هل أحفظ كرامتي وأعيش بقلب ميت؟

الثقة بين الزوجين
animate

انا مصريه عندى 27 عام متزوجه عن حب شديد ولدي طفلةكنت بحلم باليوم اللى يجمعنا بحبيبي اللى كان بكلامه وتصرفاته بحسه بيعشقني فهمت عيلتي كلها اد ايه هو محترم ومثالي ومفيش ف أخلاقه إلا رجولته  لدرجة ان كل واحدة ف عيلتنا اتمنت لبنتها واحد زيه   ولكن بعد الزواج اكتشفت حاجات كتير مكنتش شايفاها بس  كنت بقول لنفسي كفايه انى بحبه وبيحبني ومحدش كاملوبردو مشبعاه كلام حلو وكاتمه بنفسي بلبسي ريحتى جسمي بس عشانه هو ومكنش بياخد باله إلا لو ظهرت ف وشه حبايه أو كنت مجهدة من تعب أو سهر مع بنتي وقتها بس يعلق ويسأل كنت أخذ كل شي منه ضحك لانى بطبيعتي مش بحب الزعل والنكد وكان هو نفسه يقول لي أن دي أهم ميزاتي اللي حبني عشانهاكنت أثق فيه ثقه عميالو جاتني واحدة وقالت جوزك نام معايا مكنتش هصدقها ولا حتى ههتم اتأكد منهلكنى سافرت اجازة من غيره لما حسيته متغير معايا قلت يمكن محتاج ياخد منى اجازة برغم انى أحيانا تعامله معايا بيوجعنى بس قلت يمكن انا قصرت أو هو زهق خليني ابعد شويه وارجعله وهو مشتاقليلما رجعت كان زى ما سبته اتلهفت عليه وعلى حضنه وهو كان بااارد لدرجه انى اتكسفت من لهفتي عليه وهو مش عاوزلأول مرة ف حياتي أقرر افتح موبايله كانت نيتي اتطمن عنده مشاكل ف شغله أو ايه اللى مغيره لقيت محادثات واتس اب مع واحدة متجوزةبدأ هو كلام معاها وهى مصديتهوش برغم انه كان باين انها عجباه من كلامهكان بيبعتلها نكت مقارنه بين الزوجة وهى تقوله يعنى تقصد مين احلىمسكين المنطقه اللى احنا فيها مافيها نسوانانا معرفش ازاى كان شايفها كويسه ده لو شاف محادثه بيني وبين زميلي زى دى كان هيطلقنيواصلا ف نفس التوقيت كان دايما مشغول مش فاضي ولا عاوز حتى نهزر معاه  لا انا ولا البنتالمهم انى سكت ومقلتش انى عرفت وقلت يمكن انا مقصرهومعرفش منين جبت قلب اهتم زياده وادلع زيادة ولكنى كنت من جوايا مكسورة ف جيت ف يوم وقلتله انى عرفت ساعتها قلب واحد حنين وسمعنى كلام كتير كان نفسي اسمعه من زمان وقالي غلطه وعدت وأنه بطل يكلمها من قبل ما اعرف علشان حس ملوش لزمهكنت ناويه اقوله طلقنى وانى مش قادرة استحمل بس لقتني بقوله انا مش هسيبك لوحده غيريهو عدا اليوم والموقف عدا والحنيه والدلع راحو ورجع زى زمانبيتعامل عاااادى حسيت انى مش متطمنة وانى عاوزة اكسر الشيطان اللي بيوسوسلي وكل يوم كوابيسفعملت ميل باسمها وقلتله على لسانها انى هتطلق وعندي مشاكل وعاوزة حد احكي معاه وأنها من زمان متكلمتش علشان اتأكد وخفت ابعتلك واتس اب مراتك تشوفهاستنيت يرد يقولها انه خايف على زعلي أو حتى ميردش اصلا لكن رد