تطلقت من زوجي من أجل عشقي لحبيبي... فهل سيتزوجني؟

الثقة بين الزوجين
تطلقت من زوجي من أجل عشقي لحبيبي... فهل سيتزوجني؟

حابة اطرح مشكلتي انا عندي قصة معقدة شوي عمري 18 سنة وبحب واحد عمرو 22 سنة وهو كمان بحبني كتير و وعدني نتزوج بس يكون مستعد وانا قلتلو رح استناه ودايما منحكي مع بعض وبحس انو لو شو ما صار ما رح نترك بعض بس مرة في واحد طلبني من اهلي وكتير عجبن لاهلي لان عندو بيت وغني بس انا قلت لاهلي ما بدي ياه كان عمري بس 16 سنة بس بعيلتنا ممنوع ارفض واهلي قالولي انتي ما بتعرفي مصلحتك وخطبنا وتزوجنا بسرعة لأن هو مستعجل وحبيبي كان يقلي ارفضيه لا تقبلي بس حاولت ارفض واهلي جبروني وحبيبي زعل مني وعصب عليي كتير انا حاولت انسا حبيبي واحب زوجي هو شكلو حلو وعمرو 27 وهو شخص طيوب وبيعملي أي شي بدي ياه بس الصراحة ما قدرت حبو دايما عقلي وقلبي عند حبيبي بس حاول كون منيحة مع زوجي واحسسه انو بحبو وهو منيح معي وعايشين حياة عادية بس كان في يوم عيد ميلاد حبيبي وانا حبيت اجيبلو هدية يعني انا زوجي دايما يعطيني مصاري يعني معي مبلغ منيح قررت اشتريلو لحبيبي سيارة بعيد ميلادو لان هو ما كتير غني اشتريت سيارة بدون علم زوجي وسجلت رقم حبيبي بجوالي وحكيتو كل عام وانت بخير واطمنت عنو هو كان زعلان مني بس حكينا شوي لان كنا مشتاقين لبعض وبالبداية هو رفض السيارة بس انا جبرتو لحتا قبلها وبعدا قلتلو دير بالك عحالك وحذفت رقمو وما خليت زوجي يعرف ابدا واعاملو منيح مع انو احسو متل اخي وما عندي مشاعر تجاهو بعد فترة حبيبي بعتلي رسالة انو مشتاقلي بدو يحكي معي الصراحة انا كمان مشتاقتلو بس قلتلو انا ما بقدر احكي معك لان انا متزوجة وما بخون زوجي هو كتير عصب وصار يسبني وقلي متل ما حرقتيلي قلبي رح خليكي تندمي وبعد فترة عرفت انو هو تزوج بنت انا صرت ابكي كتير كل يوم بالليل وحسيت الحياة بشعة حاولت انتحر بس زوجي منعني انا بعد فترة من زواج حبيبي قلتلو مبروك انشالله تعيش حياة سعيدة بالبداية قلي انا نسيتك وزوجتي احلا منك وقلي انقلعي عند زوجك يا خاينة قلتلو الله يسامحك بس بعد 3 ايام بعتلي انو مشتاقلي وانو كان بيكذب لان هو بيكره زوجتو وتزوجها بس مشان يجاكرني وصار يترجاني نرجع سوا انا ضعفت كتير لان بحبو وصرت احكي معو كل يوم وقت يكون زوجي بالشغل و وعدني انو ما يلمس زوجته ابدا لان هو بيكرها وقلي اذا بدك بطلقها انا قلتلو طلقها وفورا طلقها للبنت انا الصراحة فرحت شوي مع انو زعلت عالبنت لان ما الها ذنب وحاولت اطلب الطلاق من زوجي بس ما قدرت لان اهلي عقلن صعب وبيدبحوني اذا طلبت الطلاق بي انا بقيت على تواصل انا وحبيبي فترة كبيرة بس بعدين طلب مني اطلع معو بمكان عام وبعد ما اقنعني وافقت وطلعنا قضينا خمس ساعات سوا بس انا واثقة فيه هو بحبني وما بيأذيني حتا ما لمس ايدي ابدا بس كنت اسعد بنت بالدنيا وقت كنت معو بس حسيت انو هو حالتو المادية سيئة فسالتو بدك مصاري هو قلي لا ما بدي بس هو لان بيخجل يقول بدي فقلتلو انا بعطيك مصاري اذا بدك هو قلي لا تعطيني ما بدي بس صرت اعطيه كل شهر مبلغ مصاري مع انو يقول ما بدي بس دايما اجبرو بس انا ما بشتغل يعني المصاري من زوجي بس زوجي بيعرف انو باخد مصاري يعني ما عم اسرق من زوجي بس هو قلي اي وقت تحتاجي مصاري خدي اد ما بدك لذالك انا كل شهر باخد وبعطي حبيبي وطول الوقت بحكي معو عالنت بس زوجي صار يسالني ليش كل الوقت عالجوال وليش كتير متغيرة انا قلتلو لا ما متغيرة وصار مشكلة صغيرة بعدا هو اخد الجوال مني وشاف كل الرسائل معي ومع حبيبي اخد الجوال مني وصار يضربني انا اعتذرت منو وقلتلو ندمت ومستحيل اخونك مرة تانية و وعدتو انو ما احكي مع حبيبي مرة تانية وهو صدقني وانا قررت ابدا حياة جديدة مع زوجي بعدين حبيبي عرف واجا عالبيت لعندي كان زوجي موجود بالبيت زوجي عرف انو هاد يلي كان بيحكي معي بالجوال ف صار بدو يضربو وصارو يتقاتلو انا صرت ابكي بعدين زوجي قال لحبيبي هي زوجتي انت مالك علاقة فينا بعد عن حياتنا بعدين حبيبي قاله انو زوجتك ما بتحبك وهي بتحبني ف زوجي قلي تعي قوليله انو يطلع من حياتنا وانك كرهتيه بس حبيبي ضحك بسخرية وقلي انا بعرف ما فيكي تعيشي بدوني تركي زوجك وتعي معي يعني الصراحة انا كنت ببكي وما عرفت شو اعمل بس زوجي مسكلي ايدي وقلي انا معك بس انا تركتو ورحت عند حبيبي وبنفس الثانية زوجي قلي انت طالق انا حسيت انو عملت شي غلط بس صرنا نمشي ب اجراءات الطلاق والحمدلله ما كان عنا ولاد لان متفقين ما بدنا ولاد بالبداية وبما انو زوجي طلقني ف لازم يدفعلي المتأخر وهو كان كاتبلي مبلغ كبير وبعدا عطاني المبلغ وانتهينا. انا رجعت لاهلي وقلتلن انو طلقني لان ما قدرنا نتفق وبقيت على تواصل مع حبيبي وهو وعدني بس يصير عندو بيت يطلبني من اهلي بس بما انو انا معي المبلغ من زوجي السابق ف قررت اعطيه لحبيبي بس حبيبي زعل مني ورفض قلي استنيني وانا بشتريلك بيت وما بدي مصاري منك بس انا جبرتو ياخد المصاري ويشتري بيت والمصاري يلي بيزيدو يخليهن معاه لان بيحتاجهن هو وافق واشترا بيت واجا طلبني وتزوجنا وعايشين حياة بتجنن انا وياه مستعدة افديه بروحي لو بدو كتير منحب بعض بس الصراحة بيوجعني ضميري لان انا ظلمت زوجي السابق كيف فيني اتخلص من وجع الضمير؟

