ما تفسير حلم يوم القيامة؟

حلمت ان كنا يوم جمعه و القيامة هتقوم و السما كإنها بتتفك و كنا ف الفجر بس الفجر لسة مأذنش و اما أذن ماما صلت و انا مكنتش عارفة اعمل ايه بعد كدة افتكرت ان لازم اصلي و اقرأ قرءان و اموت و انا بقرا قرءان استنيتها اما تخلص و قومت. لبست الاسدال بس كانت طرحته واسعه مبينة الجزء اللي قدام من شعري و بعدين لقينا السما كانت الصبح و بعدين ضلمت كإن فيه رعد بعدين بقينا الصبح تاني بعد كدة جيت افتح الشباك لقيت ريحة حلوة اوي و االمنظر حلو جدا و لاقيت بحر و شجر و بركة عاملة زي بسين صغير و كان فيه ريحة حلوة اوي. و قعدت اقول لأختي بصي الريحة حلوة ازاي قربي رقبتك شوية و هتشميها و كانت الريحة الحلوة دي بتظهر اما بتكلم تقريبا ف لقيتها بتقولي دة انا كنت لسة هتحجب الاسبوع الجاي قولتلها و انا كمان و الله كنت بفكر ف كدة و كنت قاعدة بدعي ف سري ان القيامة متقومش دلوقتي عشان الحق اعمل حاجات كتير ترضي ربنا اصلي و اقرا قرءان كتير و اتصدق و كدة يعني و بعدين راحت قايلة ياجماعة دة النهاردة السبت قولتلها لا الجمعة و فتحت الموبايل ووريتها. بعد كدة لقينا الظهر بيأذن ف ماما قالت ازاي دة لسة الفجر مأذن و انا قولت ف نفسي كويس عشان اكون صليت الضهر كمان بس انا مكنتش لسة صليت اي حاجة بس. كإني صليت الفجر و بعد كدة لقيت اختي بتقولي يلا عشان رايحين البحر قعدت ازعق و اقولها انتوا مجانين دة بدل ما تقعدوا تصلوا كتير و تقروا قرءان و بعدين تيتا كانت قاعدة (هي عايشة) لقينا اكل جه بس اول مرة اشوفه بتقول فلسطين بتحب الاكل دة او دة الاكل بتاع فلسطين تقريبا و بيبقوا 3 مكونات بعدين انا قومت اصلي لقيت اختي بتصحيني بس انا طول الحلم كنت بستغفر و بصلي ع النبي