زوجة أخيه تتقرب من زوجي وهذا الشيء يثير جنوني!

السلام عليكم ورحمة الله وبركاته احتاج الى ارائكم لكي لعلم هل انا محقه ام مخطئه ؟ تزوجت شخص ابوه متوفي وامه تزوجت وهو في عمر ال 11 سنه , وكان اخوه الكبير من ابيه .. ولي امره , عايشين في منزل واحد مع حريم اخوه ,ومراة ابوه, في فترة الملكه لم اكن على علم انهن يتحدثن معه باسلوب ميانه , لانني فترة الملكه كنت ماني مرتاحه من مراة اخية الثانيه لانها تكره امه وانا من قريبات امه وهي تريدة يتزوج بنات اختها ولكنه رفض واخذ من طرف امه , ف سالته وقلت : كيف حدود علاقتك مع حريم اخوك ف قال لي , لااتكلم معهن الا اذا ارادوا غرض للمنزل يرسلن علي , ف بعد الزواج تفاجئت بعكس ماقاله لي , اكتشفت ان مراة اخيه الثانيه اللي مارتحتلها منذ فترة الملكه ضايفه زوجي ف سناب تشات وكان يصور طلعاتنا وشهر العسل وكانت ترى كل شي , ف هل معي حق لو عصبت لاني تعبت نفسيا لهذا السبب وتفاجئت بكذبه علي فترة الملكه ولما قلت احذفها رفض قال هي ضافتني قبل الزواج بايام قليله وهذي ربتني ليش تغارين منها؟ , قلت لا مااغار بس تتشفى علي وهذا شي ينقص من كرامتي مسويه نفسها مكان الام , ولماقلت ليش اخوك مايغار على مرته ف ضربني قال يغار على مرته من اخوها ؟ مرت الايام وسويت روحي عندها اني ماادري انك ضايفه زوجي , فكانت كل ماجلست تتحدث بسنابات زوجي وتقول العيال منزلين كذا ماتقول اسمه تريد مني ردة فعل ولكنني استغبي , مع الايام بدأت تقول اسم زوجي وانه نزل كذا وكذا بسناب , ف اسوي نفسي مااسمع , ومع الايام بدات تشغل سنابته امامي وكان فعلها بي مثل الجمره في قلبي واشعر باالغيرهةةةة ؟ انا اشوف هذا الشي استفزاز لي , وانا ماارتحت لها ابدا لان اشك انها تحسدني وتحاول تقهرني في زوجي ياسلوبها اذا ارادت شي ماتتصل علي تتصل على زوجي وكنت اتضايق كثير , يعاملهم وكانهم امه واخواته يقول اعزميهم كل بعد 3 ايام , بنى شقه في الدور الثاني وسكنت فوقهم , فكان يريد مني ان اعزمهم كل بعد 3 ايام ويزعل مني يقول اخوي دائما يقول زوجتك ليش ماتختلط مع زوجاتي وامي , يريدني اعاملهم كانهن امه واخواته , وانا لم استطيع ذلك بالرغم من انني اجتماعيه , وكانت زوجته الثانيه تعزمني عشان تبري نفسها عد زوجها واذا نزلت عندهن تستفزني بميانتها على زوجي حتى الضحك تضحك معه وانا ارعف انها تريد ان تقهرني , وتريدني ارضى بذلك , وانا لم استطيع ذلك واشوف اسلوبهم غلط واشوف ان غيرة المراه من كرامتها , ارائكم؟