زوجي يشاهد الاباحية بسبب إهمالي له كيف اتصرف

السلام عليكم بدي نصيحة من اخواتي واخواني مشان الله لان ماعم اقدر فكر بشيئ من قد ماني مقهورة زوجي يشاهد الاباحية بسبب إهمالي له كيف اتصرف أنا تزوجت على بلد اجنبي وزوجي الحمد لله صايم مصلي وما بقصر بشيء بس من البداية حسيت بنفور من زوجي بالعلاقة بلبس وبهتم بحالي ولا يتحرك في شيء فكرت انو بس لحتى نتعود على بعض بس صار هالشيء يطول اكتر اول شيئ كل اسبوعين وبعدها صارت بالأشهر وانا بهذه الفترة صرت حامل

لما فتحت موبايلو لقيتو يتفرج على افلام وينطر اللحظة الي اطلع فيها من البيت كرمال يتفرج خانقتو وحكالي خلص آخر مرة راح غير رمز موبايلو وقلي خصوصية وظل مستمر هالافلام من وراء ظهري ووصل لهجران لسنة كاملة وبعدا اكتشفت انو بلش يحكي مع وحدة متزوجة وصاير بيناتن بوس وأحضان وما بعرف إذا وصلت للعلاقة انا جنيت وخانقتو وصار عم بحط اللوم علي واني نفسية قلت له من عمايلك من هجرانك الي ما بقا اعرف لايمتا قام ضربني كف قمت طلعت انا وبنتي وضليت شهرين كاملة عند اختي ولا حكا ولا اتصل وبعدها جاء بعد ماحكا مع بابا عالتلفون وما اعتذر ولا حكا شيئ بس انو هالشيئ غلط وخلينا نرجع

رجعت معه وضل هجرانه ولما حكيت معه قالي عادي طبيعي كل شهرين او اربع شهور العمر اله حقه عمره ٤٦ وانا 33 وهو لسه يشوف افلام ما بقا عرفانة شو اعمل خيانته الي ماعم اقدر أنساها ولا هجرانه مشان الله بس حدا يجاوبني