده وهي تحملت وجع الولاده وانت مو قادر تتحمل وجع مشكله وعطول بعتها ع دار ابوها اصلا كيف قلبك طاوعك مره تعبانه وطالعه من ولاده وفرحانه بابنها كيف طاولك قلبك تكسر فرحتها ولسه بتسئل شو اعمل يعني مفكر تكسرها كمان شوف ابوك أسئلة شو مر علية مشاكل مع والدتك وكيف تصرف وبس تسمع رايو وتخلص شوف قلبك شو بده لانو تجوزت مفكر مشاكل رح تخلص عمر هاد الواحد مع اخو بتخانق شو الحل يروح يجيب اخو ثاني لا طبعا وهيك الزواج
  • صورة علم Jordan
    صورة علم Jordan
    من مجهول
    ياالله يزم كانك معي في الدر ولك هاي حماتي يلي بتحكي عنها بس ازيدك من الشعر بيت انا حماتي بتكون ترن علي وانا في الشغل بالله شو بدك تغدينا اليوم واحيانا بترن علي مشان اجي اخدها لعند جارتها ام عبد الله وعندها ولدين يارجل مره دخلت ع الدار سمعت صوت المي في الحمام فكرتها مرتي شوي ولا مرتي في المطبخ بنقلب الاكل طلعو عيوني من مكانهم طيب مين في بالحمام طلعت حماتي وجمعه اخر الاسبوع هاي مالك غير تطلع كتاب بلاش تقضيها رايح جاي تيجب وتحط
  • صورة علم Jordan
    صورة علم Jordan
    من مجهول
    هسه بغض النظر عن سبب المشكله في مشكلة اكبر هي عدم اهتمامك وتواصلك مع زوجتك واهل زوجتك وخاصه انها جايبه مولود جديد واجبك تطمن عليها وعلى ابنك وصحتهم واذا زي منت كاتب لاتعرف عنها شيئاً فهاض نتيجه غلطكأما امها مش فاهم شو دخلها بقصة الولاده شوف هلا الزوجه بتختلف من واحد لواحد بس الحماية وحده عند كل الناس يعني الحماية وحده والزوجه بتختلف وفي نوعين للحموات الحماية العادية المتعارف عليها والحماية الناااااااااااااادرة يلي مفيش زيها وهاي مستحيل تلاقيها بتكونمتعلمه وراقيه وفهمانه وهادية وبتتعامل مع المشاكل بهدوء وتروي ودايما بتحط حالها في بوز المدفع لتدافع عن بنتها وحياة بنتها وبتزورك مرة كل أسبوعين أو مرة في الأسبوع وزيارتها مابتزيد عن ساعه ونص خاصه اذا ما كانت جاي ربع ساعه تناول بنتها عرض وتروح لانو بكون الها عملها أو نشاطها الخاص يعني مو فاضيتلك وبتجيب لبيت بنتها مو بتوخد منه ودايما بتودي معها اكلات طيبين واحيانا بتعطي بنتها مصاري تسلك حالها بدون ما يعرف جوزها لانها خايفه ع زعله وإذا معها سيارة بتكون حماي اسطوريه مشان تودي بنتها وتجيبها واذا صارت مشكله مع بنتها واهل زوجها مابتكبر المشكلة وبتدخل زلام بالعكس بتحتويها هي وجوز بنتها واي كلام أو تصرف بتحب تتصرفه بتخبر في زوج بنتها لانو هو المسؤل عن تصرفات اهله أو اي تقصير شافته من زوج بنتها بتنبهه بالكلام بدون ما تدخل اهل البنت ابوها وخواتها واذا اخذتها معك لتشتري غرض ما بترضه واذا اقنعها بتوخذ ارخص غرض واذا بنتها طلبت اشي منك بتجيبه قبلك ومستحيل تدخل مطبخك غير اذا بدها تطبخ لبنتها واذا بدها تزورها بتزورها بنهار وانت موفي البيت مشان ما تزعجك واحيانا بتجي وانت في الدار لتقيم علاقتكم في بعض اواذا في ظرف أو مشكله بينكم بتجي بتحلها ع الصامت لجوزها مابتحكي لانها بتفهم انو دم الاب حامي ع بنته يمكن يوخدها معه ودايما حافظه المسافه بينك وبينها كأنها علاقه رسميه شعرها مابتعرف لونه