حلمت بالشخص الذي تقدم لي .

السلام عليكم ورحمة الله وبركاته حلمت قبل أسبوع تقريبا و قبل النظرة الشرعية انو الشاب اللي متقدملي جاي البيت يبي يشوفني و أنا أول ما شفته ما ارتحتله بعدين كذا شفته انه بغرفتنا و جالس على سرير أختي و جمبه أخوي جهاد و أنا جالسة على سريري و جمبي أختي نداء ، و برضو كنت كاشه منو ، اعطاني الشاب ورقة و فيها أرقام وقالي أجمعيهم و كنت متوترة وخايفة و أختي كانت تحاول تساعدني في الجمع ، جمعتهم و اعطيته الورقة و قالي غلط و رد الورقة لي ثاني و جمعتهم و قالي برضو غلط ، شوي كذا أشوف اني مبسوطة و قمت من السرير و سحبته من كتفه و قلت له تعال نتكلم في المجلس و أول ما دخلت المجلس كان أبوي قدامنا قال ايش تبغوا ؟ قلتله أبغى اتكلم معاه و جلست قريب منه و تكلمنا و احنا مبسوطين بعدين اشوف قدامنا صحن مليان بقلاوة و أكلنا منه أنا واياه لين ما بقي ثلاث حبات بس و كان هو يأكل وحده قمت قلتله خلاص انا بشيل الصحن قام حط نص البقلاوة اللي كانت معاه .. انتهى الحلم و قريب تمت الشوفة و كنت في البداية مبسوطه منه بعدين صار حدث و انقهرت منه و ما همني دحين لو وافق أو رفض