صورة علم United Arab Emirates
من مجهول
منذ 3 سنوات 101 إجابات
9 0 0 10

الخيانة مالها تصنيف ولكن العشرة لم تهن علي

تزوجت من ست سنوات بنت كنت احبها مرت اول سنتين من زواجنا بشكل جميل و رزقنا الله بطفله و بعد السنتين بدأت المشاكل تدريجيا حصلت لي ظروف في عملي دخلت في مشروع و فشل المشروع تضررت ماديا لمدة سنة تقريبا و كانت زوجتي تساعدني بالمصروف بعديها ربنا كرمني و اشتغلت في شركه في مكان بعيد عن بيتي و اضطريت أني اسكن في نفس المكان و ارجع على بيتي كل نهاية أسبوع طبعا هون اشتدت المشاكل و بدأت زوجتي تكذب علي في كثير أشياء و بحكم أني بعيد كان صعب التأكد بعدين استعنت بالتكنولوجيا صرت اراقبها في البيت عن طريق الكميرات و اعرف وين بتروح و ين بتيجي عن طريق تحديد المواقع و هي تكذب تقول انا نايمه في البيت و هي طالعه تشم الهوى مع صديقاتها مرت سنه على هالحال وجهتها خلال هالسنه و حصل مشاكل و اخر شي اتفقنا انها ما تعمل هيك تجاوزات و طبعا هي كان عندها أشياء تخفيها عني مثل اكونت فيس بوك ثاني مثلا انا مش فيه و محظور كمان و هيك أشياء من وسائل التواصل طبعا غيرت كل كلمات المرور المتعلقة في تلفونها و ما شابه طبعا انا ثقتي فيها كثير تزعزعت بس سكتت لبين ما خلصت السنه و بعدين هي لقت شغل في نفس المنطقة اللي انا فيها و سكنا مع بعض اخيراً لكن لِسَّه في أمور كثير مخفيه انا كنت حاس فيها لكن مش قادر اثبتها طبعا المشاكل بينا قلت شوي و هيك لحد رمضان اللي فات في يوم جاي اصحيها تصلي الفجر لقيت تلفونها برن كانت رساله من شب لما سألتها مين هذا الشب ارتبكت و أخذت التلفون و راحت عالحمام مسحت كل المسجات و كل شي بيتعلق فيه انا طبعا جن جنوني هون أجبرتها تفتحلي الموبايل عشان اشوف بحجة انو لو هاي مسج عاديه اثبتيلي و افتحي الموبايل أخذت الموبايل و بلشت أفتش فيه و استرجعت أشياء كثير كانت هي ماسحيتها و اكتشفت انها بتخون كانت صدمه كثير كبيرة صح الخيانه ما كانت جسديه لكن بنظري الخيانه ما الها تصنيف جن جنوني و ضربتها لأول مره بحياتي شبعتها ضرب لمدة يومين و أجبرتها تحكي مع هذا الشخص عشان يجي عند البيت بدون ما يعرف اللي صار المهم جابتو قدام البيت كان واقف بسيارتو و لما انا طلعت شافني و هرب لحقتو بالسياره و كنت على أتم الاستعداد أني اموتو لحقتو و ضربت سيارتي بسيارتو طار فيها عن وجه الآرض بس للاسف انو سيارتي انا كملت على الرصيف و قفت على طول نزلت من السياره بدّي اكمل عليه بس حظو كان كبير سيارتو لسة بتمشي هرب من المكان كلمتو عالموبايل شتمتو و هددته انو رح يموت طبعا كلو هذا في نهار رمضان طبعا في نفس اليوم بالليل راح المركز و شكى علي أني بهددو و قالهم انو هو فاهم الموضوع غلط قصدو انا يعني بس طبعا الشرطه فهمو الموضوع كلموني و رحت و قالو هو متنازل عن كل شي لكن طالب تعهد منك ما تتعرضلو خلصنا الموضوع روحت البيت و طلقتها طلقه وحده مع أني كان نفسي ادفنها طبعا طول هالفترة و هي تعتذر مني و تستسمح بعد يومين سامحتها و رجعتها و عاهدتني انو ما يتكرر طبعا انا صح سامحتها من قلبي و كمان عشان بنتي لكن يا اخوان ما قدرت أنسى كل ما اتذكر اللي صار تخنقني العبره و كمان ثقتي فيها صفر و أصلا مش متاكد هو انا عرفت الحقيقة كلها ولا لا واجهت ايام كنت أتمنى الموت طبعا هي كل ما تشوفني زعلان تسألني ليش زعلان اقولها ما في شي مشاكل بالشغل ترجع تصر علي بالسؤال لما احكيلها أني مش قادر أنسى غصب عني بتذكر ترجع تجادلني و تحاول تبرر و حاليا الجدال محتدم و واقف على قرار نكمل و لا ننفصل طبعا بحب اذكر شي انها في بداية زواجنا ساعدتني و وقفت جمبي ماديا و معنويا حتى ما أنكر الجميل حاليا انا محتار خايف نكمل و ما اقدر أنسى او حتى يتكرر نفس الفعل و خايف ننفصل و تضيع البنت و كمان العشره ما هانت علي و بنفس الوقت كرامتي ما هانت علي انا عارف أني طولت لكن والله العظيم اختصرت كثير شورو علي انصحوني