أعاني من نقص الحنان منذ صغري، فما الحل؟

السلام عليكم انا مشكلتي ممكن صغيره وانا أكبرها أو هي كبيره بس محد يبي يستوعبها من صغري وانا تعودت على عدم اهتمام اي احد دايم اسوي اللي مطلوب مني واسحب نفسي ما القى لا دعم عاطفي ولا اي شي كان عمري 5 وجات اختي وبدأت حياتي تتغير صرت ارعاها واربيها وانظف وراها وكنت كني خدامه وللحين ده الشي صاير يوم اهرج مع احد من اهلي يبعدوني ويوم امرض محد يهتم وغصب اقوم اشتغل واطبخ وانظف لهم ودايم اشوف ابوي يحب اختي كثير وامي تحب اخواني أكثر ياما نجحت محد عبرني لكن من أصغر نجاح لهم يفرحون اهلي لهم مره حاولت اعبر لامي الموضوع واني منزعجه من التفرقه دي وقلت مني عبده عندهم قالت الا عبده ونص وللحين متاثره من الكلمه ودايم اسمع كلمه ما عندك قلب ما عندك احساس لين قفلت معاي ومدري وش اقول وش اخلي حتى متردده ارسله لك