مو من النوعيه يلي بتشلح شألها وبترمي في نص دارك تلفزيونك عمرها ما شغلته بضل قاعده باحترامها مابتتحرك الا إذا بنتها طلبت منها اشي أو عم تطبخ في المطبخ بتروح بتقعد عندها وذا عصبت مستحيل تغلط ممكن تمسك حالها وتروح بس ما بتغلط أو بتسب ودايما بتوصي بنتها بحماتها وبتسئلها اذا اجت وشوحطيتيلها مشان تشوف إذا بنتها قصرت معها او لاء بتحب بنتها تجي عندها مو العكس مستحيل تحرجك بتكون عارف بتقصيرك وساكته مشان ماتكبر الموضوع وبتخلي ابو زوجتك واخواتها برانيين بكل اشي واذا سألوها بتحكيلهم الحمد الله مافيش اشي مبسوطين لتحاول تساعدكم بكلشي اي استشاره اي سؤال أي تجربة بتفيدكم وهي مبسوطه بتحب تجو توكلو عندها انتو الاثنين وبتلح وبتصر عليكم بتعتبرك متل ابنها ولو بدها تزورك بتجي لحالها أو بتجيب معها وحده من بناتها مشان ما تثقل عليك والبقيه مابترضى تجيبهم لانها بتكون حاسبه انو اذا اجت بنتها عندها ع الدار بتشوف الكل وطبعا هاي مافي مثلها لو تلف الكرة الارضيه يمكن بتلافي وحده او ثنتين بس مو عنا احنا عنا مافياما الحماية المتعارف عليها بجميع الدول العربيه والموجوده في كل بيت بتكون دائما صوتها طالع وبتلعلع لانها مو متعلمه بتحسها همجيه بكل اشي حتى بالاكل والشرب وجيب وحط واعمل وسوي وانا اليوم جاي ع بالي كفته ولحمه مشويه ومابعرف شو روح جبلي وياويلك اذا فتحت ثلاجتك وشافتها فاضيه بتوخد بنتها وبتروح وبتشكيك لزوجها خزاينك لازم تعرف شو فيها كلسونك بدها تعرف وين حاطه وبتلاقيها اذا عجبها ريحة عطرك بتوخده لابنها ودايما قاعده عندك في البيت ماكلهه شاربه ومعجزه اذا يوم ما اجت مثل استاذ الرياضيات مستحيل يغيب يمكن يتاخر بس يغيب من سابع المستحيلات واذا صار وما اجت ثاني يوم بتعوضك بسهره بتشل فيها عرضك وع جوز ولوز وياويلك اذا جربت تسافر وما تجبلها غرض بتدخل ع غرفتك وبتوحد احسن غرض عندك عن طريق المزح وبتحكيلك هاي مشان ثاني مره تتزكرني طبعا انت بتفكرها بتمزح بس بتنصدم لما بتشوفها جدطلعت واخدتها معها واذا في مناسبه عرس صاحبك زميلاك استاذك اختك بتلاقيها لابسه وجاهزه وانت طالع بتستغرب انها جاي وبتركب عادي وبتروح معاكم واذا ما ميلت ع مطعم تعزمها بتصير ترمي كلام ع أساس تفهم والمشكلة اذا دخلت ع محل تشتري بتصير تشتري ع حسابك وما بتوخد غير اغلى الأنواع بتصير تلبس ماركات مشان تدفعك وبترضاش بنتها تجي عندها ع الدار بتحب هي تروح عندها مشان تشل بختك وتوكل عندك واذا عجبها غرض في بيتك بتوخده وكل اخر اسبوع بتعمل جمعه في دارك لكل ولادها وهات شيل وحط واذا بتدخل دارها وايدك فاضيه بتعزر عليك مو هي معطيتك بنتها قلبها معطيتك. هههههههههه وبترن عليك تجي توخدها ع دارك وبالطريق بتحكيليك جيب معك كلين موز وتفاح واذا صارت مشكله بينك وبين مرتك بتصف مع مرتك حتى لو هي غلطانه هاض اذا ما فزعت البلد بالمشكله هيك طبيعه الامهات أما اذا مع حدا من اهلك ع طول بتجيبلك ابو البنت وعمامها من باب اذا حد من طرفك بدخل بدخل طرفي وهات ضبضب المشكله ونادرا ما تجيب معها صحن اكل مع انك بتكون بتجبلها وبتحطلها واذا في عرس تعال خدني بس يخلص