أهلي يشكون من مصروفي

السلام عليكم ،، من يومين امي قالتلي انو ابوي بشكي من كترة طلباتي وكترة مصاريفي بس انا متاكده كل التاكد انو هالكلام مستحيل لانو هوه بيعطيني بدون ما اطلب وانو انا ما بصرف كتير مصاريف بس لاني ساكنه بعيده عنهم ، لاني بدرس بجامعه بعيده عن بيتنا يعني بدها سفر بضطر اني اخد مصروف زياده حتى اصرف ع حالي اكل وشرب وكتب وكل شي مني وانا متحمله مسؤوليات كتيره هناك ، بس لما سالتو امي قدامي ما انكر انو حكى هيك ، كلام كتير بوجع وكتير قاسي انو اهلي متقلين من مصروفي وبحسسوني اني عاله عليهم يمكن لانو خطبت وحسو انو لازم خطيبي يصرف علي ، وضع ابوي ماشاءالله كتير منيح وبقدر يصرف على عشره غيرري ، بس امي سمعتني كلااام بهد جبال وانو اختي اللي اصغر مني محتاجه اكتر مني واني ماكله حقها، بس الله بشهد ما باخد الا لحاجتي واني مو مبذره وبصرف بحق ، المهم انا قررت ابيع من دهبي واصرف ع حالي الفتره الجاي ، بس بعد مايخلص اللي معي مو عارفه شو اعمل بدي حل بدي طريقه اقدر استغني عنهم وما اطلب منهم ، كيف بدي ادبر حالي الفتره الجاي، لسا ضايلي سته شهور لاخلص جامعه واتخرج ان شالله، وطبعا خطيبي لسا بيدرس ومابقدر يصرف علي وانا اكيد ما بطلب وماباخد منه حتى لو هوه اعطاني بس مابدي احكيلو القصه هاي بخاف يعايرني فيها لقدام ، لانو بيعرف انو ابوي اغلى اشي ع قلبي ، مابدي يغير تفكيره