مهووس في بنتي ومابي ازوجها!

انا رجال متزوج من ٢٥ سنه واحب زوجتي ومرتاح معها وعندنا بنت وحده زوجتي جاها مرض من عقبه ماقدرت تحمل وانا ماتزوجت عقبها وراضي بقسمة الله لي صارت بنتي هذي كل حياتي واخاف عليها من الهواء ومتعلق فيها كثير لدرجه رفضت كثير عروض سفر وشغل عشان اكون جنبها الحين بنتي تخرجت من الجامعه وتشتغل بشركه وكبرت وصارت عروسه الفتره الاخيره انقلبت حياتي فوق تحت لما تقدم واحد يخطبها وطبعا رفضت الفكره نهائيا وبيني وبينكم خفت كثير من فكره انها تتزوج وتروح بعيد عني! انا عارف ان هذا ماراح يكون اول ولا اخر واحد لكن بس التفكير بالموضوع يخوفني!صرت مهووس بزواج بنتي فانا مثل اي ابوي ابيها تتزوج وتعيش حياة سعيده بس ماقدرت اخذ الموضوع بشكل جدي واخاف ارفض كل من يتقدم لها وبكذا اظلمها وتكرهني بهالسبب!