زوجي يحملني مسئولية كل شيء

انا عندي 20 سنه متجوزه من سنه معنديش اطفال كنت مخطوبه قبل كده مرتين وكان مفيش نصيب جوزي طيب وانسان كويس ومحترم بس مشكلتة عدم الاهتمام مش بيهتم بيا خالص هو امه متوفيه وعنده اختين واخ صغيرين وابوه متجوز واحده تانيه وعنده منها بنت وعايشين معانا في نفس البيت انا اخواته بحبهم جدا وهما كمان بيحبوني الحمدلله خالص بس اي حاجه تحصل في البيت دايما يقولي انا السبب وان انا مهمله ومش بتاعت مسوؤلية مع ان والله بعمل كل جهدي معاه هو واخواته علي قد ما اقدر مش بخليهم يحتاجوا حاجه بس هو شايف غير كده علي اتفه الاسباب تحصل مشاكل مابينا ويخصمني وانا اللي اصالحه احنا دلوقتي متخاصمين وانا مش قادرة استحمل انا 20 سنة وحاسه انهم 40 ماعشتش زي البنات حتي كليتي مش بروح غير علي الامتحانات كان عندي طموح واحلام كتيير كان نفسي انها تتحقق لكن هو قتل الطموح دي وفجاه لقيت نفسي مسؤوله من راجل مش مقدر واطفال مالهمش زنب هتقوله ومرات ابوه فين دي ست وحشه خالص وبتعامل الاولاد وحش بس قدام ابوهم الملاك اللي نازل علي الارض ارجوكم اعمل ايه اسيب البيت وامشي ولا استحمل ولا اعمل ايه ؟!!