صورة علم Egypt
من مجهول
منذ 7 شهور 33 إجابات
0 0 1 0

رسالة ابنة عمي لي قلبت موازين حياتي

السلام عليكم ... هحاول احكى مشكلتى باختصار على قد ما اقدر انا مهندس متجوز بعد قصة حب فظيعه مراتى كانت عايشة بره مصر اتعرفنا نت حبينا بعض ٤ سنين وفضلنا على تواصل نت طول الاربع سنين اتخطبنا سنتين كانت بتنزل مصر مرة واحده كل سنه فترة اجازتها شهر بس فى مصر كنت مشتاق جدا ليها حتى لما اتجوزنا كانت بتوحشنى حتى لو كانت نايمه اتجوزنا وحياتنا ملهاش مثيل انا عمرى ما كنت قريب من بنت عمى بس لان مراتى كانت تعتبر غريبه فى مصر حتى ملهاش صحاب نهائى فى مصر بنت عمى قربت منها هى مطلقة ومراتى وثقت فيها جدا بعد تدخل بنت عمى فى حياتنا المشاكل ظهرت تدريجى وهنا ظهرت بنت عمى فى حياتى وفضلت هى تلعب من تحت لتحت تروح تخلى مراتى تتخانق معايا وتيجى ليا تعمل حمامة سلام وانا غصب عنى قربت ليها مقدرش اقولك اعجاب او حتى حب عشان انا فعلا محبتش غير مراتى وبنت عمى اعترفت انها بتحبنى وقالت انها اتجوزت بعد ما انا اتجوزت عشان تدايقنى وقالتلى جوازى داه اكبر غلطة فى حياتى مكنتش مصدق وزى الاهبل كنت ساعتها متخانق مع مراتى خناقه عادية قولتها وانا كمان ندمت ان اتجوزت وهزرت وقولت الواحد كان سنجل براحته احنا ملناش فى الارتباط للعلم بعدها مراتى جات صالحتنى واتصالحنا انا معلقتش على الموضوع داه غير المره دى بس ومقولتش اكتر من كدا كانت لحظة طيش وهزار كملت تواصل معاها وفضلت اكلمها واطمن عليها وفى اى مره اشوفها اقوم اسلم عليها كان ود مش اكتر و كنت نايم لقيت مراتى بتصحينى وتعيط وبتزعق كنا الفجر مفهمتش حاجة ولقيت والدى والدتى طلعوا لما كلمتهم هما فى الدور اللي قبلى و ومراتى حضنت والدتى وتعيط جامد و ادت الموبايل لوالدى وشاف الرسايل بينى انا وبنت عمى انا كنت بقولها فى رسايل حبيبتى و وحشتينى مش بقصد حاجة وحشه كنت بقولها بدون وعى وفى رسالة هزرت معاها وقولتلها يارتنا ما كنا جيبنا غريب العائلة واتجوزنا واهو نكمل نسل العيلة بهزار والدى خد مراتى ونزلها الشقه وقعدت مع والدى والدتى بقالها اسبوعين رافضة حتى تكلمنى او تسمع منى قبل ما تحكم وكلمت اهلها بره مصر والمفروض انهم هيحجزوا وينزلوا مصر كمان كام يوم هى حكت لوالدتى انها كانت صاحية بتتفرج على التليفزيون وموبايلى رن لقيتها بنت عمى ملحقتش ترد بتفتح الموبايل لقيت بنت عمى باعته رسالة بتقول فيها مش عارفه ليه ببعت الرسالة دى بس بجد انا فرحت لما حسيت من ناحيتك بحب ليا كنت مفكره ان هموت قبل ما اعترفلك بحبى وانك مبعتش عنى وفضلت جمبى وقربتلى اكتر داه اثبتلى انك بتحبنى لما رديت انهاردة وصوتك كان نايم مع انك مردتش على مراتك وكانت لسه رنه عليك قبلى بلحظات اكدتلى ان مكانتى فى قلبك كبيرة اوقات بحمد ربنا انك اتجوزت عشان قربنا من بعض من غير ما نحس وقالت انا بس كنت بطمن عليك اصلك وحشتنى وقالت تعرف انك بتوحشنى وببقى نفسى اخنق مراتك فى كل مرة بشوفها بتحضنك وبشوف لهفتك عليها انا مش عارفه بقول الكلام داه ليه دلوقتى بس كان نفسى اقوله من زمان ساعتها مراتى رجعت للرسايل القديمة وشافت كل حاجة انا غلطان لان مراتى متستهلش كدا منى متستهلش ان اجرحها لان مهما اوصفلكوا حبها ليا حبى ميجيش تمن حبها شيلانى على راسها انا واهلى مسمعتش منها كلمه واحده تزعلنى طول فترة جوازنا او خطوبتها عمرها ما زعلت اهلى لدرجة ان امى بتحبها زى ما تكون بنتها او اكتر امى طلعتلى امبارح قالتلى البنت مبطلتش عياط من ساعه من نزلت و ساكته طول الوقت هى كلمت اهلها معرفتهمش حاجة اكتر من انها قالت ليهم ينزلوا مصر عشان وحشوها ومحتاجاهم جمبها ولما مامتها سألتها ان كان فيه مشكله قالتلها انا كويسة بس مفتقداكوا وعيطت اهلها قرروا انهم ينزلوا لو اهلها عرفوا المشكله يبقى الموضوع خرج عن سيطرتى وساعتها هتحصل عواقب كبيرة توضيح بسيط الرسالة انا مشوفتهاش عشان كنت نايم ولو انا كنت مدرك للغلط اللي بعمله فى حق مراتى مكنتش سيبت كل الرسايل ومحذفتش حتى رسالة واحده ويوم ما رديت على بنت عمى اللي هو يوم المشكله انا كنت نايم ومردتش عشان مكنتش قادر كنت خالص وولما رديت مكنتش شايف مين بيتصل يعنى رديت تلقائى عشان اكمل نومى والرقم اللي بيتضل يبطلم رن عايز حل للعلم حاولت اتكلم معاها اكتر من مرة واخر مرة كان اهلى فى فرح ومراتى لوحدها تحت نزلت وكان معايا مفتاح للبيت لما دخلت معرفتش اتكلم معاها لانها كانت قافله اوضتها بالمفتاح مرضيتش تفتح ولما اهلى رجعوا قالت لوالدتى لو عمل كدا تانى انا همشى واسيب البيت كلامه هيبقى مع اهلى لما يجيوا انا خوفت اضغط عليها اكتر عشان هى ملهاش حد فى مصر تروحلوا وخايف انها تسيب الببت فعلا بسبب ضغطى عليها