حلمت اني أمشي بالشارع بلا حجاب

تفسير الاحلام
animate

حلمت اني كنت بمشي عالرصيف بالشارع مع بنتين ولابسين قصير وانا بكون لابسة فستان قصير موجود عندي بالحقيقة لونو فضي وأسود وابكون لابسة معو صندل كعب عالي اسود وبمشي بكونو هنن بيمشو قدامي وكل ماقرب لعندهون بقدمو اكتر وابيسبقوني والعالم كلها بتكون عم تطلع علينا ﻷنو نحن عايشين بالسعودية ومافي حدا بيمشي بلاعباية او بلا حجاب ونحن ماشيين عالرصيف بكون فيه جنبنا شارع فيو سيارات كتير والكل عم يتطلع علينا وايغازلنا فابكون انا مستحية من شكلي مع إنو شكلي كان حلو بس بحس حالي بالمنام انو شاذه الكل متحجب إللا انا وهالبنتين والكل عم يطلع علينا فابننزل من على الرصيف على الشارع فبلاقي شبين سعوديين بسيارة لونها حمرا لابسين التوب السعودي واشماغ بيفتحو الشباك وبغازلونا وبدهون يحكو معنا فأنا بنزل من على الرصيف وابمر من جنبهون وابطنشهون بعدين منلاقي كومة تراب كبيرة بنقعد انا وهالبنتين بكومة هالتراب فابصير بتغطا بالتراب وبغطيني التراب لعند اكتافي فبعد مااتغطا بالتراب لعند اكتافي بحس بالأمان والراحة وانو ماعاد حدا يشوفني بهاللبس فوحدة من البنات يلي معي بيجي التراب على شعرها بتكون حاطه متل التاج على راسها فابتدايق انو اجا التراب على راسها وبتشيل التاج وبعدين منقوم من المكان فابقلهون ليش قمتو من المكان كنت حاسه بالامان والراحة بعدين بروح على دكتورة الاسنان بتكون دكتورة سودانية بعرفها بالحقيقة خلوقه جدا وحبابه وطيبة وبتحب المساعدة وبتريد الخير للكل فبتنضفلي اسناني وبتشيل التسوس منهون وهيي عم تنظف واتشيل التسوس بتنظف بقوة وبتشيل التسوس بقوة وبتوجعني فبتقللي لازم نشيل يلي بين اسنانك بقلها بتقصدي انو نشيل الجير يلي بين الاسنان يلي بخللي السن يتآكل ويسقط بتقللي ايوا فابتجي الدكتورة بدها تفتح المي بينزل فوقها متل الدوش مي سخنه بتبعد الدكتورة عن المي وابتجي لتمر من تحتها وتطفيها بتلاقيها سخنة بقلها انا بطفيها للمي بمر من تحتها وبطفي السخنة وبفتح الباردة بتنزل فوقنا الباردة ملاحظة :البنتين يلي معي بالحلم مابعرفهون الحالة الاجتماعية :متزوجة ولدي طفلة ارجو اذا كان تفسير الحلم سيء عدم التفسير اما اذا كان تحذيري فلا مانع من التفسير

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • مفسرة الأحلام - أ. خديجة محمد السلام عليكم، شكرا لثقتكم بحلوها.نعم الحلم يحكي حالتك انت انت تغرك الحياه الدنيا لكن حياتك ستكون بعد الانفصال عن زوجك اسوا مما تتوقعي وحثي التراب عليك امر غير جيد حتى لو كان الهدف الستر اما الاسنان فتدل على العلاقات بامكانك الان اصلاح الامور اذل اردت اصلا اصلاح نفسك والا فالطلاق واضح من الحلم
  • صورة علم Saudi Arabia
    صورة علم Saudi Arabia
    من مجهول
    نسيت اكتب انو الدكتورة كانت بتنظفلي بقوة واتشيل التسوس بقوة من الجهة اليسار من الفك السفلي الاضراس والاسنان يلي بعد الاضراس يمكن بسموهون الثنايا على ما اعتقد
  • animate

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