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي لقد ذهب ضحيتك انت وحبيبك في هذه القصه فتاه مسكينه تزوجها حبيبك ليغيظك وطلقها ليكسب رضاك ورجل خنته  واستغليت كرم اخلاقه وكرمه المادي من اجل حبيبك . اعتبري نفسك محظوظه لان حبيبك لم يختفي بالمال الذي اعطيته اياه من زوجك السابق واشترى لك منزلا . اما الان فانتبهي الى هذا الزوج الجديد الذي يرفض اولا ولكن يعود ويقبل دائما المال الذي تعطينه اياه . لقد اخطأ اهلك حين فرضوا عليك زوجا لا تحبينه وقلبك مع رجل اخر ولكن ذلك لا يغفر لك خيانتك له . انتبهي الى حياتك مع زوجك الجديد وكوني متيقظة فالخائن لا يؤتمن.
  • صورة علم France
    صورة علم France
    من مجهول

    خاينة وحرامية وخداعة وكذابة..... عقاب الله سيطولك عاجلا ام اجلا استغفري الله وارجعي لطليقك كل قرش صرفتيه على حبيبك.... واعلمي انك كنت الدجاجة التي تبيض ذهبا لحبيبك وسيتركك فور ان يجد دجاجة اخرى

  • animate

  • صورة علم Saudi Arabia
    صورة علم Saudi Arabia
    من مجهول
    ذكرتيني بزوجتي لكن لسه ما طلقتها وعندي أمل الله يهديها لأن عندي ولاد و كمان ما عندها حدا غيري ما تسمينه حبيب هو متسلق متملق لو كان يهتم بك كان ساعدك لبناء أسرتك و ليس لهدم بيتكأنتي عديمة المسؤولية كان يجب عليكي الإستعانة برأي احد المقربين و ان لا تجري خلف شهواتك نصيحتي لك حاولي ان تستسمحي زوجك هو كنز ستندمين عمرك على خسارته ومن تسمينه حبيب ليس إلا ذئب بشري كان الله بعون زوجك على ألمه و كان الله بعون زوجة صديقك
  • صورة علم Saudi Arabia
    صورة علم Saudi Arabia
    من مجهول

