اكتشفت أن زوجي يخونني مع أختي ماذا أفعل

السلام عليكم اكتشفت أن زوجي يخونني مع أختي ماذا أفعل انا امرأة متزوجة من ٩ سنوات وعندي ٤ اطفال صغار زوجي بايام الطفولة كان يحب اختي وقت كبرت ما صارت من نصيبه وتزوجت وبعد زواجها ب٣ سنين زوجي صار يخطبني من اهلي وانا كنت ارفض وعدت سنة وكان يخطبني ومصر على انه يحبني ونسي اختي وخلص كل واحد راح بطريقه وانا كنت ارفض كنت خايفة قلبه لسه معها كنت خايفة يرجع يحن قلبه الها بشي يوم من الايام وحكيت مع اختي وخبرتها انه حبيبها السابق عم يخطبني وانا ما عم وافق عليه صارت تحكيلي عنه انه شب منيح وما راح الاقي احسن منه كنت صغيرة وما كان عقلي كبير على اني اخذ قراري بنفسي

سكتت ورجع يخطبني وانا كنت يتيمة الاب وعمامي اخذوا قرار عني ووافقو وامي وافقت بس انا حتى كلمة موافقة ما قلتلها لانه ما حدا سالني عن رايي وصار النصيب وتزوجنا وبعد فترة صارت معاملته معي مختلفة ما كنت احس بحبه لي ولا كنت بشوف انه عنجد بيحبني مثل الحب يلي كان يحكيلي عنه قبل الزواج وتحملت وسكتت وصار يعشق على كل فترة وحدة وكنت موت من قهري واسكت ما كان طالع بيدي شيء وتحملت كرمال اولادي وصبرت وعلطول ادعي انه يتغير وتتغير معاملته معي بشي يوم واوقات ادعي لربي يموتني انا واولادي سوا ويخلص منا

اختي كانت بغير مدينة عنا بعد زواجي بسبع سنين التقينا انا واختي بنفس المدينة بركت عندي فترة منيحة صرت اشوف تصرفات زوجي معها مختلفة عن تصرفاته معي وكنت اكذب حالي واقول هاد وهم براسي لا اكثر مرت سنة كنا انا واختي جارات وروحات وجيات وزوجي وزوجها علطول مع بعض وانا وهي علطول مع بعض واولادنا بيلعبوا سوا بهذه الفترة صار في خلافات كبيرة بين اختي وزوجها كانت نهايتها الطلاق بعد طلاق اختي صرت حس اكثر بحب زوجي الها واعجابه فيها ونظراته لها ومع هذا قلبي ما كان قدران يتحمل وكنت كذب وكذب وقول مستحيل والشك بقلبي موجود وبعد طلاقها بسنة وانا كذب حالي واقول ما بيعملها ويرجع لاختي وقول مستحيل يكسر قلبي ويطعني بظهري ويخوني مع اختي واختي ما تعملها لانها بتعرف مالي غيرها بحياتي وبتعرف انها اغلى الناس على قلبي

بيوم من الايام كانت زايرة عندي تركتهن لحالهن شوي رجعت شفت تصرفاتهم غريبة ودخل الشك لقلبي وسكتت عالالم وبعد يومين سمعته باذني وهو عم يبوسها حسيت قلبي رح يوقف من صدمتي فيهم الاتنين تمنيت تكون اخر لحظة بحياتي تمنيت الموت لانه كان اهون من سكين بنص ظهري تطلع من قلبي من مين من زوجي واختي من اغلى ناس بحياتي ما في كلام يعبر عن يلي حاسة فيه هلق عم موت عم تطلع روحي وترجع ياربي تطلع روحي وما ترجع الموت اهون من هالموقف من هالشعور حدا ينصحني شو اعمل مافيني اتركه لان عندي بنات صغار وما عاد فيني كفي رضيت بخيانتو الي مع كل البنات بس مو معي اختي هذا شيء عقلي وقلبي ما فيهن يتحملوه يارب عم تحملني اكتر من قدرتي وهلق بطلب نصيحتكن شو اعمل شو ساوي ما عاد فيني اخذ قرار لوحدي ساعدوني