أدركت بعد الخطوبة مشكلة وضعه المادي

السلام عليكم انا بنت عمري 28 سنة انخطبت لشب من 4 شهور خلوق ومتدين محافظ على صلاته وكتير طيب قبل ما اخطب كنت كتير مبسوطة وما عم فكر بشي ابدا بس هلق صارت تراودني افكار انو بخصوص وضعو المادي كيف رح فينا نعيش معاشو 800 دولار وبيت ما عندو واخد قرض من البنك ل 3 سنين بعرف رح تسالوني وين كان عقلك قبل الخطبة بس والله ما كنت فكر بشي هلق لصرت احسبا انا بشتغل وتفقنا ساعدو لنتزوج بس انا والله شغلي صعب بشتغل بمحل تياب 9 ساعات ونص كل نهار تطواية تياب و وقوف تعبت صرلي 7 سنين شغل لساعد اهلي وهلق لساعد خطيبي صارت هالافكار ما تغيب عن بالي حتى لما يجي ونكون قاعدين سوا بكون عم فكر بهالقصص بيسالني شو بك ما بقلو لان ما بدي اجرحو قد ما هوي منيح معي انا ما بتركو بعرف انو الله هوي العاطي والرزاق ورح يبدل. حالنا للاحسن بس والله تعبت مش حاسي حالي عايشة فترة خطوبة وفرح ابدا شو الحل ؟