كيف أخبر عائلتي وعرسي بعد شهر!(3)

السلام عليكم بتمنى تتذكروني تحت عنوان ( بنت عمي كانت البداية) أنا من أربعة شهور كتبت على موقع حلوها مشكلتي في مين عاتبني لأني تزوجت في مين نصحني ، أنا اليوم والحمد الله وضعي مستقر من شي شهرين ونص، الأخصائيين نصحوني بشهر الأول كثيروفي ناس قلتلي طلقي كان صعب الطلاق أحنا فزمن إذا طلقت البنت بالشهر الأول من زواجها مافي أحد رح يرحمها، كنت رح أدفع ثمن خيانة زوجي ( ما حملت لحد ألأن وماني مقررة أحمل لحتى أتأكد من أنو هو الشخص المناسب ) تحملت لحتى جاء يوم وين خلص كل شي لاحظة أنو زوجي صار عندو شي عادي يحكي مع صديقاتو و أذا حكيت معو يقلي خلص مارح عيدها و بيرجع لطبيعتو في يوم أخذت مبايلو و عملت بلوك لكل صديقاتو طبعا هو أكتشف هآلشي صار يصرخ ويقلي مبادئي خصوصياتي هون جن جنوني قلتلو أنا مبادئي وين كرامتي وين خايف ع مشاعرهم ياأخي حسبني منهم لك حتى الأولاد مابدي من شخص مثلك مابفتخر كوني زوجتك قلتلو لو كان فيا ذرة عقل كنت تصلت بالعيلة وفضحتك بس ياأخي خلص عم أقذر منك أنت شخص مريض نفسيا وهون طلبت الطلاق كان أول مرة يسمعها هون حمل حالو و طلع من البيت وقت رجوعو لقاني حاملة أغراضي وطالعة يمكن ماتوقع هآلشي بس صار يبكي ويطلب السماح ومارح يعيدها هون أنا رفضت أسامحو كان وقتها عيد قلتلو بس بيخلص العيد بتصل بأهلي يحجزولي تذكرة ومن هي اللحظة ماني مرتك هيك تحكي وتعشق ع راحتك وأنا برتاح طبعا هو رضخ وصار يعاملني أحسن معاملة لحتى يوم العيد طلب نبدأ صفحة جديدة ،مابكذب عليكم كنت أظل أدعي وأصلي لحتى أنزاح هالهم ،الحمد الله بطل باليحكي صار أحن وأصدق فكلامو عم يستوعب وجودي وزواجو مني، هو هلا مسافر قبل خروجو طلب مني شويجيبلي معو قلتلو بدي ماتخوني فطلب مني السماح وأنو خلص نسى كل شيء بعرف أنو لازال الطريق طويل وشاق لحتى أقول نجحت أو خسرت في وحدة قالتلي لا زملك ستة شهور أو سنة يمكن صح الي حكتو لأني لهي اللحظة مارتحت ومارح أحمل حتى أتاكد أنو خلص كل شي أو أطلق