مع هذا الشاب شعرت بالحب والأمان الذي لم أشعره مع زوجي

عمري 31 عام تزوجت من 5 سنوات بدون اي حب ولا مشاعر تعبت كتير مع زوجي بسبب كده بس خليت الحياه تمشي وتستمر وانا جوايا مش مبسوطه وبحاول اظهر لكل ال حواليا اني سعيده مش مبسوطه معاه مهما بيعملي وغصب عني والله الاحساس ده وكنت بعيط وانا لوحدي بسبب احساسي بعدم السعاده معاه كاامرأه وربنا رزقني بولدين والحياه كانت مستمره لحد ف يوم من حوالي سنه اتعرفت علي شاب اصغر مني ب 4 سنين ف الاول كانت صداقه حكيت معاه عن حياتي والحياه الصعبه ال انا عايشاها مع العلم عمري مغلطت ف زوجي ولا ف اخلاقه معاه وكنت دايما اقوله هو مش مخلي البيت ولا الولاد محتاجين حاجه وده فعلا كان حقيقي بس كنا دايما ف مشاكل بسبب موضوع العلاقه الحميمه وكانت مشاكل جامده ومع الوقت حبيته جدااا وهو كمان حبني جدااا وقررت انفصل عشان مش عارفه اعيش معاه وانا كنت تعبانه من قبل معرف الشاب ده فعلا وحصلت مشاكل وضربني ضرب جامد وفضلت زعلانه عند اهلي شهرين وكان مانع الفلوس عني وعن ولادي وانا مع الشاب ده بقابله وبنتكلم وكنت سعيده جدااا معاه وكنا مبسوطبن اني خلاص هنفصل وبعدين جه لاهلي وقالهم هي غلطت فيا وشتمتني وانا عاوزاها عشان خاطر الولاد وانا كنت رافضه تماما اهلي غصبوا عليا وللاسف رجعتله تاني وانا بردو مستمره مع الشاب ده وزعق معايا وقالي انتي كده بتظلمي نفسك وبتظلميني معاكي قالي انا عاوزك وعاوزك تكوني مراتي حلالي عشان تعيشي صح ودلوقتي انا لما رجعت جوزي قعد شهر وسافر بره ومش عارفه اتكلم معاه ولا حد راضي يخليني انفصل عنه وانا تعبت جدااا من الحياه كده بحب الشاب ده جدااا وحاسه معاه بالامان والراحه النفسيه اللي عمري محسيتها وكل مانقول هنبعد عن بعض عشان الوضع كده غلط مش بنعرف اعمل ايه واتصرف ازاي عشان مظلمش نفسي ولا اظلم ولادي مع العلم اني بعد مرجعت لجوزي طلبت الانفصال منه وهو رفض وكمان اهلي رفضو نفسي ف حل عشان عمري ميضعش وانا تعبانه ومش حاسه بنفسي ولا بحياتي