حلمت أني أدعو الله

حلمت اني ادعوالله فاستجاب الله .... حلكت حلك غريب كانه ناس تانية داهمو المدينة اللي انا فيها و كانو يقتلو و يأذو الناس. حلمت بانهم اخدو بابا و انا كنت خايفة عليه من انو يقتلوه اخدوه بعيد و انا رجعت للبيت. اخواتي و امي كانو جالسين معي و نحنا نحكي شو ممكن يصير فينا و فيه. اللي انا ذكرتو انو كان في الحلم كمان يوم عرفة متل ما هي هلا اليوم فقلت خلاص ادعو الله اليوم عرفة و يمكن يستجيب منا ادعو انو بابا يرجع و انو اللي مقتحمين ارضنا يختفو. بتذكر ماما قالت معها حق . و انا بلشت ادعي و ابكي و ادعي بصوت صراخ و كمان ندمانة و انو ادعي الله ان يستجيب لي و يرفع البلاء عنا و بنفس الوقت كنت اطلب منه الغفران. ورا الشباك كان مطر غزير و صوت رعد و كمان شمس و سحاب يعني كل شوي كانت الشمس تطلع و بعدين يختفي ورا السحاب و لونه كان برتقالي يعني متل الغروب. كل ما كنت ابكي كتير و بدعو من قلبي اكتر كل ما صوت الرعد و المطر كانت تعلو اكتر. الي ما لقيت المطر توقف و لقيت بوليس يدقو باب البيت و يخبرونا انو الحرب خلاص و حل الامان علينا و انا من كترة الفرح و كترة انو كيف الله استجاب لي نسيت تقريبا اتجاه القبلة لانو كان بدي اسجد سجدة الشكر يعني اول شي كنت ح اسجد ع الاتجاه الغلط بس بعدين بدون ما اسأل حدا و لا حدا يخبرني عرفت اتجاه الصح و سجدت و كمان بكيت في السجدة و شكرت الله. الحلم عندي غريب ما ذا يمكن يكون المعني؟ ارجو الرد