بره البيت ومسح الميل ودخل واتعشا وعاوز يسهر معايا ولا كأنه عامل حاجهواجهته وكنت مصرة على الطلاق بس هو فضل يعتزرلي كتير ويقولي شيطان واعتبريني مريض مش هتستحملينيانا مكنتش راضيه عن اللى بيقوله بس انا قدامه بحس انى فى حد غيري هو اللى بيقرر عنىومعرفش ازاى سامحته ومشيت حياتنا عاديوهو فضل حنين وكويس اوى اوى يومين وبعد كدة خلاصرجع يطنشني وانشغل عنى بالشغل وبطل يقولي كلام حلو علشان مش فاضي ولا باله رايقبس فى حاجه جوايا غصب عنى بتقارن وتقول ماكان مشغول ويفتكر يكلمهاكان بيعرف يجامل ويبقا هادى ف عز ضغط الشغل معاهاكان بيحلق دقنه ويركز اوى اوى ف لبسه وهى موجودة ودلوقتي خلاص مش لازم احلق انا مش فاضياناحسه انى مقهورة ومكسورةف مرة شفناها ف مول وهى فاكرة انى معرفهاش فضلت تبصله ولما شافتني معاه بعدت وفضلت تبص عليا وتخصص فيا وف لبسي وكأنها متأكدة انى هطلع وحشهوهو كان واقف عينه كلها حيرة وخوف مبقتش فاهمه هو خايف على زعلي ولا نفسه يكلمها ووجودى هو اللى منعه مش ببطل ادور على حساباتها ف الفيس بوك وانستجرام علشان اشوف صورها برغم أن كل مرة بشوف صورها ولا تيجي ف بالي بحس ضغطي عالى ودمي فايربتجيلي ف كوابيس وتقولي انتى معنديش كرامة عشان كملتي معاهوكل ده جوايا وبس هو معندوش اى فكرة عنه بالنسباله الموضوع خلصبس انا اضمن منين انه ميحنلهاش لو قابلها ف الشغل ولا حتى يعرف عليا واحدة تانيهعمري ماتخيلت انه ضعيف كدة خصوصا انه فعلا مش ناقصه حاجهلبس بكل الاستايلات ف البيت وورقصتله وبعتله مساج عمري ماطلعت سره ولا حد سمع بينا ولا حتى باللي عمله دهكل الناس بتقولي يابخت جوزك انتى حلوةمش باين عليكي جواز وخلفهالكلام دة بقا بيوجعنى بدل مايفرحنىبفوت كل مضايقات أهله مع انه ده مش طبعي أن حد يضايقني واسكت بس علشانه كنت مستعدة اعمل اى حاجةمفيش حاجه بيشتكي منها الرجاله إلا وبتجنبها ولا حاجه بسمع انها بتحبهم وبيحبوها إلا وعملتهاحتى احساسي دى جوايا وبس  وهو مش مهتم بيا بشحت منه الكلام الحلولما بيجيلي وردة بعد محايله وطلب سنه بفرح بيها كأنه جابلي خاتم الماسعقلي بيقولي بتتعبي أعصابك ليه سيبيه مدام بيه ومن غيره تعبانهبس قلبي بيقولي هموت من غيرهاعمل ايه انا خلاص مش قادرةوحساها واقفةبينا بتطاردني ف كل حته كأنها عايشه معانا خصوصا وهو مش مهتم بيا حتى غيرته عليا بتقلانا فقدت حمل قبل كدة بسبب حالتي النفسيه ودلوقتي انا حامل وخايفه جدا من اللى انا فيه ده على الحملاللى عاوزاه منه مبيلقالوش طعم لما يتطلباعمل ايه؟اسيبه واحفظ بلاقي كرامتى واعيش بقلب ميتولا كدة هبقا بظلم بنتى واللى ف بطنى وأفضل معاه واعيش تعبانه لحد وشكاكه لحد ما اموت

