هل سأستطيع مسامحته والبدء من جديد؟

Question

متزوجه من سنتين و نص و معايا طفل سنه و نص اتجوزنا جواز صالونات لكن احنا الاتنين كان هدفنا واحد نكون عائله و نجيب اطفال اتعرفنا و اتكتب كتابنا في خلال شهرين و بعد ٦ شهور سافرت معاه في غربه و سيبت شغلي و حياتي المستقله ماديا و عقليا و كنت مميزه جدا في شغلي اول جوازنا عرفت انه كان بيتفرج علي مواقع اباحيه قبل الزواج و كانت بتوصل لفيديو كول بعدها بسنه لما رحت اولد في مصر لما رجعت لاقيته بيكلم بنت قالي انها صاحبته بس كل كلامهم هو فاتح لها سكه انها تتعلق بيه مسحها و بطل يكلمها بعد ما اتخانقنا و في الفتره دي كمان لاقيته بيعمل فيديو كول مع بنات اباحي عدت سنه و نص و يوم عيد ميلادي لاقيت بالصدفه الباحته اكونت اباحي له عليه صور بنات و اتأكدت ان هو لكنه قعد يومين يحلف ان الاكونت مش بتاعه لحد ما فضلت ادور و جبت دليل قاطع صور مصورها لنفسه علي فرشنا و كلام مع بنات في اتجاه انه بيطلب ينام معاهم اتكلمت معاه و قالي ان دا بسبب تقصير مني مع العلم ان معداش الا اسبوعين فقط لاخر علاقه بينا عارفه انها مده لكن في طفل مسيطر علي تحديد وقت لنا و هو عارف انها اسباب مش بإيدينا بعد ما قريت عن الموضوع استوعبت ان دا مرض و ادمان عالمواقع و هوس بالستات قررت ان هعمل اللي عليا و استمر في اعطائه حقوقه الزوجيه لكن اذا اتكرر الغلط ناويه اطلب طلاق هل دا قرار يناسب حجم المشكله حاسه ان لو قررت اخلف تاني هو مش هيقدر انشغالي مع اطفالي و مش هيديني اي عذر و هيروح يخون بقلبه و بكل حاجه مش ضامنه انه يفضل مخلص فقدت الثقه و الامان معاه انا حكيت لأخويا و هو عرف ان حكيت و زعل مني و اخويا كلمه و الموضوع هدي بعدها طبعا هو اضايق اني حكيت بس كان لازم احكي عشان لما اكبر الموضوع بعد كده يبقي في حد شاهد علي اللي عمله كل يوم افكر في اللي حصل و حاسه بقهر و حاسه اني جايه علي نفسي مع ان تفهمت الموضوع لكن ديما بفكر ازاي قبلت دا و متأكده لو كانت خطوبه كنت فسخت لكن دا زواج و في طفل و عايزه عالاقل اجيب اخ للطفل دا و كمان مش عايزه الطفل دا يعيش بسببي حياه مش سويه بكره يكبر و ممكن يحصل خناقه قصاده و لو فكرت في نفسي ان من حقي اعيش مع انسان مخلص هل هكون انانيه و حاسه ان مش واثقه فيه تنصحوني بإيه هل حد منكم مر بتجربه زي تجربتي و اتصلح حال جوزها او رجل بيعمل زي زوجي و بيبقي عنده استعداد يتصلح حاله اثق فيه تاني ازاي ايه تدريب نفسي ممكن اعمله يرجع الثقه بالنسبه للخلفه أجل لحد ما ابني يبقي ٣ سنين عشان اعرف اوزن الحياه لان مش واثقه انه يستحملني و لا الصح انه يستحملني في كل احوالي اعمل ايه و ابطل تفكير ازاي تقريبا مر اسبوع عالمشكله و مش مبطله تفكير

أخصائية علم النفس والتثقيف الصحي ميساء النحلاوي · Accepted Answer

سيدتي من كلامك اشعر كم انت مسؤولة وحريصة على بيتك وزوجك وانا احييك على ذلك مع ذلك هذا لا يمنع ان لك حقوقا على زوجك وعليه واجبات تجاهك وتجاه ابنكما بالتأكيد الطفل سيغير من أسلوب حياتكما وسيشغلك اكثر لكنه الاهتمام به لا يقتصر عليك وحدك وعلى ابيه ان يشارك في تربيته والاعتناء به لا ترضي ام يتهمك زوجك بالتقصير تجاهه بسبب الولد هذا امر طبيعي ويمكن تفاديه بان يساعدك فيصبح لديك وقت اكثر تقضيه مع زوجك لا بد ان تخيريه بينك وبين هذه العلاقات الامر بيديه ان عقد النية على التوبة والحفاظ على اسرته سيستطيع لا ترضي بهذا الحال خيريه فليس من صالح ابنك ولا صالحك ان تعيشوا في هكذا أجواء فهذا بلا شك سيؤثر على علاقتكما جدا وعلى الولد أيضا اخري الانجاب عدة سنوات حتى تتاكدي فعلا ان زوجك تاب ومستعد لان يكون رب عائلة مسؤول دون اعذار وحجج واهية اخبرينا بتطورات قصتك وسنبقى معك حتى نجد حلا ان شاء الله

