زوجي الجديد يصرف على أولادي لكنه خائن فهل أتطلق؟

السلام عليكم أخواتي، زوجي الجديد يصرف على أولادي لكنه خائن فهل أتطلق؟ أنا ست كنت متزوجة وانفصلت عن زوجي ومعي ٣ أولاد والدهم مش بيصرف عليهم ولا بيشوفهم، دخلت حياتي رجل كنت أحسبه العوض من ربنا ليّ، اتكلمنا وتعرفنا، وطلب مني الزواج وقال إنه هيصرف على أولادي، هو مسافر وطلب مني لما أتجوزه وأسافر معاه وأسيب أولادي لأهلي، اتجوزنا ورحت له زيارة، ولما جيت اكتشفت أنه كان له علاقات كثيرة مع ستات وصور عارية لهم، قلبي وجعني لما شوفت الحاجات دي

للعلم، هو كان متزوج ٣ قبلي، طلق اتنين ومعاه زوجته أم أولاده على ذمته، أنا مش عارفة أواجهه وأطلب الطلاق وأنزل لأولادي وأشتغل أي حاجة وأصرف عليهم، ولا أكمل وأعيش في وجع القلب ده، هو بيعاملني كويس جدًا ومش بخيل عليّ، وبيبعت لأولادي مصاريف، أنا مضايقة منه جدًا ومش عارفة أتعامل معاه، فيدوني بالله عليكم