صورة علم Saudi Arabia
من مجهول
منذ 4 شهور 8 إجابات
0 1 0 0

زميلتي مريضة نفسياً وأنا منزعجة جداً من تصرفاتها

طلبتكم تكفون من سنتين رحت مدرسه جديده وانهبلت بكمية البنات المريضات عقليا الي هناك ترا اقصد مريضات جد مو سبه ولا شيء الله يشفيهم وحده منهم جت كلمتني تبغا تتعرف علي وقت ليتني ما عرفتها المهم ظنيتها وحده عاديه وبعدين مع الايام اكتشفت انها عندها مرض بس مو مرض خطير لانهم حاطينها مع البنات العاديات مو مع بنات الدمج بس البنت تصرفاتها كأنها مجنونه ومره جت وهاوشتني وهددتني أنها بتضربني وسبتني انا ما سويتلها لها شيء اصلا وسوت مشاكل مع كل الفصل لدرجة انهم نقلوها شعبه ثانيه وبعدين بالثانوي صارت معاي بالفصل ولاحظت أنها جد غريبه كانت تمشي بالفصل وتكلم نفسها وتضحك مع نفسها واشياء غريبه واذا مره كنا في حصه وجت الابله تخطط الأشياء وهي البنت ما عرفت وين احنا نخطط فيه قامت تصارخ وتعصب وتقول وين انتو وبمره من كم يوم شفتها تبكي قلتلها شفيك قالتلي المديره عندها بنت قلتلها طيب واذا ؟ قالتلي كنت اتمنى اكون انا بنتها وبعدين دخلت ابلة العربي ولما شافتها تبكي قالتلها اطلعي برا ارتاحي وكذا لانها فاهمه حالتها خاصه وبعدين دخلت الفصل وجت المراقبه تقولها حبيبتي تعالي ابغاك وذي البنت تقولها لا ما ابغا لين وافقت تروح وياها وبعدين المراقبه كلمتها شوي والبنت ارجعت ووقفت عند الباب وصارت تقول ما احبها اكرهها تقصد المراقبه يعني وصارت تتمسخر عليها وابلة العربي واقفه ما قدرت تقولها شيء وبعدين في حصة النشاط بنات جو يكلمونها يعني قالتلهم انا ما احب امي لانها عندها بطن وما تحط مكياج ومو حلوه وهي تحب المديره أكثر من امها صراحه استفزتني وكنت بعصب بس بطلت احسها صج مريضه بس مو مريضه لدرجة أنها تسوي كذا يعني احسها تستهبل ومن ذي المواقف هوايه صارت وياهه دلوني شلون اتعامل معها لان خلاص تعبت وما ابغى اذيها لأنه حرام بي ما اقدر اتحمل لان لي طاقه انا بعد ولا احد يقول انتي شعليك منها لان هي تأذيني انا بعد