صورة علم Egypt
من مجهول
منذ 7 شهور 7 إجابات
0 0 0 0

كل كلامنا كان فقط في إطار الصداقة فقط

انا خريجة السن وبشتغل فى وظيفه كبيرة الحمد لله ومن اسرة محترمه و والدى فى منصب كبير واخواتى بردة اما امى دكتورة اسنان من فترة كدا كان فيه واحده مشهورة ارتبطت برجل اعمال مصرى وفجاءة طلع اشاعه انهم سابوا بعض انا دخلت بعتله ادد كنوع من الفضول عشان اشوف صفحته وكدا وبعدين سابوا بعض رسمى و كل واحد حذف التانى من عده وشالوا كل الصور اللي ليهم مع بعض دخلت بعتله رسالة وكنت بقول فى نفسى اكيد مش هيرد بس بعديها بكام يوم لقيته رد و بيسألنى انتى مين عشان هو صفحته برايفت وطلع وافق على الادد بالغلط واتكلمنا وبدأت اكلمه عن نفسى وهو بردة عرفنى عن نفسه وكشفلى عن شخصيته مش عن رجل الاعمال المشهور وبعد فترة طلب منى نتقابل كنت مترددة قالى هيكون فيه صحاب ليا تعالى ونفسى اشوفك روحت عرفت اهلى ان خارجة مع صحاب ليا ولان مجال شغلى بيحكم عليا تكوين زمايل كتير اهلى معدوش عارفين اصدقائى الجداد ففكروا ان انا خارجة مع ناس زمايلى وكانت رهبة كبيرة وانا بشوفه قلبى كان بيدق كتير اوى وكان ساعتها موجود اخوه اتعرفت وسلمت عليه . علاقتنا تطورت و بعد فترة اعترفلى بحبه بعدت عنه وقولتله انت زى اخويا بس كنت بكدب وهو اعتذر وفضلنا على تواصل فترة ورجع تانى فتح معايا فكرة الارتباط بس المرادى فتح انه عايز نتخطب ويجى لاهلى هو بقى متعلق بيا جدا جدا جدا كمان اليوم بتاعه مبيكملش غير بيا انتوا متخيلين ازاى بيكلمنى اول ما يصحى بيحكيلى يومه كله من اول لحظة لغايه ما بينام حتى لو عنده مشاكل فى شغلة بيحكيلى بيفضفلى باللي قى قلبة عمره مل خبى عليا حاجة هو دلوقتى فاهمنى اكتر من نفسى بيفهمنى من عنيا لو زعلت من نبرة صوتى بيعرف اذا كنت فرحانه ولا مخنوقة لما بغير عليه بيحترم مشاعرى لدرجة انه بعد عن كل صديقاته البنات عشان بس حس بغيرتى هو شبهى جدا لاكتر درجة ممكن تتخيلوها فعلا اتخلقنا لبعض زى ما بيقولوا انا عندى دلوقتى كام مشكله اولا اهلى هيحققوا عرفتيه منين وازاى وازاى توافقى تخرجى مع شاب متعرفهوش وهيبقى عندهم حق بس انا عمرى ما خرجت معاه لوحدينا بنبقى مجموعه ونتقابل فى اماكن عامه زى مطاعم كافيهات كدا ثانيا لو ارتبطنا الاعلام مش هيبسبنا فى حالنا واكيد هيربطوا اسمى باسمى المشهورة دى (انا مش عايزة اوضح اكتر من كدا عنها عشان المشاكل بس هى شابة مشهورة جدا فى مصر و ممكن الوطن العربى هى من اسرة مشهورة ) انا مش عايزة اسمى يرتبط بحد عايزة افضل عايشه حياتى طبيعيه مش يفضل اعلام او ناس متابعينى ومتابعين كل حاجة فى حياتى ثالثا والدى فى منصب حساس جدا مش محتاج ان اعلام او غيره يتكلم عليه .. من كتر التفكير فى الموضوع حاسة ان بقيت فى ضغط نفسى كبير مبقتش انام وارهاق وارق على طول اتحولت لشخصيه عصبيه وعلى ابسط الاسباب اعيط الانسان اللي بحبه كلم والده و والده مرحب جدا بخطوة الخطوبة والده فرحان عشان حس ان ابنه اتغير ونقطة الاستقرار وتكوين اسرة داه شئ كان مستبعد انه يطلع من حبيبى اخوه كلمنى فى مره وقالى فى وسط الكلام اخويا عمره ما حب حد كدا ولا اتغير لدرجاتى غير عشانك انتى حتى لما كان مرتبط بالبنت المشهور كان كل ما حد يسأله عن علاقتهم ينكرها .حبيبى كل شوية يقولى عرفتى اهلك ولا لسه وبيقولى لو خايفه انا ممكن اروح لوالدك و اكلمه انا و والدى بس انا بقوله لا لازم موضوع زى داه يجى من ناحيتى انا ..انا بحبه جدا جدا مش بحبه وبس بعشقه كمان بس عمرى ما قولتله حاجة زى كدا يعنى كان كلامنا بس فى اطار صداقة بس كل واحد منه عارف ان التانى بيحبه