كيف اتخطى خيانة زوجي

كيف اتخطى خيانة زوجي مش قادرة اتخطى الخيانة مش قادرة أتعافى مش قادرة أكمل بشكل طبيعي الأسرة مرتجة ومحدش مقتنع بفكرة الطلاق بعد عشرة ١٥ سنة بجانب اني معنديش امكانية مادية للاستقلال لا وظيفة ولا بيت مش عارفة اعمل ايه كل ما أفكر انه كان في علاقة زواج سري مع اخرى يمنحها عاطفته ووقته وبيغدق عليها بالهدايا والفسح ويحسن نفسيتها لما تتضايق وأنا سراب دون قيمة موجود في البيت لتربية الاولاد

أنقهر من الوجع عندي حالة اكتئاب صداع وبكاء يومي وهو شايف انه العلاقة انتهت وانها امرأة لا ترتقي للمقارنة بيا وانا موهومة ومدياها حجم اكبر منها وانه معندوش مشاعر غير ليا بس ودي مجرد نزوة ولحظة ضعف وانا تعبانة جداً جداً خاصة أنا لم ابحث خلفه

أنا عشت على الثقة فيه وتجاهلت شكوكي والتفتيش وراه زي ما طلب مني وفي الاخر اكتشفت انه تمادى صعبان عليا نفسي جدا اني في الوقت اللي كنت صاينة بيته زي كل زوجة محترمة هو اختار واحدة قبلت تتجوزه من ورا اهلها بمجرد ورقة ومنحها اهتمامه وقلبه مش عارفة اعمل ايه ومش قادرة افكر ولا اخد قرار ولا قادرة اثق فيه تاني