من مجهول · Answer

لا حول ولا قوة الا بالله بصي انتي شكلك فعلا واحدة محترمة وعاقلة وعلشان كدة عرفتي تحتوي المشكلة وتصرفك كان صح جدا لما قولتي لأخوكي بصي انتي تقعدي معاه وتفهميه ان كل اللي بيعمله دا حرام عليه وانه مريض ولازم يتعالج ومعلش نصيحة حساسة شوية حاولي تشبعي رغباته على قد ما تقدري ولما تحسي انك خلاص عملتي كل اللي عليكي تجاهه وبرضو بيخونك سعتها خيريه ياما انتي ياما المواقع دي ولو اختارك يبقى يروح لدكتور نفسي يعالجه

من مجهول · Answer

هو شخص خلوق و حنين و محافظ عالصلاه و لسه مخلصين حفظ جزء عم و بدأنا في سوره البقره و مش بيتطاول عليه او يزعلني بالعكس عشان كده اتصدمت فيه جدا

من مجهول · Answer

حاولي أن تعطيه حقوقه الزوجية أكثر اطلبي منه نهار اجازة وارسلي الطفل إلى بيت احد الاقارب او الاصدقاء مثلا حاولي أن تغريه أكثر وأن تحققي له رغباته رب ما سيساعد ذلك على حل المشكلة وإن لم تحل فمن الافضل أن تطلبي الطلاق قبل انجاب طفل آخر وإلا ستتحول حياتك وحياته وحياة طفليك إلى جحيم

من مجهول · Answer

اللى انتى عملتيه الصح واتجاهلى التعليقات لانها دايما بتورط الستات زى العادة يجوا للراجل يقولوا نزوة ويدبسوا الست فى عيال اكتر وتضيع سنيين عمرها وعيال هيشوفوا ابوهم بيغلط لكن اتخيلى لو انتى اللى بتعملى ده محدش هيقول نزوة لزوجك خصوصا انه شكله مدمن ده مش مجرد كلام ده فيديوهات وقرف وهيلومك على اى حاجة يعملها علشان ميحسش بالذنب والوضع هيتحول للاسوء هينتقدك بعدين ويقلل ثقتك فى نفسك وملهوش دعوة طبعا بالعيال هيعلمهم ايه وهو كده خدى موقف جامد وانفصلى ولو كملتى خليه هو يربى عياله يغير حفاظات يساعد فى البيت ولو اعترض قوليله علشان الاقيلك وقت ومقصرش اشغليه بالمسئولية خليه يحس بيكى ده ممكن يساعده يلم نفسه

من مجهول · Answer

رب ما لم يكن من الجيد أن تخبري شقيقك بأسرار المنزل لكن الأكيد أن عليك اقناعه بالابتعاد عن هذه الأمور رب ما من خلال تذكيره بأن هذا خطأ وتنبيهه إلى أن هذا مخالف للدين والأخلاق والشرع وانصحيه بأن يقرأ القرآن وأن يكثر من الصلاة والاستذكار

من مجهول · Answer

كل زوج في الدنيا يمر بنزوة انتي لازم تكوني شاطرة وتكسبيه وانه يحبك وتعلقي فيه ولا تفكري بالموضوع كثي

من مجهول · Answer

لازم تتصرفي بسرعة وتواجهي زوجك وتكوني حاسمة وجادة وتظهري له انه الموضوع بالنسبة لك خطير وفيه خراب بيت ولمحي لي انه كل حياتك معه بتتدمر اذا استمر بالخيانة

من مجهول · Answer

الراجل في الغربة تتفتح عينيه على النساء وتنكشف له اشياء جديدة بالدنيا وزوجك يبدو وقع في الفخ لا تتسرعي بقرراتك ولا تخليها انفعالية

من مجهول · Answer

الغربة والوحدة لزوجك جعلت عنده فراغ عاطفي وكبت جنسي ويبحث عن تفريغ هذا الشئ معك ومع نساء أخريات كان المفروض موقفك يكون أكثر شدة من هذا الموقف وتهدديه انك بتعرضي هذه الامور لأهله وعائلته عشان يخاف ويرتعد

من مجهول · Answer

اعرفي رغباته واللي بشده في العلاقات دي واعمليها واوعديه انك هتعملي اللي عليكي وهو كمان اذا خان تاني بكل حزم تهدديه هسيبك واسرار بيتك لا تخرجيها

هل سأستطيع مسامحته والبدء من جديد؟

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

مقالات ذات صلة

كيف أبدأ السنة الجديدة 2024؟ نصائح لبداية عام جديد

كلام جميل عن السنة الجديدة 2024 وشعر فصيح عن العام الجديد

دور مرحلة المراهقة في بناء وصقل الشخصية

عادات سيئة في شهر رمضان عليك التخلص منها

التوتر والإرهاق الوظيفي

غذاء الطفل في عمر السنتين وكمية الحليب التي يحتاجها

فيديوهات ذات صلة

أسئلة ذات صلة

مقالات ذات صلة

احدث مقالات الثقة بين الزوجين

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

طريقة عمل حلويات سهلة بدون فرن وبثلاث مكونات

طريقة عمل آيس كريم بدون سكر

احدث اسئلة الثقة بين الزوجين

اسئلة من بلدك

احجز استشارة اونلاين

شارك في اخر الاختبارات

اختبار تربية الأبناء: اختبار التربية العصرية والتقليدية

اختبار الدرجة العاطفية: هل أنت إنسان عاطفي؟