كل ما يقترب موعد السفر أخاف أكثر

السلام عليكم ، انت بنت عمري24سنة خجولة كتير وماعندي ثقة بحالي دايما بحس اني بشعة رغم انو رفقاتي بقولو عني حلوة ولما فتت عالجامعة كتير شباب حالو يتقربو مني ومنن شب حلو وانيق اعجبت في كتير هو كمان كان خجول جرب اكتر من مرة يحاكيني بس انا كنت اخجل واهرب وبعد فترة بطل يداوم بسبب ظروف الحرب ضليت سنتين انطرو لحد مارفيقتي حكتلي انو من هاد من بنت لبنت وعم يتسلا فيكي بكيت كتير وقررت اتزوج لانسى وتقدملي شب متعلم وحلو وابن علية اهلي وافقو وانا قلت الحب بيجي بعد الزواج ونخطبت وبعد الخطبة بفترة حاكاني الشب عالواتس وشرحلي اسباب غيابو وكتشفت انو رفيقتي كانت بدها يا كرمال هيك صارت تقلي عم يتسلا فيكي بوقتا ماعرفت شو اعمل وقررت استمر مع خطيبي لانو مافي سبب لاتركو واهلي مارح يقتنعو انو اتركو تزوجت وبعد خمس شهور قرر جوزي يسافر بسبب الحرب بسوريا وبصراحة انا شجعتو عالسفر لاخلص من العلاقة لانو ماقدرت اتقبل العلاقة الزوجية وبعد شهرين من سفر زوجي رجع حاكاني الشب هو صادق وقال رح يضل ينطرني بس انا مابحاكي بس بضل كل الوقت عم اطلع عاسمو عالواتس بضل فكر في وهلأ قربت طلعتي عند زوجي يلي صرلو اكتر من عشر شهور مسافر وكل ماعم تقرب عم خاف اكتر انا مابكرهو وهو كتير حباب ومنيح معي لكن بكره العلاقة وحتى لما يفتح هلحديث بختنق ودايما بحس انو مابتفق معو بشي انا صرت اكره حالي اكتر وثقتي بحالي قلت اكتر من قبل دايما بحس حالي عايشة بلماضي بحب الماضي وبتمنى يرجع دايما بفكر وبنقهر دايما بسرح ساعات بلماضي انا تعبانة كتير ومو عرفانة اتصرف حاسة حالي ضايعة ساعديني ارجوكي