صورة علم Saudi Arabia
من مجهول
منذ 7 شهور 1 إجابات
0 0 0 0

حلمت ان كنت بحضر درس ديني في مسجد

السلام عليكم عندي رؤيا واتمنى تفسيرها حلمت ان كنت بحضر درس دينى ف مسجد واللى بتشرحلنا وحده اسمها اسماء بس انا معرفهاش ولا اعرف اي حد ف الحلم وبعدين اخدتنا اسماء وقالتلنا تعالوا نزور الجنه ودخلنا ف مكان كأنه فوق جبل عالى جدا جدا لدرجة اننا شايفين كل حاجه تحت صغيره جدا وكان المكان فيه شجر كتير وخضراء وزرع وكان تحت ف اغنام كتير وبيوت كتير بعيده وشكل السماء جميل والمكان من كتر ماهو جميل انا كنت ببكى ف الحلم من المنظر المريح وكنت بقول لنفسى اكيد الفردوس احلى من كده واكيد الجنه اجمل واروع من كده كنت بقول اكيد فيها كذا وكذا وكنت بتخيل حاجات تانيه وبعدين رجعنا تانى للمسجد ...فانا لما رجعت المسجد كأن المكان ال روحته ع انه الجنه كأنه كان حلم مش حقيقى وانا عايزه احكى الحلم ده لأسماء وهى كانت مشغوله مع الناس لان بيسألوها عن حاجات دينيه فانا قولتلها ممكن احكيلك حاجه.... قامت معايا وروحنا قعدنا ع جنب بس هى ال فضلت تتكلم وكأنها بتقولى نصايح انا لما صحيت ماافتكرتش كانت بتقولى ايه بعد ماهى خلصت لقيتها هتقوم من جنبى قولتلها ثوانى احكيلك حلم حلمته فشاورتلى ان مفيش وقت ولازم تقوم علشان تشرح درس دينى.... انا فضلت اقولها ثوانى بس مش هعطلك.... قالتلى آيه من القرآن بس انا مش متذكراها لكن فهمت ان معناها بتقولى متعطلنيش عن عمل الخير وإفادة الناس التانيه واول ماقالت الآيه دى وفضلت تكررها كتير كل الناس ال كانوا منتظرين يسألوها بعدوا وكل وحده قعدة ف مكان ف المسجد وانا كمان قعدت ولقيت ال هيبدأ درس انجليزى... فانا قولت ال هيشرحوه انا عارفاه فمشيت وروحت ادور ع الجزمه بتاعتى (الحذاء) ملقتش غير فرده واحده منهم... وفضلت ادور كتيييير حتى طلعت للمكان ال بيصلوا فيه الرجال ودورت بين الاحذيه بتاعتهم وملقتش نزلت تانى عند المكان بتاع الستات لقيت كل وحده اخدت حذائها وماشيين ومفيش احذيه خالص.. فسألت ست من ال مسئولين عن المسجد هى شافتنى بدور قالتلى بتدورى ع ايه قولتلها مش لاقيه فردة الحذاء قالتلى هو النعال بتاعك شكله ايه ؟ قولتلها لون اسود ولسه ماكملتش وصفه لقيتها هى كملت الوصف قولتلها ايوه هو ده قالتلى ده موجود ف مغسلة المسجد... قولتلها يعنى اعمل ايه قالتلى روحى خديه هتلاقيه اتغسل روحت اخده لقيتهم الفردتين مغسولين وشكلهم كأنهم جديد واخدته وفرحت بيه ومشيت وفى حاجه كمان ف الحلم وحده بعتتلي رساله بتقولى ليه كل ماحد يسأل اسماء ع رقمها تكنبلهم 11 والبنت ال بعتتلى الرساله كان متسجل اسمها عندى باسم ندى