كيف أتصرف مع كذب زوجي المستمر؟

لو سمحتوا بدون اسم انا عمرى 36 وزوجي 45 سنة عندى بنتين وولد اكبرهم10سنوات واصغرهم ثلاث سنوات ونصف مشكلتى بدأت منذ الخطوبة حيث لاحظت أن خطيبي كداب في أشياء كثيرة فى الماديات والجهاز والفرح ولكنى تغاضيت وكملت الخطوبة والتمست لة عذر انه مذنوق ماديا وبيكدب عشان ميخسرنيش ولكن بعد الزواج اكتشفت انة بيكدب فى أى حاجة حتى لو موضوع تافة وبيكون فى مواضيع انا لم اسألة فيها من الأساس وبيعمل من الكدب ده افلام ويجود مش بيقول كدبة ويسكت ومحدش بيبقى حاسس بالنار اللى بتبقى جوايا لما اعرف كدبة بالصدفه ولما اواجهة بكدبة يشتمنى ويطول أيده عليا ويحاول يكرشنى بالرغم انى شاركتة فى بناء الشقة وكل المصاريف بحكم انى موظفة مثلة ولو عندى بديل كنت استقليت عنه انا واولادى ومشيت بس كل فلوسي حطيتها فى الشقة فى بيت أهلة وياريت حد يساعدنى ويقولى أتصرف مع كدبة ازاى لانة فى كل كدبة بينزل من نظرى وبتعب نفسيا جدا واسفة على الإطالة وشكرا