    الايام تدور و صفعات القدر اقوى ايام سوداء بإنتظارك ولا مفر منها انتي و خراب البيوت

  • صورة علم United Arab Emirates
    صورة علم United Arab Emirates
    من مجهول

    بنات اخر زمن يحبون لي يخدعهم وما يكون جاد معهم ويكرهون ويخونون لي يجيهم من باب البيت ويكون صادق وتقولون ليش قلوا الرجال لانهم يروحون لامثالكم بس كله قضاء وقدر

  • صورة علم Libyan Arab
    صورة علم Libyan Arab
    من مجهول

    تركت زوجا رائعا و مستقرا ماديا من أجل وغد يأخذ منك المال!! هذا الوغد لو كان رجلا لما طلق زوجته، و لما أخذ منك المال، و لما سعى في تخريب بيت الزوجية. ستندمين أشد الندم، و لن ينفعك ندمك. ستفشل هذه العلاقة التي بنيت على الباطل، و سترين ذلك بأم عينيك. ستبدي لك الأيام ما كنت جاهلا ...... و يأتيك بالأخبار من لم تزود 

  • صورة علم Saudi Arabia
    صورة علم Saudi Arabia
    من مجهول

    انتي خاينه  وذهب ضحيه حبكم شخص محترم وذو اخلاق وكرم والف بنت تتمناه وبنت برئيه ليس لها ذنب تزوجت وتطلقت لاحول ولاقوه الا بالله العلي العظيمبس صدقيني ربي بيعاقبك ان الله يمهل ولا يهمل

  • صورة علم Iraq
    صورة علم Iraq
    من مجهول

    قصه من وحي الخيال غير مترابطة الأحداث ... انصحك تكتبي قصص قصيره

  • صورة علم Saudi Arabia
    صورة علم Saudi Arabia
    من مجهول

    الظلم ظلمات يوم القيامه ولا راح تطول لك هالسعادة الي سرقتيها من ظهر زوجك... وترقبي العقاب الإلهي لجريمتك 

  • صورة علم Oman
    صورة علم Oman
    من مجهول

    بتشوفي الويل ف حياتك ع ظلمك لزوجك السابق .. يالصة .. وثق فيكي و اعطاك المال للضرورة وانتي تصرفيها ع واحد خاين مثلك .. اقل شيء تعمليه ترجعي كل المال اللي اخذتيه منه و تتوبي و تعملي صدقات وخير وتطلبي من الله المغفرة

  • صورة علم Saudi Arabia
    صورة علم Saudi Arabia
    من مجهول

    خلاص الي فات مات عيشي حايتك قال الله وان تفرقا يغي الله كلن من سعته الله راح يعطيه افضل منك وانتي خذتي الي كنتي تبغي تقبلي حياتك كيف ما كانت عيني 

  • صورة علم Algeria
    صورة علم Algeria
    من مجهول

    و كأنك طفلة في مرحلة ما قبل النضج !

  • صورة علم Turkey
    صورة علم Turkey
    من مجهول

    قصتك تشبه قصتي مع خطيبتي السابقه التي ولله الحمد لم نصل الى الزواج ... هي ايضا كان لديها عشيق اما زوجك السابق اسال الله ان يعوضه من تصونه وتكون شريكه حياته

  • صورة علم Qatar
    صورة علم Qatar
    من مجهول

    لاتعليق بس اقترح تزوجوا طليقة زوجك لطليقك عشان هم كمان يعيشوا حياة سعيدة زيكم!!

  • صورة علم Jordan
    صورة علم Jordan
    من مجهول

    اني اره حبيبي القديم يلي انفصلنه عن بعض وارو في الحلم وهوه يقلي بحبك والله بحبك

  • صورة علم Jordan
    صورة علم Jordan
    من مجهول

    انتي يعني اللي شراكي وشريتي اللي باعك زوجك كان مدللك وحاكم فوق رأسه  حبيبك بكره يحب الف وحده غيرك مصدقه يحبك 

  • صورة علم Germany
    صورة علم Germany
    من مجهول

    الحب شئ عضيم لمن صانه 

  • صورة علم Saudi Arabia
    صورة علم Saudi Arabia
    من مجهول

    الله يرزق زوجك الأول بوحده تصونه وتصون بيته..

  • صورة علم Saudi Arabia
    صورة علم Saudi Arabia
    من مجهول

    بسم الله الرحمن الرحيم الأمور طبيعية تزوجتي بالحلال وتطلقتي بالحلال وأهم شيء تستغفري الله على خطأ العلاقة حتى لو كلام فقط وأنتي على ذمة رجال والبت السابقة خليها رزقها على الله 

  • صورة علم United Arab Emirates
    صورة علم United Arab Emirates
    من مجهول

    اعتقد القصه من وهم الخيال فلا تغيروا بالكم بهذه

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