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة سيدتي مش ممكن تبقي على هذا الحال، لازم تتحاوروا وتتكلموا وتلاقوا حل. لازم تخرجوا خارج البيت وتروحوا على مكان هادىء، وتصارحوا وترسموا استراتيجية للتعامل. ورأيي تبعثيلوا رسالة بكل ما يدور في بالك وتفكيرك، تقريبا مثل هذه الرسالة، واطلبي منه حل، وقولي له لو اختك عندها نفس المشكلة بماذا تنصحها. هذه ليست حياة وأنتم ما زلتم عرسان تقريبا. هل ندم على الزواج...دعيه يتكلم بصراحة ماذا يدور برأسه. بالتوفيق سيدتي
  • صورة علم United Arab Emirates
    صورة علم United Arab Emirates
    من مجهول
    والله ماني مصدق زلمه معه مرة تحبه ها القدم ويخونا ولا يفكر يتركها كرمال مرة مزوجه وخاينه لزوجهاالله يعطيكي العافيه اختى ع كرم أخلاقكويهديلك زوجك العاصي كرمال قلبك الطيب وروحك المسامحة
  • animate

  • صورة علم United Arab Emirates
    صورة علم United Arab Emirates
    من مجهول
    حسبي الله ونعم الوكيل ف اى رجل يكسر قلب ست بتحبه
  • صورة علم United Arab Emirates
    صورة علم United Arab Emirates
    من مجهول
    اقسم بالله انى رجل وبكيت وانا بقرا كلامكانتى فعلا جبل علشان لسا ساكته وقادرة تتعاملي معاه وتحبي الحب ده كله بعد كل اللى عملهياريت مراتي تحبني ربع الحب دهصارحيه وكلميه انا كرجل بقولك انه اكيد شايفك احسن ست ف الدنيا بعد الحكمه ف التصرف وانك متجننيتش و مفضحتيهوش باللي عملهبس كلميه انك مش هتسامحسيه لو عمل كدة تانىعلشان فى رجاله بتتمادى لما بتضمن حب الست اللى معاهربنا يهديهولكويهديلي مراتي
  • صورة علم Egypt
    صورة علم Egypt
    من مجهول
    المقدمات تؤدى الى نتائج ولازم تحطى النقط على الحروف ليحترم نفسه وبيته وفدسية الميثاق الغليظ الذى بينكم الذى شرعه الله ياما يفضل على حاله وانتى صونى كرامتك لان التمادى سوف يوصله لما يحمد عقباه وساعتها لا ينفع عتاب ولا ندم هذه العلاقات المشبوهه مع نسوه بدون اخلاق ورجال خونه تدمر بيوتا عامره وده اسمه استهتار هو من الاخر رجل مستهتر ولا يعى لافعاله
  • صورة علم United Arab Emirates
    صورة علم United Arab Emirates
    من مجهول
    لا حول ولا قوة الا بالله كل الرجاله خاينهنفسي مرة واحدة تقولي جوزها مخانهاشانا فعلا مش عارفه اقولك ايهبس الاكيد انك صعبتي عليا وادعيلك وانا بصلي ربنا يهديهولك
  • صورة علم Egypt
    صورة علم Egypt
    من مجهول
    اختى العزيزه انا رجل متزوج واحب زوجتى جداااااا ولسه علاقات كثيره بس لا تتعدل المكالمات والايمو والوتسا. تقول لكى شىء مهما هى تعمل له هى بلنسبالو انسانه مش محترمه وهو يعرف ذالك وبيتو وبين نفسه ببقارنها بيكى وانتى البتكسبى ما تستعجليش المواضيع عبش حياتك معاه مثل ما كنتى عيشه وبنفس المعامله ولا تملى وانتى البتكسبى والله
  • صورة علم United Arab Emirates
    صورة علم United Arab Emirates
    من مجهول
    جوزك ده نمرزد ومش مقدر النعمة اللى هو فيهايارتني انا عندى زوجه مثلكانا كنت قربت أصدق انه مفيش ست كويسه مع زوجهابس فعلا البني آدم هو اللى نمرود وميملاش عينه الا إلا الترابولو انتى مش عندك اولاد كنت قلتلك اتطلقي وسبيه يجرب اللى ترد خيانته بخيانة زي اللى عرفها عليكي ويتوجع زى ما وجعكوساعتها هيعرف انه كان معاه جوهرة متتعوضش
  • صورة علم Algeria
    صورة علم Algeria
    من مجهول
    أصبري يا سيدتي ، ما شاء الله أنت قوية و نعم الزوجة الصالحة ، أصبري أكثر و واصلي على نفس المنوال بل إذا كنت قادرة على الإبداع أبدعي في الإحسان إليه صدقيني سوف تكسبينه ، لو كان يحبها و يريدها حقا مكانك لكان طردك من البيت من زمان و طلب منها أن تتطلق من كلبها و تزوجها هو لكنه يعمل ذلك ليثبت لنفسه أنه أقوى من زوجها الجبان الذي لا يدري بما يجري من خلفه ربما بينه و بين زوجها إنتقام ... الرجال تفكيرهم خطير جدا ، نيتك الطبية و كرم أخلاقك و رقيك سوف ينتصر و من يدري لعلك تقتربين جدا من النصر المبين فلا تتراجعي أرجوك فتخسري كل شيء ، ربي يحفظك و ينصرك على عاهرات هذا الزمن
  • صورة علم
    صورة علم
    من مجهول
    تصارحي وتكلمي معه عن مشاعرك ولا تدفنيها، قد لا يشعر بما تشعرين به، ضعيه في صورة الحال، وعبري عن مشاعرك وحاجتك له، وممكن ينتبه لهذه النقطة
  • صورة علم
    صورة علم
    من مجهول
    الاهتمام من الاخر لا يُطلب يا اختي، اهتمي بنفسك وتوكلي على الله، ولعل زوجك من الناس الذين لا يستطيعون التعبير عن مشاعرهم واهتمامهم بالشكل الملحوظ
  • صورة علم
    صورة علم
    من مجهول
    الراحة والطمأنينة والسعادة هي أصل الزواج، لذلك بتمنى من كل قلبي انك تتكلمي معاه بجدية وانك رح تضطري تروحي لأهله وتحكي لهم عن خيانته لك، ولا تسمحي له انه يرمي الغلط عليكي، والعبي ع وتر الخيانة
  • صورة علم
    صورة علم
    من مجهول
    سكوتك طوال الفترة الماضية شجعه انه يتمادى في اهمالك وخيانتك، الان غيري استراتجية تعاملك معاه عشان يخاف ويعرف ان الله حق، لكن بدون تقصير في حقوقك، يعني قصدي حطي له حد وهدديه انه هذه العيشة ما تنطاق
  • صورة علم
    صورة علم
    من مجهول
    حاولي تعطيه فرصة وتتكلمي معاه عن مشاعرك واحتياجاتك لعل وعسى هو مش منتبه لكل هذه الاشياء اللي تكلمتي فيها، فيه أزواج ما ينتبهو لهذه الحقوق

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