صديقة عمري قطعت علاقتها بي والسبب هو خطوبتي

صاحبة عمرى بقت شيفانى خاينه ومليش امانة وتقريبا قطعت علاقتها بيا هحاول احكى الموضوع بايجاز شديد انا وهى نعرف بعض من ابتدائى بس كنا فى مدارس مختلفه فى اعدادى كنا فى مدرسه واحده وفى فصل واحد ومن غير ما الاحظ بقت جزء مهم جدا فى حياتى وبقينا اكتر من اخوات كنت انا فى اعدادى وثانوى مش بهتم نهائى بأى ولد حتى لغاية ما دخلت الجامعه مكنتش اعرف معظم اسامى ولاد الدفعه كانت هى فى 3 اعدادى بتاخد درس خاص مع شاب كانت بنات الدفعه كلها بتتكلم عنه وعن اخلاقه ووسامته وكان هو الاول على مدرسته كل سنه كانت مدرستى بنات بس فمكنتش اعرفه فى 1 ثانوى شفت الولد داه مش هنكر ان اعجبت بيه وكان اول شاب اعجب بيه انا كنت مهتميه جدا بدراستى وعمرى ما بصيت لولد بس هو شخصيته كانت جميله حتى هو عمره ما بص على بنت ماشيه فى الشارع وانا دخلت ادبى وهو دخل علمى وصاحبتى دخلت علمى انا كنت فى مدرسه ثانويه مشتركه وكان فى فصل صاحبتى الشاب داه هو عمره ما كلم ينت غير بحدود وانا فى 2 ثانوى صاحبتى قالتهالى مباشر تعرفى ان فلان لو اتقدملى هوافق من غيرةما افكر كان باين على صاحبتى انها اتعلقت بيه بس انا قلت عادى كلها سنه ونخلص ثانوى وهى هتنساه وهو دخل كليه حربيه وانا دخلت سياسه واقتصاد وصاحبتى دخلت تجاره ومر زمن على الكلام داه لدرجة ان نسيته وانا وصاحبتى بنتكلم كل يوم بالساعات ولازم نتقابل فى الاسبوع على الاقل مرتين ولو هى هتخرج مع اصحاب جامعتها بخرج معاهم وهى برده نفس الشئ معايا لسه بنشترى هدومنا سوا لسه متعلقين ببعض جدا انا كنت لسه محبتش وكان اى عريس بيتقدملى كنت بقابله ارضاء لاهلى وحايز احس براحه بس كان من اول ما مقابله كنت برفض والسنادى اخر سنه ليا فى الجامعه كنت مليت من كتر العرسان واصرار اهلى ان اقابلهم كلهم لدرجةان بقيت بقابلهم من غير حتى ما اعرف اسمهم ولا حتى اى حاجة عنهم لغاية ما فيه عريس اتقدملى ماما طول اليوم كانت بتقولى يابنتى داه كان زميلك بس انا مكنتش مهتميه لغاية ما قبلته وكانت الصدمه انه الشاب الوسيم الى كانت دفهه كلها معجبه بيه صعقت من الموقف وقعدنا واتكلمنا فى الاول كنت ساكته خالص و بعد ما مشى لاول مره احس براحه ناحية عريس اتقدملى فعلا حسيت براحه وسعاده عمرى ما حستها تجاه اى عريس وكنت مبسوطه اوى بالذات لما افتكرت اول مره شفته فيها المهم وافقت و عرفت صحبتى ان فيه عريس اتقدم وعرفتها كمان ان وافقت قلتلها محتاجاكى معايا وانا بشترى خاتم الخطوبه رفضت عشان كانت مشغوله بتجهزات فرح اختها وقالتلى مبروك حتى مفكرتش تقولى مين العريس مزعلتش منها وراعيت ظروفها وفرح اختها كان رابع يوم العيد وكلمته وعرفته قالى انا هبقى فى اجازة هنبقى نروح سوا فى الاول قلتله بلاش محدش يعرف اننا هنتخطب قريب قالى بلاش جنان يا فستقتى وروحنا الفرح وسلمت عليها وخطيبى جيه يسلم عليها ويبارك فضلت متنحه وقالتلى الحقى مين جاى علينا وملحقتش اوضح عشان كان جبه وسلم وقالى انتى نسيتى موبايلك معايا هى مكتتش فاهمه ايه بيحصل هو رد قالها لا خزعل منك امال ايه صحاب ومفيش سيره منها غير عليكى وفى الاخر متعرفيش اننا اتخطبنا شوفت فى عنيها نظره مش قادرة استوعبها وكلمتنى بليل قالتى انتى اقذر صاحبها شوفتها فى حياتى انا بكرهك يعنى راحه ترتبطى بيه وانتى عارفه انى كنت بحبه انتى انانيه وزباله وانا مش مسمحاكى ومش عايزة اعرفك قلتهلها انا مكنتش اعرف انتى كنتى بتهزرى وانتى بتتكلمى عنه وعمرك ما قلتى انك بتحبيه بجد حتى انتى قلتى دلوقتى انك كنتى بتحبيه ردت قالتلى انا بكرهك انتى مفكره انك احسن منى عشان كنتى شاطره عنى لو ربنا خاد منى ذكاء فعوضنى عنه بجمال اما انتى بصى لنفسك فى المرايه عشان انا قمحويه وهى اجمل منى سكت وقالتلى بكرهك وقفلت فى وشى فضلت طول اليوم بعيط مش قادره استوعب يوميها خطيبى كلمنى وكان باين فى صوتى العياط جيه يوميها ليا وادانى بوكس صغير كان فيه شوكولاته ومفكره صغيره ولما مشى لقيت المفكره عنى وكلام من زمان اوى انه حبنى فى اول مره شافنى فيها وحب مشاغبتى فى المدرسه طول السطور بعيط وبضحك لقيته بعتلى رسالى قالى بعد كدا مفيش مفكرات هتتقدم لو زعلتى اما لو ضحكتى وبقيتى شطورة و بتسمعى الكلام هتشوفى بوكسات من دى كتير ولسه المفكرات مخلصتش وعمرها ما هتخلص يا فستقتى صحيح فستقتى داه طلعته عليكى من بعد ما جبتى فستق فى المدرسه وانتى بترميه رمتيه عليا فاكر يا فستق يا حلو انت كلامه كان جيه فى وقته بس برده لسه مفتقداها لسه وحشانى بهزارها وكلامها وعصبيتها انا خطوبتى بكرا بكلمها ومبتردش عليا وخليت ناس يكلموها كانت بتشتمنى وتغلط فيا انا عايزاها تقف جمبى فى خطوبتى عايزه وجودها معايا انا مليش اخوات بنات عندى اخ واحد فى 2 ثاتوى مش عارغه اعمل ايه واخليها تصدقنى وتسامحنى انا بحها اوى اوى بدون مبالغه وفى الوقت ذاته انا مستحيل اسيب خكيبى عشان انا فعلا حبيته شفت معاه ايام حلوه اوى عمره ما خلانى انام زعلانه منه وقالى يوم ما تنامى زعلانه منى يبقى مش بستاهلك