وعلى محض الصدفة اكتشفت ما لايصدق عن زوجي

اتعرفت على جوزى فى الجامعه كان زميل دراسة مش اكتر وبعدين حبينا بعض واتجوزنا بعد قصة حب كبيرة اوى ومعافرة وصبر وعندنا ولد فى اولى ابتدائى وحامل فى الشهر السادس هو بيشتغل خارج مصر فى وظيفة حلوه ومنصبة كبير المهم كنت مقيمه معاه فى الخارج فى احدى الدول الاجنبية ونزلت مصر من سنتين ونص تقريبا عشان ابنى مكنش بيعرف يتكلم عربى نهائى فرجعت مصر وجوزى فضل هناك وكان بينزل على طول اجازات كتير لغاية ما مرة واحد قطع فضل كتير مبينزلش ويتحجج بالشغل قولتله خلاص هسافرلك انا وفعلا روحت انا وابنى مكنتش لسه حامل وكان متغير ٣٦٠ درجة قولت اكيد ضغط الشغل ولان وظيفتة مهمه كنت باجى على نفسى لغاية ما رجعت مصر وهو متغير وبعدين نزل اجازة عشان مرات عمه اتوفت كان متغير اوى يمكن اكتر من المره اللي فاتت قولت يمكن وفاة مرات عمه السبب كنت بحاول اقنع نفسى باسباب غير منطقيه عشان مهدمش حياتنا ورجع تانى سافر وعرفت ان حامل كلمته وهو فرح بصراحه بس حتى مكنتش نفس فرحة ابنى الاولانى قولت عادى بتحصل متبقيش حساسه زيادة عن اللازم وبعدين بعدها كنا بنتكلم فحصل نقاش فى موضوع ما لقيته اتعصب وزعق اتعصبت انا كمان لقيته بيقولى علاقتنا بقيت مرهقه معنتش قادر استحمل انهارت بصراحه هنا اتاكدت ان تغيره وراه سبب كبير فضلت فترة احاول اوصل لحاجة من الفيس انستقرام توتير اى حاجة معرفتش لغاية صدفة على الانستقرام لقيت من ضمن الاشارات فى الصور كذا صورة ليه هو ومجموعه من اصدقائه وكان على طول فى كل الصور بتكون بنت جمبه شكى اتحول ليقين ان فيه حاجة روحت بعت للبنت دى فلو وبعتلها رساله فى عضون عشر دقايق لقيته بيرن عليا وهو قلقان ساعتها اتأكدت وواجتهه وقولتلوا انا راحه بيت اهلى وقفلت معاها وهو ظبط امور شغله ونزل على طول مكنتش سيبت البيت اصلا المهم متوجهناش وهو ولا بيحاول يفتح الموضوع زى ما بكون محصلش حاجة وانا ضغط الحمل بالضغطوطات اللي حوليا تعبتنى وقررت اتعامل طبيعى بس اكيد مش زى الاول البنت الهبله الساذجة اصلا لما كنا اتكلمنا وهو مسافر يوم الخناقة قالى دى صديقتى مش اكتر وفتحت موبايلة لما رجع لقيته جاذف رسايلة وهو وهى على الواتس انا واثقه من كلامى ومحدش يقولى ان هو مظلوم لان لو كانت صديقة مكنش هيحذف رسايلها هى بذات مكنش هيرجع مخضوض عشان هسيب البيت بسببها انا قلبى مجروح اوى ومعنديش وش اروح لاهلى عشان عارضتهم كلهم عشانه ووقفت فى وشهم ورفضت ابن عمى بعد ما كان والدى خلاص هيخطبنا محدش يفتكر ان قدام كدا ان علاقتى بيهم وحشه بالعكس علاقتنا كويسة وبيحبوا زوجى كمان بس مليش عين اروح اشتكيلهم منه بعد االلي عملته عشانه تعرفوا ان انا كنت بثق فيه يمكن اكتر ما بثق فى نفسى وهو عمره ما كان وحش كدا ولا عمره عمل حاجة زى دى طول حياتنا من يوم ما اتعرفنا انا وهو متجوزين بعد قصه حب سنين كتيرة وعمره ما بص لبنت غيرى ارجوكوا بلاش تقولولى اهتمى بنفسك عشان انا مهتميه بنفسى جدا