تركها يوم ولادتي ولكن..!

بدون اسم لو سمحت انا مشكلتى أن انا متزوجه من سنتين وانا وزوجى اتجوزنا عن حب، المهم أن بعد شهر من الجواز عرفت انى حامل وزوجى لم يكن سعيد بهذا الخبر وعرفت بعدها باسبوع انه على علاقه صداقه مع زميلته فى الشغل ولما انا عرفت قعد يتاسف وقالى انها مجرد زميله مش اكتر وعلشان انا احافظ على البيت صدقته واخدت عهد منه انه هيقطع العلاقه بيها والدنيا مشيت ما بينا بس علاقتنا مكنتش اتنين لسه متجوزين مثلا بقالنا عشرين سنه متجوزين وانا قبلت علشان احافظ على بيتى وبعديها بكام شهر عرفت انه لسه على علاقه بيها ورحت اشتكيت لحماتى وبصراحه هى وقفت جبنى وبقت ضده ومش عايزة اقولك انا عشت فترة حملى ازاى وكان ابنى هيموت قبل ولادته وفعلاً دخلت ولادة مبكرة وهو مكنش فارق معاه لا انا ولا ابنه. بس يوم الولاده من نفسه وعدنى انه هيقطع علاقته بيها وعاهد ربنا ع كدا وانا صدقته رجعنا فترة كويسين وبعدين اتعوج تانى وبعدين جاله فرصه سفر وفعلاً سافر وانا رحتله هو تقريبا بقى كوبس معايا بس المشكله دلوقتى لاقيت ما بينهم شات كان فعلاً راجل ومراته بيتكلموا مع بعض ومن التواريخ فضلو مع بعض حتى بعد ولادة ابنى يوم ما عاهدنى. هما دلوقتى بعاد عن بعض وهى اتخطبت وبعدت عنه بس انا نفسيتى زى الزفت كل ما افتكر كلامهم بقرف بجد لما بيلمسنى لما بيكلمنى بحس باشمئزاز مش عارفه اعمل ايه بجد هو اعقد يقولى دى حاجات قديمه وانتى بتفتحى ليه فيها وبعديها اعقد يتأسفلى واعقد يقولى انا مش عايز غيرك انتى وابنى من الدنيا والكلام دا ممكن تساعدوني وتقولولى اعمل ايه علشان اعدى المرحله دى ومشكورة مقدما