بتصير انت ابنها الوحيد بتصير متعكزه عليك واذا راحت مرتك وولادك عليها بضلو ع الجوع ومابصدقو ولادك ليوصلو ع الدار ليشربو كاسة مي وبتدخل بكل اشي بحياتك جحيم بتكون كأنها ابنك الثاني بسيارتك بتكون لا وبتحجز شباك كمان ع طاولتك بتكون حمامك بتستعمله حتى في دارك عادي بتتحمم وبتغير اواعيها وبتشلح شألها اول مابتوصل وبس تشوف امك بتعمل مع بنتها حزب وبتحط رجل ع رجل انت شوف حماتك من اي نوع وانا متاكد انها من النوعيه المتعارف عليها لانو الاولى نادرهواذا هي من الحموات يلي في كل بيت عادي متعودين مو اول واحد ولا اخر واحد بس انتا مصدوم لأنك عريس جديد ومستغرب ههههههههه رح تتعود كلنا ع نفس الطريق لو اخذتلك كمان دزينة بنات نفس النتيجه حماي وحده والله شو بدك تعمل بدك تتحمل كلهم هيك بس ع درجات النوعية وحده مابختلفو غير بالدرجه
  • صورة علم Jordan
    صورة علم Jordan
    من مجهول
    حتى لو بدهاش اهلك هي حره هاض ما ببرر غلطك واهمالك بمرتك وابنك
  • صورة علم Jordan
    صورة علم Jordan
    من مجهول
    بقص ايدي اذا بترجعلك اذا بضلك ع وضعك وما تصرفت ولو اني اخوها برضه مابرجعها حتى لو الاخت بدها انا بدي سند لاختي بدك حل اتصل عليها قبل ما تضيع عليك ماردت وهيك راح يصير ابعتلها رساله اعتذار ولا احكيلك رسايل اعتذار مو رساله وحده لانو وحده مارح تكفي تخليها تسامك روحلها وشوفها واطمن عليها ويمكن ترفض تشوف قرعتك بس معلش تحمل ابعتلها ناس حاول معها بلاش تتشتت اسرتك هون وهون بكره انت بتتجوز وهي بتتجوز وطفلكم يلي ما اعتطو فرصه يعيش بينكم شو ذنبة اصلا المشاكل يمكن تخف بلكي تلتهو في الولد وتنسو المشاكل بس تنسى مرتك وابنك وتبني حياة جديده مش حل
  • صورة علم Jordan
    صورة علم Jordan
    من مجهول
    شو دارس بصراحة شكلك مش متعلم لانو مفيش واحد بترك مرتو عند اهلها بعد الولاده وهو عارف انها بتكون بحاجته بلكي اهلها فقرة وما معهم مصاري يصرفو عليها يا عيب العيب من متى كان الزلمه يترك مرتو محتاجه يلي زيها بتكون تعبانه وعظامها مفتوحه خاص غير تعبها النفسي وانشغالها بالمولود الجديد زعلان فهمنا مابدك تتواصل معها فهمنا عيالك بتصير زلمه اذا مارنيت عليها هيك افكار الجاهليه ولك منتا لو رنيت وحكتلها بعرف اني غلطان ومو قادر اعبرلك عن غلطي بتكبر بعينها وبعدين اهلها يلي زيها فش الها امان مع واحد زيك ازا تتركها في بيت اهلها لهسه وهي بتعب الولاده زعلان ماشي وواجبك مش مفروض تعوض دمها يلي خسرتو وهي بتجيبلك ولي عهدك يازلمه بلكي اهلها فقره ولك ابنك مش بدو حفاظات كيف تاركه قال بتصلش فيها قال
  • صورة علم Jordan
    صورة علم Jordan
    من مجهول
    البعد جفى وغلطك عدم تواصلك معها حتى لو كنت زعلان منها انك تطمن عليها وعلى ابنك وتشوف احتياجاتهم واجب عليك ولو كانت في بيت اهلها انت مقصر كثير ابتداء من عدم اتصالك لليوم اذا بعدك مش متواصل معها للان لانو الواجب بحكي تبعتلها كامل احتياجاتها من ماكل وملبس ومصروف الها ولابنك
  • صورة علم Jordan
    صورة علم Jordan
    من مجهول
