كيف أتصرف مع زوجي الذي خانني بعد أن وعدني بأنه لن يعيدها؟

السلام عليكم انا متزوجة من ٦ سنين وربنا ماارادش اني اخلف على طول والحمد لله ربنا رزقني بابني حاليا عنده سنة مشكلتي هي ان زوجي فيه عيوب كتير كنت متحملاها عشان بحبه منها انه كان بيعايرني اني مبخلفش وانه بخيل شوية وانه مش رحيم ولا بيقدر الظروف وبعد كل اللي متحملاه ده اكتشفت من ٦ شهور انه بيخونني وعمل علاقه مع ست متجوزة غير البنات اللي راسم عليهم انه بيحبهم طبعا صممت ع الطلاق وقتها لكن اهله واهلي اتدخلوا وصالحوني بوعد ان فعلته مش هتتكرر تاني ومن كام يوم اكتشفت انه بدأ يرجع تاني للي كان فيه مع العلم اني لما حاولت اتناقش معاه علا صوته وكان هيضربني لولا والدته سمعت صوته من برا باب الشقه وخبطت علينا يعني معندوش استعداد للنقاش ولا حتى الاعتراف بالغلط وانا والله ربنا شاهد مبقصرش معاه ف حاجه هل لو صممت ع الطلاق المرة دي هبقى ظلمت ابني وحرمته من ابوه ؟؟؟