حلمت بأنني أتدرب بالمستشفى

وحلمت اني بتدرب في مستشفى في مكه المستشفى جدا فخمه ومرتبه وفيها مطاعم كأنها فندق ، بعدين على اخر الدوام قلت دحين اطلب اوبر سياره عشان يرجعني جده الا واحد يشغل معايا ( ما اعرفو ) بشرتو بيضه قلي انا حوصلك قلتلو انتا من جده !؟ قال لا انا من مكه وجيعان متى يخلص الدوام اروح اكل بس عادي اوصلك قلتلو لا ما رضيت ، الا فجاه لقيت نفسي وراه ورايحين على السياره الا شفنا سيارتين اول سياره حمراء ( شركتها فراري ) قلي محا تركبي هنا اركبي في اللي بعدها السياره البنك ( زهريه ) اريحلك ، من بعيد مني شايفه لونها ، بس قربنا شفتها سياره عمرها ما شفت في جمالها جدا فخمه وفارهه ومتطوره ( شركتها مزراتي شفتها في الحلم ) بعدين جيت اركب جمبو ) الا قلي استني اصلحلك المقعده عشان تريحك ، ضغط ازرار اترفعت المقعده والظهر زي المخده جدا مريحه ركبت ونزلت تاني قلتلو لا المقعده مره مرتفعه مو مريحه قام صلحلي هيا وجلست ومشينا وانتهى الحلم ، اسمي شهد عزباء ، عمري ٢٢ تخرجت حديثا من الجامعه