    اخوي انتا متاكد انو مافي اشي بينها وبين اهلك لحتى هي متخذه هاض الموقف منهم بلكي صدر موقف بينها وبين طرف من اهلك انتا مابتعرف في واذا كنت بتعرف الافضل تحكيلنا اذا بدك توصل لقرار حكيم لانو الواضح انو في سبب اسئلها وشوف دوافعها يمكن حد من اهلك كان له تصرف معها وصدقني مافي سبب الا إذا كان له مسبب
  • صورة علم Jordan
    صورة علم Jordan
    من مجهول
    اسمع قصتي تجوزت وحده صغيره اصغر مني بعشر سنوات مراهقة وشايفة الحياه بسيطه ودايما ضحوكه وبتلعب متل لصغار بدها دايما تكون معي وين ما اروح حتى لو بدي اجيب خبز ما بشوفها غير لافه الشال وواقفه ع الباب بتستناني كأنها صوص صغير بس الله يكفيك اذا زعلت هات حدا يراضيها بتتركني وبتقعد لحالها بحكيلها تعالي روحي معي نجيب خبز ما بترضى الاكل بتجهزه وبتحطه ع الطاوله وبتوكل لحالها وبتقعد ع التلفزيون لحالها وبس تشوفني بتقوم والثم ساكت بدون ولا كلمه وما بترضى تحكي معي عبيل ما تنسى عملتي معها وبعدين بترجع احسن من اول لحد ما صار مشكله بيني وبينها وكنت أنا الغلطان وضلت ثلاث ايام ما بتحكي معي بتحطلي الاكل وبتقوم بس بدي اتحمم بتجهز كلشي وبتروح بدون ولا كلمه اخر شي فقعت معي ورحت ضاربها جوازه ثانية وزعلت مرتي مني وراحت عبيت اهلها وطأولها حكيت الله معها ناقصني نكد انا خليني بالعسل وشو بدي بالبصل من ثاني شهر صار في خلاف مع مرتي الثانية ولاحظت الاختلاف كانت تجادل وتحكي وبترفع صوتها واحيانا اذا عصبت وغلطت عليها عادي بتردلي نفس المسبه وباجي ثاني يوم من الشغل مش طابخة ومابدها تطبخ قال زعلانه الاخت دخلت اتحمم وبس خلصت ساعه وانا انادي عليها بدي روب الحمام ماردت قال شو دخلني انا روح جيبه لحالك قلت الله يرحم مين كان يحطلي الاكل ع الطاوله ويطلع والثم ساكت كانت مرتين الأولى بس تزعل تطلع تنام لحالها بره هاي بتسكر باب غرفة النوم وبتنام ع ابسط خلاف بتلاقي صوتها طالع وبتصوت وبتصرخ وطي صوتك اسكتي مافي فايده وبتغلط واذا ما جبتلها اغراضها يارت بتزعل وبتسكت وبتروح ع غرفة ثانية متل مرتين الأولى بتقعد تلحق وراي من غرفة لغرفة وبتعاتب لحد ما أجيبه بدي انجلط منها ونفسي بالأولى بس خلص انا يلي جبتها لحالي لو بدي اطلق مره ثانية المحاكم بدها توخد بشهادة مرتي الاولى لانو المطلق مرتين بنحط علية الحق ونصيبه بقل بالجوازونصيحتي راضيها وشوف شو بدها لانو الجواز متل البطيخه مو كل مرة بتحصل بنت عالم وناس
  • صورة علم Jordan
    صورة علم Jordan
    من مجهول
    في اول سنة زواج طبيعي البنت تحكي لامها حتى ابسط الامور اسألني انا وخاصة إذا كانت حامل لانها داخله ع حياة جديده وتجربة جديده وطبيعي الام تسئل بنتها كيف جوزك بدير بالو عليكي بصرف عليكي كيف تعامله بضربك بصرخ عليكي لانو بتكون بدها تطمن ع بنتها عند ابن الناس ولا بدك من بعد العرس خلص تكسر وراها جره وتنساها بدها تعرف بلكي حابسها بلكي بضربها كيف بدها تعرف ازا بنتها ما حكت هاي جيزة عمر ابسط مشكلة بينكم رح تحكي لامها وتشكيلها وخاصة إذا كانت زي مرتك حامل بتكون تحكي لامها اذا صار معها اشي ومو حابة تحكيلك يمكن محرجه لانو زي ما حكتلك اول سنة زواج