هل أتطلق للمرة الرابعة لأنه لا يقبل أولادي من زيجات سابقة

هل أتطلق للمرة الرابعة لأن زوجي لا يقبل أولادي من زيجات سابقة؟ أنا دلوقتي متجوزة للمرة الرابعة ، كنت زمان متخلفة وبعاند نفسي ومعنديش عقل ، اتجوزت تاني مرة عناد في طليقي ، قعدت شهر واتطلقت ، واتجوزت التالت ، قعدت 6 شهور ، كنت بصرف عليه ، وبعد كده قعدت فترة واتجوزت جوزي الحالي ، الحمد لله بقالي أربع سنين وعوض ربنا وراجل كويس
بس بعد شهرين من الجواز مراته سابتلي عيالها ، أربع عيال ، مكنش قدامي حل غير إني أربيهم وأكبرهم ، بس كل يوم كان بيعدي عليا وعيالي مش جنبي ، كنت بموت كل يوم ، وأنا بحاول أحبب عيالي في جوزي وأولاده مكنوش راضيين ، وجوزي لقيته رافض وجود عيالي ، ودائمًا يقولي أنا مش هربي عيال غيري وأبوهم عايش ، وبدأ يتعامل مع أولادي وحش جدًا لدرجة إنهم كرهوا ييجوا عندي ، وشافوني ست وحشة وبياعة ومقصرة دايمًا معاهم
مهما أقول أنا فعلًا قصرت ، بس يعلم ربنا إني كنت على طول معاهم ، ممكن أكون بعوض بحاجات تانية بس مكنتش عارفة أعوض بعدهم عني ، حقيقي تعبت إني أعرف أعيش كزوجة وأعرف أعيش كأم لأولادي ، فكرت في الطلاق كتير جدًا حرفيًا ، بس فعلًا خايفة آخد خطوة زي دي لأن مافيش حد في ضهري ولا راجل أستند عليه
خايفة أولادي يتعايروا بيا وأوقف حال بنتي بإيدي لمجرد إن كان في طيش زمان ، وكنت دايمًا بدوّر على حد يخليني أحس كأني بنته وأحس بالأمان ، حرفيًا تعبت ، والراجل الوحيد اللي حسسني بده هو جوزي دلوقتي
حرفيًا مش عارفة أفكر ، وكان نفسي أجيب طفل منه بس كل ما آخد الخطوة دي أشوف ولادي الاتنين قدام عيني إني سايبهم مع أمي وإنهم مينفعش يعيشوا مع باباهم لأنه اتجوز وخلف طفلين ، وهم دلوقتي عايشين مع أمي وصبي وبيروحوا لباباهم على طول ، وأنا بروحلهم كل شهر ومعاهم على طول بالموبايل
أرجو النصيحة للضرورة ، وباباهم برضه مش مقصر
شارك في الاجابة على السؤال
يمكنك الآن ارسال إجابة علي سؤال

كيف تود أن يظهر اسمك على الاجابة ؟
-
مشكلتك فعلا توضح ليه بنشوف اطفال بتطلع عندها عقد نفسية وكارهين لحياتهم ومجتمعهم لأن فيه أهالي زيكم مش مسئولة يخلفوا ويرموا ،المهم حلك الوحيد طالما مش قادرة تعيشي من غير راجل وسند وكده انك تترحي على جوزك تفضلي على ذمته ولكن كل واحد فى بيته هو يربي عياله وانتي فى بيت امك تربي عيالك وابقوا اتقابلوا كذا مرة فى الاسبوع وطالما امك عايشة احمدي ربنا لقيتي اللي يشيل عيالك يعنى انتي مش لوحدك امك عايشة تاخد بحسك وتونسك وتساعدك فى تربية العيال وانزلي اشتغلي وسيبيهم لها تاخد بالها منهم وارجعي لهم بليل يناموا فى حضنك ولو جوزك رفض الوضع ده اتطلقي واشتغلي واعتمدي على نفسك ولادك اولي بيكي من ولاد جوزك ده لو انتي أم وبتفكري فيهم يعني.
اسمعي ياختي انجبي من زوجك الجديد ان كان سيؤلف بينكم ولا تفكري في الطلاق أبدا ثانيا اطفالك اشترطي انت تباتي يوم او يومين بالاسبوع معهم تحايليهم وتتودي لهم وتحني عليهم لكن الطلاق لا تفكري به غدا اطفالك يكبرون وتندمي علي طلاقكلكن المهم المبيت مع الاطفال يوم بالاسبوع مع ارسال الطعام لهم طبعا من نفقة والدهم وهناك مئة حيلة لود الاولاد وربما تنجبي من زوجك فيؤلف الله بينكم ويقبل الاولاد يقيموا معك بنفقة والدهم طبعا
انتي حياتك كلها غلط متزوجه ٤ مرات؟؟انا ترملت في عز شبابي من ١٧ سنه وللان مش قادره اتزوج مره ثانيه انتوا من وين تلاقون رجال يلمونكم كل شهر مع واحد ولازواج متعه وعرفي ولا ايش حاجه غريبه فعلا المرأه الان صارت هي اللي تعدد ٤ و٥ وأكثر وين الاستقرار في الزواج روحي تعالجي نفسيا انتي مش طبيعيه شوفي لك مستشار اسري يرشدك وينظم حياتك وضعك غلط تاركه اولادك وتربين عيال مرأه غريبه انا لو منك اتطلق وارجع لأولادي واعيش علشانهم لحد مايعتمدوا على نفسهم حرام عايشين ايتام لا ام ولا اب وانتوا احياء بس تراكضون ورا شهواتكم انتي وابوهم ضيعتوا الامانه اللي اعطاكم الله اياها حسابكم عند الله
فكري جيدا قبل اتخاذ أي قرار في وقت تكونين فيه تحت ضغط نفسي ، يمكنك أن تبتعدي مؤقتا عن زوجك وتعيشي في مكان منفصل لفترة قصيرة ، لتقتربي من أولادك وتستعيدي علاقتك بهم ، وفي الوقت نفسه تحاولي إصلاح العلاقة مع زوجك من دون احتكاك يومي مباشر ، هذا ليس هروبا بل تهدئة ضرورية ، وإذا وجدت نفسك أكثر راحة ووضوحا في البعد عنه ، فيمكن حينها أن يكون قرار الطلاق ناضجا ومدروسا لا اندفاعيا
ماينفعش تعيشي مع راجل بيهين أولادك ويتعامل معاهم وحش لدرجة إنهم كرهوا ييجوا عندك ، دي مش حياة ، دي استنزاف نفسي ليكي ولهم ، ولو ولادك شايفينك ست بياعة ، ده خطر على علاقتهم بيكي ومستقبلهم النفسي ، كرامة الولاد قبل أي زواج ، ولو الطلاق هيريّحك وهمّك ، يبقى القرار الشجاع تاخديه
أنتي بالفعل مستقرة مع راجل كويس بقالك ٤ سنين ، وده إنجاز بعد تجارب صعبة ، فخسارة تهدي البيت دلوقتي ، خصوصًا إنك بتقولي إنه عوض ربنا ، محتاجين جلسة صراحة بينك وبينه ، وممكن تدخل طرف حكيم من أهله أو أهلك ، وركزي إنك ترجعي علاقتك بأولادك حتى لو من غير سكن ، مش شرط يكونوا تحت سقف واحد عشان يحبوكي
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اسرية
احدث اسئلة قضايا اسرية
اسئلة من بلدك
احجز استشارة اونلاين