زوجي ضعيف أمام النساء وأشعر أنه يخونني لكني غير متأكدة

سلام عليكممشكلتي أنه زوجي خلاني اشك فيهانا عمري ماكنت شكاكه ولااتخيلت انه ممكن يخونيبس بعد زواجنا بسنتين كان له نزوة مع واحدة زميلته صحيح كان مجرد واتس اب بس كان كلامه معاها عنى جارح وكلامه معايا وقتها كله تجريح وبيحسسني انه كان يستاهل واحدة احسن منى لانه كان طول الوقت بيقارن بيننا مع انها مدتلوش اى حاجه وخانت زوجها معاه باسم الصداقه وانا كنت ومازلت بديله كل حاجه بس الشيطان بقاالمهم هو لوحده  بطل يكلمها ولما واجهته انى عارفه اعتذر وحسسني قد ايه هو حاسس بغلطه وانه مش هيعيدها وانا معرفش ازاي عديتها وكملت يمكن لاني لسا بحبه من فتره بدا يرجع لحركاته ايام ماكان بيخونلما برميله كلام  قدام اي مشهد خيانه ف التليفزيون بيتوتربصته وكلامه ولمسته حتى علاقتنا الحميمه كل حاجه متغيرهانا مش مقصرة معاه ف اي شئ برقصله وادلعه ولسا محافظه على جسمي ووزني برغم انى ولدت مرتين قيصريه اللى بيشوفني من غير بناتي بيفتكرني لسا متجوزتشوهو كمان كويس وكريم معانا صحيح كل حاجه ف البيت او لبناتنا راميها عليا بس انا مش  متضايقه من الموضوع دهكل اللى تاعبني انى اكتشفت بعد الجواز انه ضعيف ناحيه الستات  صحيح مبيعرفش يفتح كلام مع حد علشان يخاف يحرجوه لكن لو اى حد شجعه هيعمل كل حاجه ...كل حاجه هتسمح بيها البنت اللى وقعت ف سكته حتى لو وصلت للسريرانا مش بقرا الغيب لكن انا متاكدة انه بيعمل حاجه لو عرفتها هتوجعيمكن ميكونلهاش علاقه بالستات بس هى حاجه هتوجعني وعارف انى مش هسامح فيها علشان كدة ساكت ومتغيرمش عاوزة ادور ف موبايله عاوزاه هو اللى يقول علشان يفضل كيير ورجل ف نظريانا لو صورته جوايا اتهزت مش هعرف اربي بناته مش هيحبوه خلاص حتى لو انا خبيت اللى حساه الاطفال دلوقتي ف منتهى الذكاء وبيصدقو اللى بيشوفوه بعينهم مش اللى بيتقال لما بيلاقيني زعلانه بيسالني مالك ويصمم انى اقول مالي مبيكونش عندي حاجه اقولهاله يسالني مسكتي عليا حاجه اقوله انت عملت حاجه امسكها عليك يقولي لا بنبرة كلها توتر وكذب فاسكتانا معايا ف زوجي دكتوراه ومستحيل اكون بيتهيألي لما بيقصد يحور عليا بفهمه من قبل مايتكلم ساعات بعمل نفسي مش فاهمه قصده علشان اريحه ويتبسط انه ضحك عليا انا خلاص تعبت ساعات بفكر انهى كل حاجه اعيش لنفسي وبناتي واسيبه يعمل اللى يريحه بعيد عني وخلاص لكن مبقدرشاللى بينا واللى ربطنا ببعض اكبر بكتير من انه ينتهي مش هعرف اعيش لوحدي من غيرهاعمل ايه