صورة علم
من الوليد
منذ سنتان 52 إجابات
0 0 0 0
  • صديقي توفي بحادث سير واريد الزواج من ارملته

    ربيت من لما كنت صغير مع صديقي وكنا مانفترق ودايم مع بعض وكل اهالينا يعرفون هالشيء لدرجه ان صداقتنا قربت اهالينا من بعض.. مرت السنوات ودخلنا الجامعه سوا ودخلنا نفس التخصص وتخرجنا واشتغلنا. تزوج صديقي قبل سنه ونص وفرحت له من كل قلبي لدرجه اني سئلته اذا زوجته عندها اخت عشان اخطبها ونصير عدايل بس ماكان عندها.. بعد زواجه بثمان شهور توفى صديقي في حادث سياره وكانت زوجته حامل، دخلت في حاله كآبه كبيره وللحين مو قادر استوعب انه توفى وراح.. ولدت زوجته وجابت بنت ولان اهل زوجته يعرفون اني متعلق بصديقي فدايم اروح لهم عشان اسئل عن بنته فانا احسبها مثل بنتي، وبشكل اسبوعي لازم اروح اشوفها واتطمن عليها. بالفتره الاخيره امي صارت تقول لي ليه ماتتزوج ارمله صديقك عشان تكون قريب من بنته وتنتبه لها وانا عارف ان امي قالت كذا عشان ماتبيني انحرج من اهل زوجه صديقي وتبيني اطلع من حاله الحزن الي انا فيها. ماعمري فكرت بالي قالته امي بس الحين صرت افكر فيه بشكل جدي لكن احس اني اخون صديقي كذا.. هل تنصحوني اتزوجها والا لا؟