بكون في حواجز بين الطرفين وبعد سنه بتعتاد عليك والحمل بصير تجربة تانية ومارح تستشير امها لانها جربت بنفسها يعني الموضوع اقل من عادي وبسيط كبرها بتكبر وصغرها بتصغر بس لا تسمح لحد من اهلك يدخل بينك وبين مرتك لأنك أنت الزلمه ومفروض شورك من راسك بس هي بحكم انها بنت وجاي ع بيت جديد لازم يكون في تواصل الها مع امها زي يلي مسافر ع بلد غريب بضل يتصل باهلو ليدلو ع الطريق بس انت زلمه وبدبر حالك ومابدك مين يشور عليك اذا منيحة حافظ عليها
  • صورة علم Jordan
    صورة علم Jordan
    من مجهول
    انت غلطان اذا فعلا والده جديد وما تطمنت عليها لو باتصال واحد
  • صورة علم Jordan
    صورة علم Jordan
    من مجهول
    عادي انها تحكي لامها طالما بتواجه مشكلة معك لانو امها ملجئها الوحيد الحيوان بتخبى بحضن امو اذا حس بالخطر كيف البني ادم حقها تشكي لامها همومها ولا لمين بدها تشكي لأمك مثلا مابتقدر تمنع امها تحكي أو تمنعها تسمع من امها لو شو ما حاولت هيك نص بنات البلد انتا نفسك احيانا بتكون والدتك تحكيلك عن مرتك وبتسمع عادي وبطنش يلي بدك عادي يا اخي مفيهاش اشي شوف اغلب المشاكل الأسرية المذكورة بتشوف حالك بنعيم وانو مشكلتك بسيطه في يلي بتخون زوجها وفي يلي بتستقرفه احمد الله ازا مرتك بتحبك قليل ما تلاقي بنات بحبو من قلبهم اغلب بنات هالايام مستعده تطلب طلاق بس يحط أهله في بيت المعجزه والي بدها يحط كل أملاكه باسمها وفي يلي ما بتتقبل ابن زوجها الرضيع يعيش معها وبتزته عبيت أهله كتير في مشاكل ما بتخطر ع البال فإذا مشكلتك بس انها بتحكي لامها بسيطه
  • صورة علم Jordan
    صورة علم Jordan
    من مجهول
    حاول تراضيها وايش ما كان لا تتركها ارجع مره ومرتين وعشره وعشرين شو ما كان حتى لو كان الخلل عندها حاول تصلحه يلي بحكيلك تزوج مرة ثانية غلطان مو حل يلي بتزوج مره ثانيه بكون عالج المشكلة بمشكلة أكبر بكتير من المشكله الاولى في مشاكل بتنحل بكثير طرق الزواج مرة ثانية بكون هدم مو اصلاح. بعدين شو ضمان تطلع الثانية كويسة يمكن تطلع اسوء من الاولى وتعيش بنكد طول عمرك وولادك بضيعو هون وهون
  • صورة علم Jordan
    صورة علم Jordan
    من مجهول
    شكلك مش مريح مرتك فش عروس جديده واول ولد وفرحة عمرها بابنها بتعمل هيك الا اذا شافت منك او من حد من اهلك موقف انت ما شرحته خلاها تعمل هيك انا شايف انو الغلط عليك بغض النظر عن أسباب الشجار الحاصل بينكم مفروض اتصلت عليها حتى لو كانت غلطانه يعني وحده ما اتصلت عليها كيف بدك تعرف عنها
  • صورة علم Jordan
    صورة علم Jordan
    من مجهول
    اذا مرتك بتحبك ومشكلتك بس انها بتسمع لامها احمد ربك وبوس ايدك وجه وافى مو شايف المشاكل المعروضه هون مشكلتك بسيطه روح احكي معها واطمن عليها وطيب خاطرها
  • صورة علم Jordan
    صورة علم Jordan
    من مجهول
