رفضتني عندما علمت أني من مدينة أخرى

السلام عليكم اتمنى انك تدوني راي او فكرة تساعدني مع ان مشكلتي تقدر تبان مش كبيرة عندكم بس كبيرة عندي انا وشكرا انا من سنتين اتعرفت بواحد ع النت مكنتش بحبو في الاول اساسا العلاقة ابتدت صداقة واتوثقت وبعدين لقيت نفسي بموت فيه في الاول كنا متفقين ع الجواز عادي وكان هيحكي مع اهلو ومفيش اي مشاكل بعدين اتفاجأ برفض والدتو للفكرة تماما خصوصا اني من مدينة ثانية بتقولو والدتو البناات دول مش بيقدرو الحياة الزوجية كل همهم يلبسو يخرجو ميكاب كدة والدتو عايزة وحدة تكون ليه سند قوي انا مش بحقد ع والدتو خصوصا انو بيحبها جدا وكل ما بيحكي معاها بتقفل الموضوع في وشو ومينفعشي يتخانق معاها لان هي شئ مهم ومقدس بالنسبالو انا هنا حايرة بحبو جدا ومش عايزة اسيبو وفي نفس الوقت واثقة انو بيحبني بس هو سلبي جدا مش عارف يتقدم خطوة في اي حاجة سعات بحس من جوايا انو بيحاول يستفيد من اي فترة ممكنة ليه معاي لانو عارف في النهاية هيخسرني بس دا مش اسلوب حياة مينفعشي اننا نفضل كدة بيت وقف عدو سنتين واحنا ادخلنا ع ثالثة ومفيش تقدم وهو مش بيعمل حاجة كل ما بحكي معاه بيقولي سبيها ع ربنا انا احترت والله مش عارفة اعمل معاه ايه اتمنى انكم تفيدوني وشكرا ليكم