    اسمع مني واذا بدك مرتك وابنك روحلها واتفاهم معها ومع اهلها اذا هي منيحة لا تتخلى عنها وتخرب حياتك هي اكيد مارح تسامحك بسهوله بس ضلك حاول اذا بدك مرتك ومن هلا اتصل فيها وفي اهلها البعد جفى انا صارت معي مشكلة من سنتين تزوجت وحده وكانت كتير طيبة وبتحبني. كتير وجبت منها بنت كانت دايما الوالده تحكي مرتك عملت ومرتك سوت كل يوم عنفس الموال وصرت اعمل لمرتي مشاكل ليش ما بتعملي وليش ما بتساوي لحد ما صارت مشكلة وراحت عبيت اهلها وضلت امي وخالتي يحكولي لاتتصل فيها خليها هي تتصل وكبر راسك وعند ومن كلام الامهات لحد ما صار للمشكله شهرين وبعد شهرين لا هي رنت ولا اهلها حكيت خلص بدي اروحلهم بس ع الفاضي كانت كتير زعلانه وعاتبتني كتير ورفضت ترجع ورجعت امي تعبي براسي تجوز عليها وشوف كيف بدها ترجعلك لحالها اول اشي رفضت بس بعدين حكيت شو خسران خليني اجرب ما رح اخطب بس تخويف بلكي غيرت رايها و رحت وصلت لناس عن طريق اختي اني خطبت وازاد الموضوع عن حده حسيتها خلص كرهتني واني كيف كنت ما بتخلاش عنها وهلا خطبت وهات أقنع اهلها انا كنت موصي اختي توصل لجماعه بقربولهم من بعيد اني رحت شفت بنت مشان اخطبها وهم صدقو حاولت اقنعهم واقنع مرتي بس ع الفاضي وطلبوا الطلاق حاولت كتير معهم رحتلهم فوق العشر مرات وبعت ناس ورجعت امي ومعها خالاتي يزنو عراسي روح تجوز غيرها وليش شايفه حالها خليها تربي وروح تجوز ست ستها وهي خليها تربي بنتك ما حد بتجوزها معها بنت ضلو هيك لحتى تجوزت وياريتني ما تجوزت ضلو وراي لخربو بيتي وشتتو عيلتي لنصين طلعت امي عارفه انو اذا ما رنيت عليها وطنشتها و عملت حالي خاطب مرتي رح تزعل ورح تعند اكتر وما رح ترجع مش زي ما حكتلي انها رح ترجع بس هي اعطتني هاي النصايح لتوصل بينا لطلاق وتعمل يلي براسها وتطلق مرتي وانا زي الاهبل صدقت كلامها وكلام خالاتي المهم بعدما طلقت مرتي وتجوزت كنت اقارن بين مرتي الأولى ومرتي الثانية كنت عايش بنعيم مرتي الأولى كانت احلا واصغر وانعم واطيب وبتحبني وهاض اهم اشي و الثانية كانت غير عنها بكل اشي جبت منها ولد بس ضليتني احب الأولى وزاد حبي الها لحد ما اجاني الخبر الصاعق انو تقدملها واحد ووافق عليها مطلقة ومعها بنت وعزابي مش متزوج واصغر مني بسنتين هون انا اتدمرت حياتي كان عندي ذرة امل انها ترجعلي بس خلص مات الامل وانا زادت المشاكل بين مرتي الجديده وامي واحيانا تكون مرتي ع غلط بس خلص الواحد بدو يستقر مع شخص ويرضى بنصيبه وقسمته مش طايق مرتي الجديده ومش زابطه معي أطلقها ويصير ولادي كل واحد فيهم ببلد فإذا مرتك منيحة وبتحبها وبتحبك اسمع لقلبك وشوف انتا شو بدك مو الناس شو بدها ما حدا بعرف مصلحتك اكتر منك ولا تخرب بيتك بكره كل واحد بشوف حياتو وبتروح عليك لحالك
  • صورة علم Jordan
    صورة علم Jordan
    من مجهول
    ما بصير تعاتب اخوها باي حق تعاتبه بس اخوها حقو يشوفك غلطان بدام انك تارك مرتك في بيت اهلها ومش متواصل مع حدا لتطمن عليها وعلى ابنك ولا بتعرف عنهم اشي كل هاي الفتره لأنك مش متعب حالك تتصل تعرف اخبارها شوف ابنك بلكي بدو حفاظات كيف مابعرف عنها اشي اتصل روح عليها شوفها اعمل اشي ئبل ما يكبر الموضوع اكتر من هيك ويخرب بيتك واسرتك وكل واحد يصير ببلد ولا بدك اخوها يتصل فيك يحكيلك تعال شوف اختي واطمن عليها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